خدعة الحب و.....................الصحوبية

بسبب الانفتاح الاعلامي, انشغال كثير من الاباء و الأمهات أنهم يسمعوا أولادهم و بناتهم و أنهم يفيدوهم بتجاربهم, و ساعات كثير مش بتلاقي أصحاب يسمعوك , و بسبب اختلاط كثير من المفاهيم....
بدأ الشباب والبنات كثيرة تدور علي الحب برة...:king: :queen:
بدأ الشباب يدور عليه عند البنات والبنات تدور عليه عند الشباب
و بقيت بنات كثيرة للاسف شايفة و مقتنعة انها عشان تتزوج لازم تصاحب... I love you

و بتنسي انها لما تصاحب حتتحول حياتها من النور الي الظلام...
حتعمل كل حاجة في السر وهي خابفة حد شوفها...
لكنها للأسف مش بتعمل حساب للملك اللي شايفها

لكن يا بنات لما نيجي للجد حنلاقي كل الشباب بيقول:
" انا عمر ي ما أتزوج بنت كانت مصاحبة وعمري ما اتزوج واحدة كنت مصاحبها";)

شايفيين يا بنات ..
شايفيين انتم بتعملوا ايه في أنفسكم
اوعوا يا بنات تكونوا جزء من حياة الشباب...

خلينا نقول لكم حاجة : الصحوبية ما هي الا أنانية
لأن الصاحب مش بيحب الا لحظات السعادة اللي بيعشها مع صاحبته
هو لو كان خايف عليكي بجد كان سابك تبعدي عن ربنا؟؟؟مش كان فكر فيكي وفكر في شكلك أمام الله و أمام سيدنا محمد؟؟؟ سورى

خلينا نسأل سؤال لو انتي فيكي عيوب واضحة كان صاحبك؟؟؟؟
ما بالك بالله اللي قابلنا و صاحبنا بكل عيوبنا

متخافوش يا بنات خلوا عندكم ثقة بالله تعالي فهو الرزاق والوهاب حيرزقك بزوج من غير صحوبية cat

و صية أستاذ مصطفي لينا يا جماعة:
مش للبنات بس لكن للاباء والأمهات كمان:
1-اشغلي وقت: بدراستك او بأعمال تطوعية وخيرية أو مع أهلك rendeer

2-روحي كلمي صحبك دلوقتي وقولي له كفاية كده أنا مش حعمل حاجة تغضب ربنا تاني:(
3- و أنتم يا أباءنا و يا أمهاتنا اوعوا تكونوا جزء من مصيبتنا في شبابنا
لو سمحتم متكسلوش عن اولادكم بدل مايروحوا يدوروا علي حضن تاني بره؟
افتحوا لهم أحضانكم و أذانكم وردة

ريماس ..

توبيك .. حلو اووى وبجد تسلم إيدك

واكيد موضوع الصحوبية ده شغل ناس كتير

وما زال كل الشباب بيفكر فيه ..

وفى ناس كتير عارفة ان الصحوبية حرام وغلط

ولكن بتعملها او مش بتقدر تمنع نفسها يعنى نقدر نقول بتضحك ع نفسها

.. شكرا لك على هذا المجهود المتميز ويارب دايما متميزة يا ريماس

تحيتى .. نورتينا

السلام عليكم ورحمة الله وبركاته

اكيد هو حرام وغلط بس دايما يوهموا نفسهم ان الحب قبل الجواز لازم ولا بد منه
ميرسي ليك ياسكيتر وتقبل خالص تحياتي

ريماس انا كنت هكتب عن الموضوع ده

زى ما قلتى انه راجع للوالدين بالاضافة للتقليد الاعمى عندنا للاجانب
وانطلقت حملات كثيرة بتناشد ان لا للصحوبية ولكن هل من آذان تسمع او عقول تفهم او حتى تستوعب !!
نرى الاصحاب - البنت والولد - بيضحكوا ولما تسأليهم يقلولك نحن اصحاب قال اصحاب قال
نسيوا " انه ما اجتمع رجل وامرأة الا وكان ثالثهما الشيطان"
ولا نسيوا حالة شبابنا الايام دي ولا نسيوا انهم فى زمن غير الزمن
وحكاية ان الصحوبية قبل الزواج لازم مفهوم غلط طبعا لانه الشباب يقولون ما اتزوج واحدة كنت مصاحبها او ما اتزوج واحدة ممكن تكون صاحبت قبل كدة غيري

اللهم اهدي شبابنا وبناتنا واهدينا ياهادي

ريماس تسلم ايدك
بإنتظار المزيد
تقبلى مرورى