ما هو مصير إيميلك بعد وفاتك..؟؟

ما هو مصير إيميلك بعد وفاتك..؟؟

موضوع يمثل منطقة حساسة في حياة البعض منا...

فكل إنسان منا له حق بأن يكون له أسرار خاصة به...

و أن يحمي تلك الأسرار .. والخصوصيات.

و من تلك الأسرار كان لا بد لنا أن نفكر في البريد الإلكتروني الخاص بنا...

هل فكرت يوما ما سيؤول اليه حال ذلك الايميل اذا ما أراد الله عز و جل ان يؤخذ منيته؟!!

سؤال راودني كثيرا,... لربما نقول اننا نعيش اليوم .. و بعد موتنا لا نريد ان يبقى لنا اي شيء.

ولكن لربما حظي هذا البريد بأسرار تهم أهلك من بعدك .. أو تهم أناس هم بحاجة لها ..

و كان موتك بمثابة الضربة القاضية لهم ...

أو أن ذلك البريد يحتوي على معلومات لا تريد من اي أحد أن يراها !!

في جميع الحالات قد يفكر البعض منا أن يعطي كلمة المرور لأناس يثق فيهم

ويبادلوه تلك الثقة...

هل حاولت يوما أن تقدم كلمة المرور لشخص ما؟

إن كانت الإجابة بـ نعم :

فما مدى العلاقة التي قد تربطك بهذا الشخص لتثق به و تسلمه مفتاح أسرارك؟

وإذا كانت الاجابة بـ لا :

فما سبب عدم ثقتك في شخص يشاركك اسرارك و يضمن لك بقاءها حية بعد أن تفقد أنت الحياة؟

و من برأيك سيرث إيميلك بعد فنائك عن هذه الدنيا ؟!!

سؤال في حاجة الي اجابة منكم ..

... مع خالص تقديري ...

طبعا الاعمار بيد الله لكن فعلا سؤال مهم معقول محدش فكر فيه؟؟؟؟؟؟يا ريت اجابات وافيه

الموضوع جميل اووى ومنطقى اووى اكيد

بس بصراحة مااعتقدش ان كل اللى فى ايميلى يهم حد

غير اذا كان الحد ده فى عالم النت

بكل المقاييس انا يمكن مافكرتش فى كده اصلا

بس انا مش هاديه لحد .. مش عشان مباثقش فى حد لالا

لانه ميهمش حد اصلا

موضوع رائع يا طمطم كالعاده

و يعتبر موضوع جديد يمكن انا مافكرتش فيه قبل كده و يمكن انا مفكرتش ادى الباسورد لحد قبل كده لان الى فيه مش مهم للدرجه الكبيره الى تخلينى اعمل كده .

مشكوره كتيييير ارجو ان تتقبلى مرورى

موضوع جميل ياطمطم
انا مفكرتش ادى الباسوورد لحد لانه الايميل بستعمله لما اسجل فى منتدى او موقع

بس عموما معتقدش انه حد فكر يدي كلمة السر بتاعته لحد احيانا بيكون موضوع ثقة واحيانا لا لما يكون لا عشان الايميل مفيهوش حاجة مهمة
ولما يكون اه - متعلق بالثقة - فكرى معايا هيديه لمين
صاحب؟ طيب مالصاحب لو دخل الاميل وطبعا لو حصلت خناقة بينهم وكان فى حاجة فى الاميل قراها هيستندل
اخوه؟ اى حاجة ممكن يقولها لاهله عموما مفيش من العيلة حد بينفع
وممكن كلمة السر تانى يوم يمكن معمولها موقع لوحده ومنشورة

ومن الاخر محدش يشيل فى الاميل حاجة مهمة عاوز تشيل انسخه عالجهاز وخلص!!

آسفة للاطالة
تحياتى

موضوك جديد اوى
وعلى فكرة انا فكرت فيه قبل كدة
بس بصراحة ما اعطتهوش اهمية اوى
بس انا فكرة لو اديت الباسورد هديه لاختى
لانها اقرب انسانة لية واكتر واحدة اثق فيها
ومرسى كتير على التوبيك
تقبلى مرورى وتحيتى وردة

اولا بشكركم على ارائكم
سكيتر
كريم
نانو
لوليتا

انا بقى عن نفسي برضة ما اديتش الباس وورد لاى حد
بس مش موضوع ثقة ولا حاجة بس هى فعلا الحاجات اللي عليه ماتهمش حد غيري
بس انا دايما كنت بفكر لو انا مت_بعد عمر طويل غلاسة

_ ياترى اصحابى اللى على النت هايعرفوا منين
عشان كدة كنت بفكر ادي الباس وورد لحد عشان لما اموت يعرفهم