عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!!

يا جماعة انا جتلى فكرة جديدة علشان نعرف بعض اكتر

ونكون اصحاب واخوات واناتيم بجد

والفكرة ببساطة هى

ان احنا يعنى كل الاعضاء نسال بعضنا اسئلة

يعنى كل حد يدخل يسال سؤال لاى عضو هو يختارة

والعضو اللى اتسال يجاوب على السؤال بدورة ويسال سؤال تانى

لحد تانى او حتى للحد اللى سالة قبل كدة

ومش لازم يعنى انى لما اتسال من حد لما اجى اسال اسالة هو هو

يعنى مثلا لو انا سالت سكيتر مش لازم سكيتر لما يجى يسال يسالنى انا

وكل الاعضاء من حقهم يسالوا اى سؤال

وكمان ممكن اكتر من عضو يسالوا ويستنوا الردود فى اى وقت

يعنى مش لازم ان العضو يسال ونستنى لحد ما اللى اتسال يجاوب

يعنى ممكن مثلا انا اسال سكيتر وبسمة تسال مونى

وسكيتر يجاوب عليا ومونى تجاوب على بسمة فى نفس الوقت

واى حد ممكن يسال اى حد

بس لازم علشان تسال مرة تانية يكون اتجاوب على سؤالك

يعنى انا لو سالت سكيتر مثلا مينفعش اسال مونى الا لما سكيتر يجاوب سؤالى

زى لعبة الصراحة اللى اكيد كلنا بنلعبها فى المدرسة او الكلية او لما بنطلع رحلة بس لازم تكون الاجابات صريحة

وكل الاعضاء تتابع اللعبة كل لما تدخل المنتدى

علشان كل حد يشوف اذا كان فى حد سايب لة سؤال او مستنى اجابة

وكل حد يسيب السؤال اللى نفسه يساله ويسيب معاه اسم العضو اللى عايز يحاوب على سؤاله

يارب اللعبة تعجبكم ويارب تفهموها وتفهموا الفكرة واى حد مش فاهم حاجة ممكن يسالنى عليها مستنية رايكم

ومستنية اسالتكم

وردة

يا جماعة شكل لعبتى معجبتكوش علشان كدة ملقتش حد رد عليا وقال راية او حتى بدا اللعبة

طب حتى لو معجبتكوش قولولى وعبرونى

لؤلؤه

فكرتك ممتازه و عجبتى انا شخصيا

و انا هبدأ بالاسئله و سؤالى هيكون ليكى انتى

متى كانت اول قصه حب بالنسبه لكى ؟ و ايه الى انتى استفتديه من هذه القصه

و ايه الى خسرتيه؟

اولا ميرسى بجد يا كيمو ويارب بجد تكون الفكرة عجبتك وانا هجاوب على سؤالك

للاسف انا عمرى ما حبيت بجد الحب اللى انا بحلم بية ممكن اكون اعجبت بحد لكن عمرى ما

حبيت لانى بحلم بحد معين و مختلف اوى ومتهيالى ان الحد اللى بحلم بية دة مش موجود فى

الواقع لانى عارفة كل ملامحة بس عمرى ما شوفتة وعلشان انا محبتش فانا مستفدتش حاجة

والحمد لله برضة مخسرتش

وانا باة هسالك انت لغاية ما الناس تكتشف اللعبة

ممكن تحب حد من غير ما تكون شوفتة فى خيالك يعنى والا دة يعتبر جنان من وجهة نظرك ؟؟؟

و الله يا لؤلؤه ممكن و ليه لا

يعنى ممكن احلم بفتاه احلامى و احط ليها مواصفات معينه فى خيالى لدرجه انى ارسملها صوره

مبسطه فى خيالى بس فى الاغلب الصوره دى مش بتبقى موجوده لان لما بنحلم بنرسم صوره

عمرها ما هتتحقق لاننا بنحط فيه كل مواصفات الكمال و مافيش حد كامل

هلى انتى مع الحكمه الى بتقول ان البعيد عن العين بعيد عن القلب؟

لا طبعا مش معاها خاااااااااااااااااالص لان اللى جوة القلب لو بعد عن العين مليون ميل

