الصعايدة وصلوا !!! ملف كامل وصور ارجو التعليق

ملحوظة : دقيقة دول مكانهم مش غلط لانى ده موضوع عن حالة الصعايدة مش نكت للضحك

1 كان في صعيدي يصلي قالو ماشاء الله عليه خاشع قام قطع الصلاة قال كمان صايم.......

2 صعايدة راحو يتعلمو ربط الكرفتات. 9 ماتو وواحد حالته خطرة.

3 ليه مرات البلدياتنا وهى حامل ما بتشربش مايه ليه ليه ليه ليه ليه ليه علشان القفل الى فى بطنها ما يصديش

4مرة تمن صعيده بيهزرو بالشوم والسكاكين مات منهم سته الباقى قالوا بس بقى لا تألب بجد

5 صعايدة لعبو لعبة بالشارع اي واحد تدهسه السيارة مرتين يخسر

6صعيدي حطة خمسين قرش في كباية ميه ليه؟ علشان يشرب مياه معدنيه.

7 فيه صعيدي جالس وجنبه مسامير رمى واحد مهنم وقاله تعال وطبعا ماجا مسك المسامير ونثرها عليه وقال هاتوه.

8 صعيدي دخل سينما وجد لافتة على باب السينما (ممنوع اقل من 18) فغضب غضباً شديداً و رجع إلى البلد، و أشتكى للعمدة فقال له العمدة : ما تزعلش يا محمدين..خذ جدك و أخواتك ال16 معاك وكده تبقوا 18

9 مرة اتنين صعايدة كانوا قاعدين يحششوا عند الهرم واحد منهم قال للتانى تتصور ياعوضين ان الفراعنة قعدوا يبنوا فى الهرم دة 5000 سنة قالة لية قالة عشان كانوا كل مايرصوا حجرين تيجى الحكومة تشلهم

10 قال في صعيدي باس راس امه وشفط مخها ...

11 الصعايده كانوا زعلانيين لان كل الناس بتكتشف بس هم لا فقرروا انهم لازم يكتشفوا اى حاجه فجابوا ضفدعه وقطعوا رجل وقالولها نطى فنطت فكتبوا ان بعد قطع الرجل الاولى الضفدعه نطت ثم قاموا بقطع الرجل الثانية والثالثة وكتبوا مثل الاولى ثم ققطعوا الرجل الرابعة وقالولها نطى فلم تنط فكتبوا ان بعد قطع الأرجل ال4 للضفدعه فقدت حاسة السمع

12 في صعيدي لما ينام بيحط رجليه على الشباك.. ليش عشان يكعبل الناموس!

13 صعيدي وهندي , يلعبو شطرنج, المباراة اسبوع ما انتهت ....
اسبوعين ما انتهت ,الاسبوع الثالث تعرفو كيف انتهت المباراه
؟؟؟؟؟.
الملك انتحر.

14 في صعيدي عاوز ينشف حلقة بلع منشفة .

15 فيه صعيدي يمشي على ايدية ليش؟؟

لانة دفع امامي.

مع احترامي للصعايدة

النكت اللى انتو اكيد ضحكتوا منها وعجبتكم دى مش للضحك دى انا جايبها من منتدى لا داعى لذكر اسمه بس انا عايز اسال سؤال اشمعنى الصعايدة اللى يطلع عليهم نكت ويسخروا منهم وكل حاجة اكأن الصعايدة دول مش مصريين ليه هما واخدين فكرة عن الصعيد انه سئ وتخلف ومش عارف ايه ليه الصعيد مليان تخلف وجهل وفقر انا مش باتكلم من منطلق التعصب لانى بلدياتنا "وليه الفخر" لا ده كلام معروف والريس نفسه فى خطاب ليه اعترف ان الصعيد مظلوم.
يعني إيه صعيدي ؟؟!!

الصورة التي نرسمها في أذهاننا عن الصعيدي غالباً ما تكون لشخص يرتدي جلباب وعمة ويمسك الشومة بيده ،و يصيح -عمال على بطال- "واه يا بوي" ،وبالتأكيد هو لدى الكثيرين البطل المفضل للنكات التي تبدأ عادة بجملة .."مرة واحد صعيدي".

لكن الصعيدي يمثل أيضاً المعاناة والفقر والبطالة، فمئات الآلاف من شباب الصعيد إن لم يكن الملايين يفتقرون إلى توفر فرص العمل لديهم في الصعيد إذ أنها تكاد تكون معدومة، لذا فإنهم يهاجرون إلى الشمال باحثين عن هذه الفرصة والتي غالباً ما تكون عمل شاق ومتعب ومهين.

