حصريا: المتهمون فى فضيحة العاهرات والمنتخب بالإسم فى برنامج 90 دقيقة رحلة جنوب افريقيا

radwa

[b]المتهمون فى فضيحة العاهرات بالإسم فى برنامج 90 دقيقة
30/06/2009[/b]

[b]تفجرت تفاصيل جديدة فى فضيحة بنات الليل وبعثة المنتخب الوطنى لكرة القدم ، فقد تم الكشف عن اسماء الثلاثة الذين تورطوا فى الفضيحة وعلى رأسهم نجل رئيس اتحاد الكرة سيف سمير زاهر ، وممثل شاب ( رامز عادل ) واعلامى اسمه مهيب عبد الهادى

عرض برنامج 90 دقيقة تفاصيل مثيرة على لسان اسامة خليل رئيس تحرير جريدة الفرسان الذى قال ان الاسلام حرم الزنى لكنه دقق فى اثبات التهمة على رجل أو امرأة ، والشرطة الآن تؤكد عدم حدوث ذلك ولا يوجد مصدر يمكن استقاء المعلومة منه
اضاف : المعركة الآن انتقلت مابين جريدة الاهرام واحمد شوبير ، الاهرام اشارت يوم الجمعة ان هناك اعلامى كان يغطى هذه الاحداث متهم فى الفضيحة وكان واضح ان المقصود هو مراسل قناة الحياة واصبحت هناك معركة بين شوبير والاهرام
وصحف جنوب افريقيا سربت اخبار عن تورط فنان ونجل مسئول رياضى
واصبح مطلوب مننا الان ان نخوض فى سمعة ناس واحنا مش متاكدين.
عقب معتز قائلا يعنى انت شايف انه بغض النظر عن وجود شواهد الرجل الاعلامى ليس مرافق للبعثة لو ثبت صحة انه تم ادخال فتيات ليل الى مقر البعثة ان يتم التعتيم على ما حدث؟ رد :انا شخصيا لا اتعرض لحياة الناس الخاصة

رد معتز :ازاى دى حاجة اساءت لمصر ولسمعة الرياضة المصرية؟
رد اسامة خليل : لازم افصل بين ان الراجل ده كان يعمل فى قناة وخلص شغله بيعمل ايه بالليل انا مليش دعوة
اللى اتسرب للاعلام ان من قام بذلك لاعبى المنتخب ، الخطأ انه كان لابس فانلة المنتخب
قال معتز : اتهم لاعبى المنتخب ولهذا الموضوع خاص ب80 مليون مصري ؟
قال خليل :اخطأ بشكل شخصي وتحاسبه قناته لكن انا مش رقيب

ثم تحدث احمد شوبير مؤكدا ان اكثر من يفسر ماحدث هو السفير المصري فى جنوب افريقيا والشطة الذين عقدوا مؤتمر صحفى امام الجميع انه لم يرتكب اى مواطن مصري خطأ فى جنوب افريقيا والموضوع انتهى ا وتم اغلاقه
سأله معتز : تردد ان هناك اتفاق لانهاء الموضوع ؟
قال شوبير : دى بيوت ناس وسمعة ماينفعش حد يقوللك عندى شعور ، ده شفير مصر ولابد ان تعتذر جريدة الاهرام لقناة الحياة بسبب الاتهام الذى وجهته لمراسل الحياة واذا لم يعتذروا يبقى مفيش احترام للزمالة
اضاف شوبير : انا فى حالة اندهاش احنا بنجرى وراء شائعة ولم يؤكد احد هذه الاتهامات ، وهناك مؤتمر صحفى ضخم فى جنوب افريقيا
انا مندهش من هذا التناول الغريب جدا [/b]

**سكيتر**

خبر غريب الى حد ما يا رضوى

يعنى برده فى الآخر طلع متهمين فعلا .!!

سبحان الله .. بجد لو اتاكد الخبر ده لازم الـ3 دول يتعاقبوا اشد عقاب

عشان سمعة المنتخب اللى لوثوها

شكرا ع الخبر يا رضوى .. تحيتى لك

_________________

**mr m**

رضوي موضوع مهم جدا
بس للاسف ان اللي حصل اثر نفسيا علي اللاعيبه وكمان الجهاز الفني
واكتر من كده ده اسئ لكل مصري وخلاهم متهمين من وجهت نظر الاعالم كله
لكن المهم ان الحقيقه يعرفها العالم كله ....ان المنتخب لسه هو منتخب الساجدين
تسلمي علي المجهود ..
تقبلي مروري

_________________

**سكيتر**

إحقاقا للحق ..

وحتى لا نحاسب ع ظلم احد

آخر كلام اتقال .. إن مفيش حد متهم اصلا فى الفضيحة دى

وإن كل اللى اتقال ع الـــ 3 الاعلامى والممثل ونجل زاهر .. كله تلفيق × تلفيق زى برده المنتخب

_________________