او حتى مليون سنة عمرة ما يخرج من القلب دة لو حد بيحب بجد وعمر الحب ما كان بالمسافات

بالعكس اللى بيحب حد بيكون معاة حتى لو هو بعيد ومش من الساهل حد ينسى حبة الحقيقى

لمجرد انة بعيد

قولى باة حبيت كام مرة وانهو اكتر مرة اثرت فيك ؟؟؟

لا حقيقى انا ماحبتش كتتيير بس انا حبيت مرتين

المره الاولى ماكنش حب بمعنى الكلام ممكن اقول كان مجرد اعجاب

انما المره التانيه كان ليها تأثير عليا كبير لان جرحها كان جامد

و خدعتنى كتتير و حسستنى انها عمرها ما هتسبنى بس اهى قدرت و ضحت بيا

ياله ربنا يسمحها و يوفقها

انتى بقى ايه شعورك لما تحبى شخص كتتير اوى و فجئا يقولك مش هنقدر نكمل ؟

واللهى لو كان الانسان دة مش عايز نكمل مع بعض علشان ظروف مادية يعنى لان الاحوال بقت

مقفلة فى وش كل الشباب دلوقتى اكيد مش هسيبة خالص وهفضل جنبة نبنى نفسنا احنا الاتنين

مع بعض اساعدة فى تحقيق احلامة لان دة حقة عليا

اما لو لاى سبب تانى اكيد هنسحب من حياته على طول لانى هتاكد انه مبيحبنيش لان اللى بيحب

عمرة ما يبعد ويجرح اللى بيحبة ابدا وبيتمسك بية لحد اخر نفس ممكن يخرج منه ولاخر

نبضة فى قلبة

قولى اكتر مكان بتحبة فى بلدكم قريب منك يعنى وليك فية ذكريات حلوة ؟؟

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Jpgeb4

هو مكان انا بحبه جدا

و يمكن بحب اروحه لما بكون مخنوق و ليا فيه ذكريات كتيره

و برتاح نفسيا هناك على شط البحر

ما هو حلمك الان و حلمك المستقبلى و نفسك تبقى ايه فى المستقبل؟

لؤلؤه.....اللعبه حلوه اوي بجد
بس يمكن لظروف الاعضاء في الدراسة وكمان مش كل الاعضاء بتشارك فيها
وهسالك انتي .....
ايه اكتر مره حسيتي فيها بالحزن ؟واكتر مره حسيتي فيها بالفرح ؟وليه....؟

آولآ مشكورٍين عـ آللعبـه آلآكثرٍ من هآيله دي
بس معلش آنآ ظرٍوفي آني مش بدخل كتيرٍ آعزرٍونـي
بآلنسبه للآسئلـه دي حــد معين آللي يجآوٍب ولآ مفتوٍحه لآي يوزرٍ

اولا بحييك يا لؤلؤة ع اللعبة الجميلة دي وبصراحة هي جميلة جدا وبتفتح باب النقاش
بين الاعضاء
بس ع ما اعتقد انه متكررة في موضوع من الموضوعات
بس ع العموم انا هاضيف اللينك ان شاء الله في رد قريب جدا علشان تشوفيها
ميرسي جدا ع مجهودك الرائع
تقبلي خالص تحيتي وتقديري

اولا يا كريم انا اجابتى على سؤالك حلمى دلوقتى انى اخلص ثانوية عامة وادخل كلية كويسة

يارب وحلمى للمستقبل انى اكون حد ناجح والاقى الحد اللى انا بتمناه يكمل حياتة معايا واحقق

معاة احلامة ومن احلامى انة يكون عندى شركة سياحة كبيرة لانى بحب المجال دة اوى

MRMميرسى ويارب تكون بجد اللعبة عجبتك وبالنسبة لاجابتى على سؤالك اكتر مرة حسيت

بيها بالحزن لما مدخلتش امتحان 3 ثانوى ودبلرت ولية علشان لقيت كل اصحابى فى اولى كلية