غلب ..ومعمار

واحدة من أكثر المهن تعباً وشقاءً وإهداراً للإنسانية هي العمل في أعمال البناء والتشييد ، أو كما يطلقون عليها ..." المعمار" ، وهي المهنة الأولى بلا منازع لدى الشباب القادم من الصعيد، حتى أنها ألتصقت بهم وصارت ملازمة لشخصيتهم، في كل يوم يذهبون إلى أعمالهم يحملون مواد البناء الثقيلة من طوب وزلط وخرسانة على أكتافهم ويصعدون بها إلى أدوار العالية في ظروف صعبة وخطرة، لكنهم مضطرين للقبول فهذا ما وجدوه أمامهم، كما قال لي (محمد) من دار السلام بسوهاج عندما أخبرني أنه يحمل دبلوم صناعة وأنه مثله مثل زملائه يضطر للعمل في مهنة المعمار لأنه المجال الوحيد الذي وجد عملاً فيه كما يقول في بساطة وتلقائية " هو إحنا لقينا غيره وقلنا لأ ..مفيش شغل يا بيه" ، محمد لا يرى إن المأساة مأساته وحده بل مأساة الصعيد كل، الصعيد الذي يمثل في عيون محمد ..مصر عندما يقول لي في تلقائية شديدة " مصر كلها بتشتغل في المعمار" .

ما بين محمد ..ومحمد التاني.

لكن كلام محمد هذا يتناقض مع كلام محمد آخر ...إنه محمد حسني مبارك، الرئيس المصري الذي يقول في كلمته الانتخابية التي ألقاها في الصعيد قبيل انتخابات الرئاسة الأخيرة " سيظل صعيد مصر فى قلوبنا وفى صدارة اهتماماتنا . . أسعد بما تحقق للأهل فى الصعيد كلما زرت محافظاته فلقد مضت إلى غير رجعـة الإختلالات التي اســتمرت لعقــود طويلــة بين الصعيد والدلتا . . كفور الصعيد وقراه تصلها الخدمات . .وهناك مدن صناعية جديدة تتيح فرص العمل لأبنائه "

لكن المدن الصناعية الجديدة وآفاق التنمية والإختلالات التي ذهبت إلى غير رجعة هذه ،لم تتح لمحمد الصعيدي أن يحقق حلمه البسيط، الذي أختصره في جملة بسيطة عندما قال لي " نفسي ..نفسي ..ألاقي وظيفة ...لكن فين بس "

المرأة الصعيدية ..المتنمية

الرئيس مبارك تناول في نفس الخطاب المرأة الصعيدية عندما قال " أصبح للمرأة الصعيدية مكانا ومكانة . . تتعلم وتأخذ فرصتها الكاملة في بناء مجتمعنا .. وفي شتى مواقع العمل العام والإنتاج والخدمات"

لكن الفرصة الكاملة التي أخذتها الفتاة الصعيدية لم تكن فرصتها في بناء المجتمع.... بل فرصتها في بناء العمارات الشاهقة، فمن المشاهد التي أصبحنا نراها بصفة متكررة في شوارعنا مشهد هؤلاء الفتيات اللاتي يعملن في "المعمار" ، فتيات يخفين وجوههن خلف طرحة سوداء، يحملن الزلط والطوب والخرسانة على أكتافهن، ويقفن على السقالات مثلهن مثل الرجال، هذا المشهد الجديد الذي أطل على المجتمع المصري، بالتأكيد لم يكن رغبة من المرأة المصرية في مشاركة الرجل مسيرة التنمية، لكنه الفقر والحرمان الذي دفع بهن إلى هذا.

غلب × غلب

الشقاء الذي يحظى به أهل الصعيد في المدينة لا يتوقف فقط عند ظروف العمل الصعبة ، لكنه يمتد إلى ما بعد العمل، فأجورهم قليلة لا تؤمن لهم حياة كريمة، وأصحاب الأعمال يقسون عليهم، وقد يحرمونهم من أجورهم لفترة طويلة كي يضمنوا بقائهم حتى انتهاء الأعمال، أما السكن الذي يقيمون فيه في المدينة فهو غالباً سيكون مثل سكن ( تامر) من النخيلة بأسيوط والذي حكي لي عن سكنه قائلاً " إحنا ساكنين 16 واحد في شقة حجرتين ، بنفرش تحتينا شكاير أسمنت فاضية وننام عليها، والشقة مفيهاش كهرباء ولا مياه ومفيهاش حمام "

