يعنى إيه انتيم "صاحبك الانتيم" ..؟

السؤال ده محيرنى من مده طويله

الاول كده لفظ " انتيم " عشان اللى ميعرفش يعنى صاحبك اللى لازقلك على طول و اللى انت برضه بالضروره لازقله

مش عارف الكلمه ديه طلعت امتى لكن لقيها بتتقال فقلتها

المهم يا ولاد

انى قعدت مره اشوف مين اللى انا مصاحبهم فى الدنيا لقيتهم كتير

كلهم كويسين

و كلهم وحترمين

و كلهم بحبهم

وكلهم مقدرش استغنى عنهم

طيب ايه المشكله ياعم الحاج

المشكله يا سيدى ان الطبيعه تحتم على الانسان ان يكون ليه انتيم واحد بس

اه ممكن يكون ليه صحاب كتير اوى

لكن لازم يكون فى واحد بس هو اللى ممكن تقوله اسرارك اللى مش ممكن تقولها لحد تانى غيره

لازم يكون فى واحد بس هو اللى ممكن لو وقعت فى مصيبه يكون اول واحد تروحله و تكون متأكد انه هيساعدك بكل ما يملك من طاقه

لازم يكون الواحد ده برضه نفسك تقعد معاه وقتك كله من غير ما تزهق

على فكره الواحد ده ممكن يكون موجود بس المشكله انه لازم و ضرورى و لابد انه يكون بيبادلك نفس المشاعر ديه

هى ديه اكتر مشكله ممكن تكون موجوده

ممكن يكون فيه واحد انت بتحبه اوى

و لو طلب منك حاجه هتجرى و تعملها

و لو واقع فى مشكله تكون اول واحد موجود

لكن يكون هو غير كده

يكون معتبرك كأنك صاحب عادى يعنى زى اى واحد تانى

و ممكن يكون فى واحد بيحبك اوى برضه

و لو طلبت منه حاجه هيجرى و يعملهالك برضه

و لوكنت واقع فى مشكله هيكون اول واحد يقف معاك برضه

لكن للأسف رضه

يكون انت مشاعرك تجاهه انه صاحب عادى زى واحد تانى

و نفضل كده لغايه نلاقى واحد بيبادلك نفس المشاعر و الافعال
ده لو عرفت تلاقيه
تبقى محظوظ اوى
لأن ديه فى نظرى من أكبر النعم اللى ممكن ربنا يديها لحد

هو كلامى ده فى حاجه صح

ولا انا بهرتل و خلاص

يا ريت اللى عنده حاجه ينفع تتقال فى الموضوع يشرفنى بيها فى التعليقات

يعنى إيه انتيم "صاحبك الانتيم" ..؟ %D8%A7%D8%B5%D8%AF%D9%82%D8%A7%D8%A1

يعنى إيه انتيم "صاحبك الانتيم" ..؟ %D8%A7%D8%B5%D8%AF%D9%82%D8%A7%D8%A1

مستنى تعليقاتكم

من وجهه نظري انتيمتى دي لازم تكون زيي في تفكيري موافقه دايما ع افكاري
ولازم انا كمان اكون موافقه ع تفكيرها ..تصرفاتها..افعالها...كل حاجه في شخصيتها ..مش عشان واحده وقفت معايا في كذا موقف او حسيت باهتمام تبقي انتيمتى ...انتيمتى دي كان بالظبط شايفه نفسي في المرايه ..واحده زيي شبهي في كل حاجه ...في طباعي بالاخص
مينفعش ابدا تبقي انتيمتى مختلفه معايا في الطباع ....عمري ماهحس بالارتياح معاها
فانا من رايي (لمرء علي دين خليله فلينظر المرء من يخالل ) بالظبط الحديث ده قال المفيد الخليل يقصد به الرسول عليه الصلاه والسلام معنى كلمه انتيم في وقتنا الحالي
بس كده..
يارب يكون وجهه نظري وصلت للكل
ميرسي يااحمد موضوعك جميل بجد
ودايما مستنين المزيد
ارق تحيه