وانا مش معاهم اما اكتر مرة حسيت بالفرح كان يوم لما اتاكدت ان مبادءى فى الحياة هى اللى صح

وان اللى بيقولوا عليا غلط هما اللى غلط باعترافهم والحمد لله

اما عاشق الاهلى ولا يهمك انك مش بتدخل كتير مهو احنا برضة مبندخلش الا كام دقيقة كدة كل

يومين يعنى بس مستنية اسئلتك لاى حد من الاعضاء اللى تختارة علشان يجاوب عليك والاسئلة

مفتوحة اى حد يسال واى حد يجاوب

كابوووووووو ميرسى على كلامك بس انا بجد مشوفتهاش يعنى علشان اكتبها تانى اكيد انا لو

شوفتها مكنتش كتبتها هى مجرد فكرة وانا كتبتها بس ياريت بجد تتاكد اذا كانت موجودة قبل كدة

او لاة وبرضة تقولى وبرضة عايزاك تشترك معانا فى اللعبة

يا جماعة بجد كلكم ميرسى على ردودكم بس انا عايزاكم مش علشان انا اللى كتبت الفكرة يبقى

كلكم تسالونى انا لا انا عايزاكم تسالوا بعض كمان علشان كلنا نعرف بعض اكتر

وسؤالى هيكون لكريم وهقولوا

اية اكتر حاجة عملتها فى حياتك وندمت انك عملتها ولو الزمن رجع بيك اكيد مش هتعملها ؟

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Jpgeb4

و الله يا لؤلؤه يمكن فى حاجات كتير انا عملتها و ندمت عليها كتير

بس اكتر حاجه ندمت عليها انى سلمت قلبى و عقلى لشخص معين

و قدر فى لحظه يبعنى و بغدر بيا .

سؤالى هيكون للعضو الى بعدى

فى رئيك ايهما اصعب و لماذا جرح اعز اصدقائك ليك؟ ولا جرح حبيبك ليك؟

اللعبة جامدة موت يا لؤلؤة

واكيد حابب اشارك فيها

وكابو تقريبا قصد لعبة تانية زيها بس دى بتختلف انك بتحدد مين اللى يجاوب ع السؤال ..
وده برضه اللى بعض الاعضاء مش فاهمينه

ميرسى كتيير ع اللعبة .. تحيى

ميرسي كتير ع ردك يا سكيتر وتوضيحك لي معني ومفهوم اللعبة
وسوري خالص يا لؤلؤة ع فهمي للعبة الخاطي
وان شاء الله تكون لعبة جميلة وتلا قي مشاركات كتير من الاعضاء
تقبلي خالص تحيتي وتقديري

سكيتر طبعا ميرسى جدا على الرد ويارب بجد تكون اللعبة عجبتك

بس انت مش بتقول عايز تشارك فيها

طيب مجاوبتش على سؤال كريم لية مستنية اجابتك وردودك

وانت يا كابو متتاسفش عادى ولا يهمك اصلا

بس انا مش عايزاك ترد بس انا عايزاك تشارك فى اللعبةعلشان خاطرى

وسؤالى ليك انت امتى اخر مرة بكيت ؟ولية؟

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Jpgeb4

بصراحة اخر مرة بكيت يوم عيد الحب الماضي
وسبب ذلك جرح الفراق كان صعب
علشان صعب اوووووووووووي انك تفارق الشخص اللي بتحبه ويوم ايه يوم عيد الحب
ميرسي جدا لردك يا لؤلؤة
وسؤالي للؤلؤة ..........امتي اخر مرة بكيتي وليه ؟

تم نقل الموضوع الي قسم الالعاب والالغاز اللفظية
(مع تحيات ادارة المنتدي )