الأمل مسموح ..حتى مع وجود أبو أشرف

وعلى الرغم من مصاعبهم وشقائهم ، إلا أن الآمال التي تراودهم في غد قادم أفضل لا تنقطع، حتى لو نظروا إلى شخص مثل أبو أشرف... ذلك العجوز الصعيدي الذي تجاوز الستين من عمره، جاء من مغاغة إلى هنا في الإسكندرية عندما كان شاباً صغيراً باحثاً عن فرصة العمل التي لم يجدها إلا في مجال المعمار الذي سرق عمره على حد تعبيره، أبو أشرف ..سافر إلى الكويت وليبيا والعراق لكنه وفي كل مرة كان يرجع كما ذهب، وقد كُتب الغلب والفقر على جبينه كما يقول، أبو أشرف اليوم لم يعد قادراً على حمل مواد البناء فأكتفى بأن يصبح خفيراً في أحد مواقع البناء، أما أبنيه أشرف وسعيد فقد جاء بهما إلى هنا بعد أنهيا الدبلوم ، ليستكملا الرحلة التي بدأها.

الشرطة في خدمة الصعايدة

لكن الحكومة التي تخلت عنهم وعن معاناتهم تأبى إلا أن تزيدهم ألماً ومعاناة، ففي كل يوم هنا في مدينة الإسكندرية يتعرض العاملون الصعايدة إلى حملات اعتقال واحتجاز عشوائية، وأحد الذين قابلتهم حكى لي عن تعرضه للاعتقال أربعة مرات خلال هذا الصيف فقط، وعمليات الاعتقال هذه لا تخلوا من سب وإهانة وضرب مثل الذي تعرض له ( احمد سرحان ) من سوهاج والذي قال لي في عصبية إن ضابط "بنجمة واحدة" – على حد تعبيره – ضربه على وجهه وسبه و سب أهله عندما أعترض على القبض عليه لأنه شاب محترم وخريج كلية شريعة وقانون.
ورغم أن أحمد خريج جامعي إلا أن شهادته الجامعية لم تشفع لديه كثيراً لدى هذا الظابط أبو نجمة واحدة، أحمد مثله مثل الكثيرين من أبناء الصعيد تلحظ في كلماته السخط والغضب على المدينة ، عندما يقول لي" أنا خلاص كرهت البلد دي ، دي بلد بنت ( .....) ، طلعت عينا وغلبتنا وشقتنا، نفسي ييجي اليوم اللي أرجع فيه البلد بتاعتي"

إحصائيات ..فقرية

كلماتهم فقط ليست التي تعبر عن مأساتهم، فالإحصائيات أيضاً تعبر عنها بلغة الأرقام فبحسب هذه الإحصائيات فإن الفقر والبطالة في الصعيد أكثر من أي مكان آخر في مصر، فبحسب الإحصاءات الحكومية فإن سبعة من كل عشر فقراء في مصر هم من سكان الصعيد ،و تعد محافظتي أسيوط وسوهاج هما المحافظتين الأكثر فقراً في مصر،وطبقاً تقرير التنمية البشرية الأخير فإن 61% من سكان محافظة أسيوط يعيشون تحت خط الفقر، وتليها محافظة سوهاج بنسبة فقراء تبلغ 45.8% من إجمالي سكانها، كما أن الإحصائيات الحكومية تقول إن نسبة البطالة في محافظات الوجه القبلي حوالي 9.6% من إجمالي السكان، بينما ترجح منظمات مدنية وأهلية أن تكون النسبة حوالي 17%.

لكن الوعود بتحسين ظروفهم الإقتصادية لا تنتهي، فبخلاف ما تكلم عنه الرئيس مبارك خلال حملته الإنتخابية من إستمرار التنمية في الصعيد، فأحمد نظيف رئيس الوزراء قال إن رفع أسعار المواد البترولية الأخير سيحقق عائد 41 مليار جنيه سنوياً ستوجه لدعم وتنمية الصعيد.

لكن هؤلاء البسطاء لا يبالون كثيراً بالوعود والتصريحات ، كل ما يستطيعون فعله هو أن يحلموا بذلك اليوم الذي يرتاحون فيه من تعبهم وشقائهم ويحصلون على مهنة تحترم آدميتهم وكرامتهم، وتليق بتعليمهم وشهاداتهم، وحتى يأتي ذلك اليوم فإن كل يملكونه هو الحلم والانتظار..!!