توبيك جميل جدا يا سكيتر
وبصراحة موضوع مهم اننا نعرف يعني انتيم
انامن وجهة نظري انا انتيمك ...هو الصاحب اللي بجد اللي بيخاف عليك عند غيابك ..بيخارف عليك زي ما بيخاف ع نفسه ..لازم يكون بينكم صراحة ومواجهة ع قدر الامكان ...يسال عنك اذا غيبت ..ما يحاولش في يوم من الايام ..انه يضربك من ظهرك ..ولا يخدعك ولا يخونك ..ولا يلعب بيك ..سرك اللي مش قادر تبيح بيه لاي حد ..يكون معاه هو ..هو الصديق اللي لما تضايق تلجا اليها عند الحاجة تلاقيها قدامك تشكيله همك ..ويحاول انه يواسيك ..
بس بصراحة وبعد الكلام ده كله ..في الزمن ده متلاقيش الصديق اللي فيه المواصفات دي
المخلص بجد ..اللي يرد مكانك عند غيابك
اسف ع الاطالة
يسلموا ايديك ع التوبيك الجميل ده
تحيتي الغالية

سكيتر
موضوع مهم جدا وجميل اوى
وبعد كلام كابو مش هقدر اقول حاجه
لانه بجد وصف الانتيم الانتيم
وفعلا مواصفاته مش هنلاقيها اليومين دول
تسلم بجد توبيك مهم
تقبل خالص تحيتى

كلمة انتيم معناها الصداقة والصداقة مشتقة من الصدق اللى هو اصلا من الرسول محمد صلى الله

عليه وسلم واكيد هتبقى علاقة جميلة اوى كلها حب وصراحة واطمئنان وعفة ومودة

ولازم اللى تكون صحبتى تكون زيى بس مش فى كل حاجة علشان نتخانق ونتصالح وكدا

سكيتر

بجد موضوع جميل جدااااااااااااااااااا

تقبل ارق تحياتى

سكيتر

موضوع مميز جدا

و فعلا كلامك تقريبا صح لان الصاحب الانتيم ده بيكون نعمه من عند ربنا

و قليل اوى اما نلاقى صديق بجد و ينفع يكون صاحب الانتيم لان صاحبك الانتيم

اكيد بيخاف عليك و اكيد بيحبلك الخير و عمره فى يوم ما هيجرحك ولا هيزعلك و حتى

لو زعلتوا بترجعوا تانى على طول لانك ماتقدرش تستغنى عنه ولا هو يستغنى عنك

و بجد اانا بجمد ربنا على النعمه دى لانى و لحسن حظى عندى صحبى الانتيخ و بجد

بيصبرنى على حاجات كتير و بلاقيه جمبى و قت الشده و فى كل الاوقات .

موضوع فى غايه الروعه و الجمال

تقبل خالص تحياتى

احمد
بجد موضوع ممتاااااااااااااااااااز
وانا بوافقك جدا فى الكلام كله معنديش اى اعتراض عليه نهائى
وانا فعلا بعتبر نفسى محظوظة جدا جدا لانى عندى الصديقة دى
وربنا مايحرمنى منها يااااااارب
اوعو تحسدونى
وبجد
تسلم كتيييييييييييييييييييييييير يا احمد
على التوبيك ده وفعلا ممتاز
وكمان انا بحييك على التجديد الجامد ده
بجد المنتدى كدة جميل اوى
تسلم لينا يااااااارب
تقبل مرورى
تحيتى
lolyta

باشكركم اوى ع ردرودكم والحمد لله ان التوبيك عجبكم
ولاحقا .. التعليق جملة ..