شكرا يا كابو على الاجابة الصريحة دى

اما عن اجابتى انا فدا كان من 3 ايام تقريبا

ودة لما كنت بكتب نفسى اغنى غنوتى اللى انت قريتها

حسيت بظلم جامد اوى لقيت نفسى بعيط من غير ما احس

سؤالى هيكون ليك انت برضة

لو عندك اخت بنت ترضى انها تحب وتتحب زيك

وتعيش قصة حب زى ما انت عشت لو اجابتك لاة قول السبب؟

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Jpgeb4

ميرسي جدا يا لؤلؤة لمرورك الرائع
وياريت تتقبلي خالص تحيتي وتقديري وبصراحة احلي حاجة الواحد يطلع فيها حزنه وغضبه انه يكتب ويقول اللي جواه
اما عن اجابتي لسؤالك ........فهو سؤال صعب حبتين .لان الشخص الللي بيحب ده خصوصا مش حد غر يب .ده اختي ......واجابتي هي .
ان الحب بينهما لو كان حب صادق وحب في حدود الادب والاحترام يبقي مفيش مانع الي جانب اني هاتعرف ع الشخص ده كويس اووووي واحاول ع قدر الامكان اني اعرف كل حاجة عنه
علشان الحب مش عيب ولا غلط ......وبدليل ذلك ان النبي عليه الصلاة والسلام حب واتحب ..
وده اللي عرفناها منك من اجزائك الاربعة عن حب عائشة لسيدنا ورسولنا الكريم ......اما لو حسيت لحظة واحدة ان الشخص ده ممكن يكون كذاب او مخادع هحاول ع قد ما اقدر اني ابعدها عنه ......بصراحة ده جوابي
(حب لاخيك ما تحبه لنفسك )
تقبلي خالص تحيتي ومروري وتقديري
(وسؤالي ليكي بردو يا لؤلؤة ........ايه شعورك لما شخص يقولك انا معجب بيكي ......بس اعجابي ده مش معناه اني بحبك .ولاكن معجب لشخصيتك وسلوكك .ايه هيكون ردك ليه بعد مرورك معاها بقصة حب مريرة وجميلة جدا ..وفي الاخر تصدمي ....باعجابه فقط .....بدون حب
تحيتي وتقديري

كابو اولا مرسى على اجابتك

ثانيا بالنسبة لاجابتى انا فهى

اكيد شعورى انى هنسحب من حياة الحد دة

بكل هدوء علشان هو كان مجرد بس معجب بشخصيتى يعنى محبنيش

ومدام محبنيش يبقى اكيد مش هفرض نفسى

ووجودى فى حياتة لانى مينفعش احب حد وهو لا لان حب من طرف واحد

مش حب اصلا لانة بيكون ناقص كتير اوى

وعايزة اقولك على حاجة كمان لازم قبل ما نحب

او نعيش قصة حب يكون فى حاجة كدة اسمها احساس

ولازم نصدقها اوى لانها بتفرق صدقنى

بس احنا بنمشى ورا قلوبنا من غير ما نفكر خالص

المهم نحاول ننسى لان النسيان دة نعمة من عند ربنا

ولازم افكر تانى مليون مرة قبل ما احب مرة تانية

ومينفعش ادخل قصة جديدة قبل اما تكون القديمة خلصت

واوعى تصدق اللى بيقول ان القصة القديمة تنهيها قصة جديدة بالعكس دة انتحار واوعى تصدقه