تعليقك؟
لما قرات اسم الموضوع توقعت هتدخل تلقى ايه؟؟!
ايه رايك ؟ وايه العمل؟
.
.
.
تقييمك

تقبلوا تحيتى

انا معاك يا سكيتر انهم مش واخدين حقهم خالص ودايما النكت بتتطلع عليهم
بس برضة فى ناس كتير اوى بيقولو على ابو العربي (اهل بورسعيد)
وانهم مشهورين بالفشر
وبيقولو على اي واحد بخيل -------> منوفي
واى واحد كسلان -------------.> سودانى
وغيرهم وغيرهم................
بس من حيث الشغل فا هنا بقى مش الصعايدة بس اللي بيتبهدوا
مصر كلها بتعانى من المشكله دى ولا انت مش واخد بالك
والناس بيثبت فى دماغهم الانطباع الاول
وكمان الحاجة دى فعلا بتضايق انهم يبقوا واخدين فكره عن
البلدياتنا -زى مانت قلت- يادوب راجل ماسك شومة وبيدور على ابن مش عارقة مين عشان ياخد بطاره او بيوصفوه على انه مجرد(شنب وطلعله راجل)
بس الصراحة هما بيقيوا قله قليله جدا الايام دة عشان الناس بقيت متفتحة والصراحة انا شايفة ان دة اسمة تخلف وجمود انهم هايفضلو فاكرين الصعايدة كلهم كدة ومش بيتحركوا
طب دة على العكش دة معظم الشخصيات الناجحة فى المجتمع اصلهم صعايدة و لا ماسكين نبابيت ولا حاجة

بس اانا شايقة انك قايل كل الحاجات السلبيه وما جبتش ولا حاجة ايجابيه
مع ان الايجابيا ت اكتر بكتييييييييييييييييييييييييييير

موضوع جامد يا سكيتر و فعلا مشكله كبيره و هى الصعيد الى تقريبا مهمل او لا يعتبروا اساسا من اهل مصر قليل اوى اما نشوف حد بيفكر فى اهل الصعيد و عيشين ازاى و بشوف ناس هنا كتير من الى بيجوا من الصعيد و بشوف حالهم بحس انهم بيتعاملوا بطريقه غير اداميه بمعنى انه مش من حقه يتعب او يتكلم و يعمل الى مطلوب منه من غير مايقول حاجه .

حقيقى محتاجين نهتم بمشاكلهم و نهتم بحياتهم و طرق المعيشه و يكفى ان معظم زعماء و عظماء مصر و الذين يرفعون راس مصر فى الخارج و الداخل هم من اهل الصعيد .

تقبل مرورى

tumtum كتب:

طمطم

شكرا اوى ع مرورك وردك الجميل ولكن

انا الموضوع ده كاتبه بعد تجربة شعورية تقدرى تقولى اقصد انه خارج من جوايا

وكمان حالة البورسعيدية والسودانين اللى انتى ذكريتهم انا شايف انها مختلفة خالص

يعنى الصعيد بالذات متاخد عنه فكرة زى الزفت ومعرفش ليه ..!!

ابسطها ان بعض الناس المتخلفين اللى ع الشات اول مابيسمعوا ان اللى بيتكلم معاهم صعـيددى بيهربوا

ولما تواجههم او تخلتف معاهم فى الراى ع طول وبطريقة غبية يقولك انت صعـيددى قفل يا مغفلين يامش عارف ايه ... إلخ

والغريب عمرى ماسمعت حد اتكلم عن الموضوع ده رغم انه باين اووى فى مصر كلها

يعنى عمرنا ما سمعنا عنه حملة او فى مجلس الشعب او حتى الاعلام بتاعنا

بل بالعكس اعلامنا بيغذى فكرة التمييز وفكرة اننا متخلفين

اظن بعد كل ده عرفتى انا ليه اتكلمت ع السلبيات مش الايجابيات

لانى تقريبا مش شايف ان فى اجابات

والمصيبة بقى الاكبر اننا بنساهم فى السخرية من نفسنا

آسف ع الاطالة بس ردك كويس اوى وكمان شدنى للنقاش

تحيتى

كريم حسان كتب:: موضوع جامد يا سكيتر و فعلا مشكله كبيره و هى الصعيد الى تقريبا مهمل او لا يعتبروا اساسا من اهل مصر قليل اوى اما نشوف حد بيفكر فى اهل الصعيد و عيشين ازاى و بشوف ناس هنا كتير من الى بيجوا من الصعيد و بشوف حالهم بحس انهم بيتعاملوا بطريقه غير اداميه بمعنى انه مش من حقه يتعب او يتكلم و يعمل الى مطلوب منه من غير مايقول حاجه .