تحيتى لكم

يااااااه صحبك الانتيم

تعرف يا سكيتر ان الكلمة دى جواها معانى كتيره اوى

بس زى الجوهر النادر صاحبك الانتيم ده يعنى المفروض يكون هو انت

اكتر واحد يكون عارفك يقف جمبك يدراى عيوبك

يرد غيبتك يحفظ سرك يكون ضهرك اللى تتسند بية فى وقت المك

مش عكاز يتسند بية واول ما يقف على رجلية يرمية

صاحبك الانتيم ده اللى هو المفروض يكون حياتك االلى تلاقية اول واحد

فى جرحك وفرحك اللى مش اول ما يلا قى حد بيطعنك يكون اول واحد بسيفة

الصاحب ده اللى مش بيجرحك بكلمة ويسال عليك فى غيبتك

الصاحب ده يسمعك

ويقف جمبة بنصيحتة بدون ما يجرحك صاحبك ده اللى بماعملته يخليك

تحس انك عايز تتكلم معاه وبكل راحة وامان

واللى يحبلك الخير ويخليك مش محتاج لحاجة

ولو احتاجت تلاقية اول واحد يتمنى يساعدك مش عند اول مطب يبيعك

معانى كتير يمكن

لو كتبتلها كتاب مش هتخلص زى الحب بالظبط ويمكن اكتر

وساعات كتيربنحس فى ناس بكده بس للاسف من اول

موقف بيبان وتستحمل تلاقى الضربة اللى بعدها اقوى

بصراحة التوبيك رائع يا سكيتر

بس عندى ليك سؤال يا ترى فى لسة حد فيه الصفات دى

غير بنسبة متزيدش عن 5 فى المية

تقبل مرورى

واسفة للاطاله

B_A_S_M_A كتب:: يااااااه صحبك الانتيم

تعرف يا سكيتر ان الكلمة دى جواها معانى كتيره اوى

بس زى الجوهر النادر صاحبك الانتيم ده يعنى المفروض يكون هو انت

اكتر واحد يكون عارفك يقف جمبك يدراى عيوبك

يرد غيبتك يحفظ سرك يكون ضهرك اللى تتسند بية فى وقت المك

مش عكاز يتسند بية واول ما يقف على رجلية يرمية

صاحبك الانتيم ده اللى هو المفروض يكون حياتك االلى تلاقية اول واحد

فى جرحك وفرحك اللى مش اول ما يلا قى حد بيطعنك يكون اول واحد بسيفة

الصاحب ده اللى مش بيجرحك بكلمة ويسال عليك فى غيبتك

الصاحب ده يسمعك

ويقف جمبة بنصيحتة بدون ما يجرحك صاحبك ده اللى بماعملته يخليك

تحس انك عايز تتكلم معاه وبكل راحة وامان

واللى يحبلك الخير ويخليك مش محتاج لحاجة

ولو احتاجت تلاقية اول واحد يتمنى يساعدك مش عند اول مطب يبيعك

معانى كتير يمكن

لو كتبتلها كتاب مش هتخلص زى الحب بالظبط ويمكن اكتر

وساعات كتيربنحس فى ناس بكده بس للاسف من اول

موقف بيبان وتستحمل تلاقى الضربة اللى بعدها اقوى

بصراحة التوبيك رائع يا سكيتر

بس عندى ليك سؤال يا ترى فى لسة حد فيه الصفات دى

غير بنسبة متزيدش عن 5 فى المية

تقبل مرورى

واسفة للاطاله

بوسى

جميلة اوى المعانى اللى انتى افردتى فيها
وكلها احلى من بض
واى حد فينا نفسه يلاقى حد بالمواصفات دى
وببساطة يا بسمة
تقريبا اصلا الصفات دى مش موجودة فى حد
لانها لو اتوجدت فى حد هيكون ملاك مش بشر
ومهم اوى لينا اننا نفرط ونستغنى عن صفة او اتنين
عشان نقدر نلاقى حد فعلا يفهمنا ..
لكن صعب تتمسكى بكل الصفات دى وتلاقيها فى حد

باشكرك اوى ع مرورك وردك الجميل .. نورتى التوبيك ومستنى تعليقك .. Smile

soso كتب:: من وجهه نظري انتيمتى دي لازم تكون زيي في تفكيري موافقه دايما ع افكاري
ولازم انا كمان اكون موافقه ع تفكيرها ..تصرفاتها..افعالها...كل حاجه في شخصيتها ..مش عشان واحده وقفت معايا في كذا موقف او حسيت باهتمام تبقي انتيمتى ...انتيمتى دي كان بالظبط شايفه نفسي في المرايه ..واحده زيي شبهي في كل حاجه ...في طباعي بالاخص
مينفعش ابدا تبقي انتيمتى مختلفه معايا في الطباع ....عمري ماهحس بالارتياح معاها
فانا من رايي (لمرء علي دين خليله فلينظر المرء من يخالل ) بالظبط الحديث ده قال المفيد الخليل يقصد به الرسول عليه الصلاه والسلام معنى كلمه انتيم في وقتنا الحالي
بس كده..
يارب يكون وجهه نظري وصلت للكل
ميرسي يااحمد موضوعك جميل بجد
ودايما مستنين المزيد
ارق تحيه

سماح

انتى اللى ردك جميل اوى وعجبنى
خاصة حديثا رسولنا الكريم -صلى الله عليه وسلم-
وانا باتفق معاكى اوى ..
بس برضه نفس السؤال ..
هل معقول او سهل انك تلاقى حد بالمواصفات دى اللى بتشبه الكمال ..!!
اعتقد صعب اوى .. فهل برضه ممكن تفرطى فى حاجة من الصفات ولا ايه ؟؟

