الراى والراى الآخر يا شوبير

وانا وباتجول فى القنوات وإزدحامها فى رمضان بكافة الربامج والمسلسلات

وقفت عند قناة الحياة وإندهشت لما لقيت شوبير

قلت هيه ناقصة رياضة ..

لكن زاد إندهاشى لما لقيت شوبير برنامجه اسمه الوجه الآخر

وزاد إندهاشى اكتر لما عرفت ان البرنامج سياسى

وان شوبير المذيع والاعلامى المشهور فى مجال الرياضة والنائب ومش عارف إيه فى الشباب والرياضة ..

ملتقى مع جمال البنا .. اخو المرحوم حسن البنا مؤسس جماعة الاخوان المسلمين

ولقيت شوبير كعادته بيسال الضيف جمال البنا

صاحب اغرب الفتاوى واللى اثار الجدل

ومن فتاويه وكلامه

يجوز الزواج بدون ولى .. لا يجوز تطبيق الحد على المرتد .. اباح التقبيل بين الشباب .. .. إلخ

من الفتاوى الغريبة التى اثارت الجدل

ويعتبر دكتور جمال البنا ان المسلمين متخلفين وفهم وتفكيرهم متخلف

ومن الجدير بالذكر ان الاخوان المسلمين استنكروا ما فعله جمال البنا

وادار شوبير اللقاء ولكن شوبير رجل رياضة وليس شيخ فهو يجهل امور الدين

عشان كده الحلقة كانت مجرد تساؤلات بلا ردود

وكان شوبير بيثبت كلام جمال البنا بطريقة اخرى

وكان يجب على شوبير ان يستضيف مع جمال البنا من هو جدير بالرد عليه من الشيوخ

من مبدا الراى والراى الآخر ..

وربنا يستر ع باقى الحلقات ..

شوبير مع جمال البنا

جمال البنا صاحب فتاوى تحليل السجائر برمضان .. اباحة التقبيل بين الشباب والبنات .. وقد اتفق مع غيره ان الحجاب ليس فريضة وغيرها من الفتاوى التى قيلت ولا يوجد سند لها

اما بالنسبة لشوبير : صاحب الكرة الذهبية .. رياضي درجة اولى .. لا وكمان يجادل معاه ويعارض ويقول رأى يعنى مش يقول الله اعلم ومن قال الله اعلم فقد افتى .. يعنى هو ولا شيخ ولا حاجة

والمفروض مكنوش يجتمعوا فى حلقة واحدة
فلكل مقال مقام

ختاما شكرا ياسكيتر وربنا يستر بجد فى الحلقات اللى جاية

تسلم ايدك

تقبل مرورى

شكرا كتير يا سكيتر
هو انا مشفتش البرنامج
بس بجد ربنا يستر على الى بيسمعلهم
وياريت تقولى المواعيد بتعاعت البرنامج ده
يمكن اقدر اتفرج عليه
وتسلم ايدك على التوبيك
تقبل مرورى وتحيتى وردة

ندا ... الاء

باشكركم اوى ع المرور والعطر والرد الجميل
وانا مبسوط بتواجدكم بالتوبيك
وع فكرة يا الاء البرنامج بيتذاع تانى رمضان السنة دى
بس مش عارف للاسف الساعة كام !!
هوه ميستحقش اصلا المشاهدة ..

تحيتى لك