حقيقى محتاجين نهتم بمشاكلهم و نهتم بحياتهم و طرق المعيشه و يكفى ان معظم زعماء و عظماء مصر و الذين يرفعون راس مصر فى الخارج و الداخل هم من اهل الصعيد .

تقبل مرورى

كيمو ..

منور الموضوع بمرورك وردك الجميل

واكيد عجبنى اوى تعليقك واكيد برضه انا متفق معاك

ويارب كل الناس تحس بالصعايدة وبمشاكلهم المهمشة

ومبسوط اوى بردك يا كيمو ووعيك الجميل

تحيتى

موضوع جميل جدا طبعا
وسلام مربع للصعايدة

مش هطول هى دى كلها دائرة مغلقة بمعنى
جوه مصر : بحرى شايفين البلدياتنا يعمته وجلبيته وحمارته واحتمال جمله
بره مصر : شايفين مصر كلها بعمم وحمارة وجمل واحتمال قصب
مع ان لو وقفت اتنين واحد صعيدى وواحد .. حطيتهم فى موقف مثلا مساعدة حد هتلاقى اللى بادر البلدياتنا
وعالعموم كلمة للى فى الشات وبيهربوا
متقلش علينا صعايدة عشان مخ مقفل ولا حاجة احنا اتقال علينا كدة بحكم ان احنا عايشين فى الجنوب
والمخ المقفل هو اللى بيقتنع بلحاجة زى ما اتقالتله وزى ما حفظها معرفش جت منين !!

تحياتى

اولا السلام عليكم طبعا لانى من فترة مش بدخل المنتدى
بس بسم الله ماشاء الله اتطور جدا
اما موضوعك ياسكيتر بجد بتعجبنى مواضيع وارائك وتفكيرك اللى مختلف عن الشباب اللى فى سنك
ردى على الموضوع ان السبب السخرية من بعضنا دى متاصلة جوانا
لواتكلمت مع واحد مصرى يقولك الخليج دول كذا وكذا
والخليجين يكره المصريين وتيجى فى مصر الصعايدة مسخرة بين المصريين كلهم
المنوفيين بخلاء المنصورة اخر دلع وهكذاااااااااااااااااا
الفكرة اصلا تربية غلط الرسول صلى الله عليه وسلم قال انما المؤمنين اخوة
يعنى فكرة التفرقة والاستهزاء بينا وبين بعض فكرة مش مقبولة وكمان بنحمل وزر منها
طب دلوقتى الحل ايه الحل فينا احنا بطريقة معاملتنا مع غيرنا من الناس
نقدر نحسن الصورة ونغير تفكير الناس عننا

لا بجد موضوع جميل جداا سكيتر

وكمان هما مش واخدين حقهم كامل

من الاساس شانهم قليل فى مصر

وكمان النكت وكل الى بيطلع عليهم دا من نكت وفوازير

زيهم زينا

تسلم ايدك على الموضوع الى اكتر من رائع

انا معاك يا سكيتر فعلا الصعيد والصعايدة مظلومين .......وبمناسبة انهم ساكتين عن النكت اللى بتتقال عنهم ده بس من حسن اخلاقهم وخير الرد على السفيه السكوت...وكمان بالنسبة للنكته اللى بتقول صعيدى حب يبوس راس امه الخ.......... فانا بقول ان الصعيدى ممكن يغلط فى اى حد الا امه بيحترمها اكتر من اى واحد تانى.... ويا جماعة كمان اكتر محافظة مظلومة هى سوهاج... وكمان عايز اقول ان الصعايدة مبقوش زى الاول اتغيروا فعلا الى الاحسن وتعالوا وشوفوا ....وكمان فيه حاجة تانية الشرطة مش بتعامل البلدياتنا كويس كانهم ينظروا اليه انه متخلف وخارج عن القانون بس الصعايدة احسن ناس قيم واخلاق بغض النظر عن العادات الاخرى السيئة اللى فيهم بس هتتغير اللى هى التار والتعصب....وكمان اكرم ناس الصعايدة وفعلا هيوصلوااااا قريباومش عارف اقول ايه ولا ايه واللى هيحدد ده هما الصعايدة.....وكمان اكتر ناس عندهم وطنية وانتماء وصبر ومش بيرضوا على الاهانة واجدع ناس.........مش علشان انا من الصعيد بس والله بقول الحق