باشكرك اوى يا سماح .. نورتى التوبيك .. تحيتى لك

K@po كتب:: توبيك جميل جدا يا سكيتر
وبصراحة موضوع مهم اننا نعرف يعني انتيم
انامن وجهة نظري انا انتيمك ...هو الصاحب اللي بجد اللي بيخاف عليك عند غيابك ..بيخارف عليك زي ما بيخاف ع نفسه ..لازم يكون بينكم صراحة ومواجهة ع قدر الامكان ...يسال عنك اذا غيبت ..ما يحاولش في يوم من الايام ..انه يضربك من ظهرك ..ولا يخدعك ولا يخونك ..ولا يلعب بيك ..سرك اللي مش قادر تبيح بيه لاي حد ..يكون معاه هو ..هو الصديق اللي لما تضايق تلجا اليها عند الحاجة تلاقيها قدامك تشكيله همك ..ويحاول انه يواسيك ..
بس بصراحة وبعد الكلام ده كله ..في الزمن ده متلاقيش الصديق اللي فيه المواصفات دي
المخلص بجد ..اللي يرد مكانك عند غيابك
اسف ع الاطالة
يسلموا ايديك ع التوبيك الجميل ده
تحيتي الغالية

جميل جدا رادك يا كابو وعجبنى فى مجمله تعليقك
وانتا تقريبا جبت المفيد ..
فى الزمن دا متلاقيش ..!!
فهل الحل إننا نعيش فى عزلة بلا اصحاب او اصدقاء
اعتقد لا .. اكيد لازم يكون لينا حد .. فبنضطر نفرط فى الصفات
ولا ايه رايك .. تحيتى لك

monny كتب:: سكيتر
موضوع مهم جدا وجميل اوى
وبعد كلام كابو مش هقدر اقول حاجه
لانه بجد وصف الانتيم الانتيم
وفعلا مواصفاته مش هنلاقيها اليومين دول
تسلم بجد توبيك مهم
تقبل خالص تحيتى

منى
باشكرك اوى ع المرور والرد الجميل
وتسلمى ع الرد الجميل
وباوجهلك نفس اسئلة كابو بما انك اتفقتى معاه

تحيتى لك

اقتباس :: بوسى

جميلة اوى المعانى اللى انتى افردتى فيها
وكلها احلى من بض
واى حد فينا نفسه يلاقى حد بالمواصفات دى
وببساطة يا بسمة
تقريبا اصلا الصفات دى مش موجودة فى حد
لانها لو اتوجدت فى حد هيكون ملاك مش بشر
ومهم اوى لينا اننا نفرط ونستغنى عن صفة او اتنين
عشان نقدر نلاقى حد فعلا يفهمنا ..
لكن صعب تتمسكى بكل الصفات دى وتلاقيها فى حد

باشكرك اوى ع مرورك وردك الجميل .. نورتى التوبيك ومستنى تعليقك ..

سكيتر

كلامك جميل بس الصفات دى مش شرط تكون فى ملاك

دى المفروض تكون فى البشر اللى ربنا خلقلهم قلب علشان يحسوا بيه

بس الحل مش اننا نعيش فى عزلة زى ما كابو قال

بس العلاقة هتبقى سطحية مش زى الاول طبعا غير لو اتاكد اللى قدامك ده اتغير فعلا

بس اما تسامح وتحس انه تغير وتقرب منة تانى وتلاقية زى ماهو

بس للاسؤء بتهيالى ساعتها مش هتقدر تكمل

وانا معاك ممكن نتنازل عن صفة او اتنين وتلاتة كمان

وعلى قد ما نتننازل على قد ما نسامح وزى ما بتتنازل بتستحمل

برضو ضربة واتنين وعشرة وتيجى على اخر ضربة ومتستحملهاش

وتوقعك وكل ضربة اقوى من التانية

لكن فى حاجات مينفعش يتقال لها لا ولا لية

واكيد مش كل الناس كده بس المفروض يكون الاغلبية

حتى فيهم معظم الصفات دى على الاقل الصفة الحلوة تهون على التانية

وانت بتقول ان المفروض يكون حد لينا بس الحد

اللى لينا هيكون عامل ازاى مش لازم انك تقدر تعاشرة

وعلشان تقدر تعاشرة مش لازم يبادلك نفس المعاملة ويكون فيه

الصفات دى ولا رائيك اية

وده تعليقى واسفة كتير للرد مرة تانية