1. ما هو الحب في مفهومك الذاتي .. ؟
الحب امان اوى وثقة ملهاش حدود واانك تكون مطمن اوى وانت مع
الحد دة وانك تحس ان مهما حصل البنى ادم دة مش هيتخلى عنك
خالص وانك لما تحتاجلة تلاقية جنبك من غير ما تقولة وانك تدى اوى
ومتستناش انك تاخد اى حاجة وان الانسان اللى انت بتحبة تكون
واثق انه عمرة ما هيجرحك خالص ولا عمر دموعك تهون علية دى حاجة
صغيرة لان الحب اصلا مينفعش انه يتوصف بكلام لانه احلى وارق
واجمل احساس فى الكون والوجود كله
2. ما هي اسس الحب برأيك .. ؟
الثقة والامان والصدق والاطمئنان
3. كيف تصف الحب في عصرنا الحالي .. ؟
كلمتين فى اغانى لكن فعل واحساس مفيش
4. ماذا ترغب أن تضيف لقاموس الحب في عصرنا الحالي بالذات .. ؟
الحب نفسة لان الناس دلوقتى فاكرة انها بتحب وهما اصلا مش
عارفين معنى كلمة بحب
5. ما الفرق بين الحب و الإعجاب برأيك .. ؟
الاعجاب مرحلة من مراحل الحب ممكن تكون كتير وممكن تكون ثانيتين
على حسب
6. لو طلبوا منك تشبيه الحب بشيئ ما من وقع حياتك .. بم تشبهه ؟
هو الحياة نفسها
* ^ * ^ * ^ * ^ * ^ * ^ * ^ * ^ *
* ^ * الأسئلة الذاتية * ^ *
1. ما هو أول شيئ قد يشد انتباهك كي تحب الشخص بما يسمى بالحب من اول نظرة ؟ ( يفضل ذكر شيئ واحد )
الشخصية وانة يكون دمة خفيف
2. ما هي المواصفات التي قد تجعلك تحب شخص ما بالذات دون غيره بمعنى آخر مواصفات الشخص الذي يستحق حبك ؟
انه يكون محترم ومتدين ويعرف يقدر معنى كلمة بنت محترمة بحقيقى
فى زمنا دة وانة يراعى ربنا فيا بجد زى ما اكون اختة مش حبيبتة بس
واللى ميرضاش انه يشوفة فى اختة ميرضهوش عليا وكمان يكون
حنين وطموح وعندة هدف اساعدة فى تحقيقة وياريت يكون رومانس
وبيحلم كتير لان الحلم اساس الحياة
3. هل ترى أن الجرأة في الحب شيئ لا أخلاقي ؟ و لماذا ؟
متهيالى بالنسبة للبنت اة جدا لان البنت طبيعتها مختلفة تماما عن
الولد اما بالنسبة للولد برضة لازم تكون بحدود برضة لانه لازم يكون
محترم فى طريقة تعبيرة عن حبة لان دلوقتى الموضوع بقة مجرد
كلمتين هايفين وخلاص يفتقدو المعنى والاحساس اللى بجد
4. هل أنت من النوع الذي يخجل التعبير للطرف الآخر عن حبه أو مصارحته بذلك ؟
انا متعرضش للموقف دة قبل كدة واللهى بس متهيالى لما احب اكيد
لانى بطبيعتى خجولة جدا واى بنت متهيالى لازم تكون كدة
5. ماذا قد تفعل لتوحي لمن تحبه بأنك كذلك ؟
ولا حاجة اكيد هو لو بيحبنى اوى هيحس بيا اوى من غير كلام
6. كيف يمكنك استشفاف الذي امامك إذا كان يكني لك نوع من الحب دون أن يصفح بذلك ؟
الاحساس من نظرة عينية
7. هل ترى بان الحب شيئ ضروري قبل أن تتزوج شخصا ً ما ؟ و لماذا ؟
اة طبعا ضرورى جدا جدا لانك هتربط حياتك كلها بانسان هتعيش معاه
عمرك كله ومش بس عمرك كمان بعد عمرك بعد موتك كمان
8. ما هي ردة فعلك عندما تعلم بان من تحبه أحب شخص ٍ قبلك ؟
مش عارفة بس متهيالى انى هحس اذا كنت بجد حد مختلف فى
حياته او لاة ولو حسيت انى زيى زى اى حد اكيد هنسحب من حياتة
وكمان الموضوع بيتوقف على مدى علاقتة بالحد دة وهل هو اللى
سابها والا هى اللى سابتة ولية لان ممكن يكون هو اللى سابها بس
لسبب مقنع
9. ما الشيئ الذي لا تغفره أبدا لحبيبك و هل هناك مجال بان تمنحه فرصة أم لا ؟
الخيانة لا تغفر ابدا ابدا ممكن اديلة فرصة فى اى حاجة الا دى لان
متهيالى كل شئ لية مبرر الا الخيانة لانها بتكسر اوى
10. ما هي نصيحتك للمحبين في هذا العصر بالذات ؟
لو حبيتوا بجد متتخلوش ومتجرحوش لان الحب بقى عملة نادرة اوى
اوى دلوقتى وصعب تلاقية بجد
11. هل ترى بان فرق السن عائق من عوائق الحب ؟ و لماذا ؟
لا خالص خالص لان الحب الحقيقى مبيعترفش بسن او حتى مكان او
زمان او وجود او كيان ولا اى حاجة خالص الحب احساس بيتحس فى
اى وقت واى عمر ومش شرط انى احب حد فى سنى ممكن احب حد
اكبر منى بكتير او العكس بس المهم انى اعيش معاة معنى الحب
اللى بجد من غير كدب وكلام من الهوا واحس معاه انى مطمنة
ومرتاحة بجد
الموضوع حلو اوى اوى بجد يا كريم بس كنت عايزة اسمع اجاباتك انت
كمان والا انت بتسال بس
موضوع: أسئلة ونقاش عن الحب.. 
