مش بنحس بقيمة الانسان عند اقتراب فقدانه ....ليه بس ؟

السلام عليكم ازيكم يا احلي اعضاء يارب يكونوا بخير دايما يارب

موضوع نقاشنا انهرده مش غريب خالص بس يمكن يكون الكل

بيمر بيه بس للاسف الواحد بيمر بيه ومش بيحس بيه غير لما ينتهي ويندم ع فوات الاوان

موضوع نقاشنا انهرده (ليه بنحس يا جماعة بقيمة الشخص العزيز علينا غير لما بيضيع او عند وشك فقدانه )

ونقوووول ساعتها ياريت اللي جراي ما كان

هل ده بطبيعة الانسان البشري

لا يدرك الاشياء إلا عندما يفتقدها
فقد تكون بين يديه ولا يدركها إلا أذا فقدها
....
وتكون الصحوى ومن ثم يعود الى نفس الحال
ومن السهل عليه ان يتأ قلم ويعود بثوب جديد
ونمضي في الحياة كاننا نسير في درب طويل
يأخذنا الزمان كأننا نيام وفي لحظة نستفيق
لندرك اننا اضعنا اشياء كثيرة ويا ليتها تعود
...
عند الوداع يشتد الخناق ويستيقض الضمير
ويجد نفسه من المقصرين

هل ده بجد طبيعة الانسان البشري ولا ممكن ده يتغير

مستني ارائكم

كابو ..
التوبيك حلو اوى وجدير اوى بالنقاش
فعلا كتيير منا .. مبيعرفش الحاجة عموما غير لما تضيع منه
ويمكن بنلمس ده اكتر يا كابو .. فى ابونا وامنا .. بمنعرفش قيمتهم كويس غير لما يضيعوا مننا
وكمان لما حد يبقى قريب منك اوى بتزعل منه كتيير
لكن اول ما بيروح منك بتعرف قيمته وتندم ..!!
اعتقد يا كابو ده مش طبيعة .. لكن بتختلف من شخص للتانى
لانى برده لسه فى الناس اللى بتقدر قيمة الشئ وبتعرف تحافظ عليه

باشكرك ع التوبيك المتميز .. تسلم الايادى . تحيتى لك

كابو

موضوع فى غايه الروعه و جدير بالنقاش

و فى رئى و اعتقادى ان فعلا ده يعتبر من طبيعه البشر

و هو عدم الاحساس بقيمه الاشياء الا بعد قفدانها و ده يرجع لاسباب كتير

زى الملل ان الانسان لما يتعود على شئ معين بتيجى ليه وقت و يبدا يزهق منها

و يتمنى انه يخسرها و لما يخسرها بيحث وقتها قد ايه كان محتاج لها و يندم فى وقت يكون الندم

فيه ماينفش .

بجد فيه حاجات فى حياتنا دلوقتى يمكن مانحسش بقيمتها دلوقتى لكن هنحس بيها اوى لما تضيع مننا

مرسى كتير ليك يا كابو

تقبل خالص تحياتى