اسفة انى طولت عليك ودخلت فى موضوع مختلف بس كنت عايزة اوضحلك

يارب تكون اجابتى فادتك فى اللى انت بتفكر فية

وسؤالى ليك يا كابو وهو

لو كنت بتحب بنوتة بتعاملها زى اختك واللى مبترضهوش على اختك مبترضهوش عليها

والا بطبق مقولة معظم الولاد( اختى غير كل الناس والموضوع مختلف)؟؟؟

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Jpgeb4

اولا ميرسي جدا يا لؤلؤة وجوابك بجد اكد لي حاجات كتير كنت عايز اعرفها عنك
وبصراحة جوابك واقعي وجميل جدا وكنت نفسي اسمعه منك من زمان
ويسلموا ايديك ع المرور الرائع
ام اجابتي لسؤالك فهو لو كنت بحب واحد ة زي اختي تمام واللي مبرضاهوش ع اختي ما ارضهوش عليها
طبعا مفيش حاجة اسمها اختي غير كل البنات او اني مش بطبقها في اغلب الحالات لان في بنات في غاية الالتزام والتدين وفي بنات اعوذ بالله وهما اللي تطبق عليهما ان اختي غير كل البنات
فالبنت اللي هاحبها زي اختي تمام هاتعامل معاها معاملة طبعا خاصة جدا واخاف عليها من اي حاجة ممكن تذيها ولو فكرت انها تعمل حاجة غلط ممكن انصحها واوجها للطريق الصحييح
يمكن تكون هي دي اجابتي بس اللي جواي اكتر من كده .......ويارب اكون قدرت اوصل ليكي فكرتي يا لؤلؤة
يسلموا ايديكي ع المجهود الرائع
تقبلي خالص تحيتي
وسؤالي ليكي يا لؤلؤة ويارب ما تزهقي مني (افرض انك كنتي بتحبي شخص ما (او خليها عليا انا علشان متزعليش مني ولا حاجة (افرض واحده كانت بتحب شخص ما وفجاة وبدون اي مشاكل الواحدة دي اتغيرت من ناحيته من يوم وليلة وتيجي اليوم اللي وراه ولا كلام حتي ولا سلام ولما تسالي عليها وتقولي ايه اللي خلاها بقت كده يردوا عليكي ويقولوا ليكي انها اتغيرت ......ايه موقفك بقي منها بعد كده )
اسف ع الاطالة

كابو على فكرة انت مش فهمت

سؤالى انا قصدى انك بتحب بنت

مش بتحبها زى اختك

قصدى بتحبها كولد بيحب بنوتة عادى وهيرتبطوا يعنى

هتعاملها زى اختك يعنى هتخاف عليها وتراعى ربنا فيها زى اختك

واللى مش هترضاة على اختك مش هترضاة عليها

والا هطبق المقولة اللى قولتهالك

يارب يكون كدة سؤالى وصلك

هستنى منك اجابة تانية

اما بالنسبة لاجابتى على سؤالك

اولا انا مش هزهق منك متخفش يعنى اكيد لازم ارد مهى لعبتى

ثانيا عايزة اعرفك حاجة مهمة جدا البنت غير الولد

لما بتحب يعنى البنوتة لما بتحب بتحب اوى اوى

وبيكون رضاها الوحيد هو الارتباط بالحد اللى هى حبتة

بس مش علشان الارتباط دة تعمل حاجة عيب او حرام

زى الخروجات والصحوبية والانتمة بتاعة الكلية

وافهم واتاكد ان البنت مبتتخلاش عن حبها الا لما بتكون

متاكدة مليون فى المية انة مش هيكمل او انة ناقص

او ان الشخص دة مبيحبهاش اصلا

او انها تكون محبتهوش اصلا وكانت بتكدب على نفسها

وبتواجة نفسها بالحقيقة دى

وفى الحالة اللى انت قولتها دى يبقى حاجة من اتنين ياما محبتش اصلا لان محدش بيتغير بين

يوم وليلة ياما حست ان الحب دة مينفعش يكمل

وزى ما قولتلك الاسباب اللى تغير البنت هى اللى قولتلك عليها

ياما فعلا تكون حد مبيعرفش يحب اصلا

وفى الحالة دى يبقى البعد عنها احسن واريح لانها شخصية مبتقدرش الحب بجد

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Jpgeb4

ميرسي جدا لمرورك وردك يا لؤلؤة
وبجد رد جميل اه بس ازاي مثلا يبقي الشخص اللي بتحبه ده ناقص ........ناقص من ايه بالظبط
علشان لو في حاجة اسمها حب يبقي مثلا من وجهة نظري لو ناقص يبقي مثلا المادية مش تمام
لاكن الحب بيقدر يتغلب ع العقبات اللي ممكن تواجهم ولو بيحبوا بعض بجد ممكن يكملوا بعيدا عن حالتهم المادية
اما عن ردي لسؤالك فهو اكيد طبعا الانسانة او البنوته زي ما انتي بتقولي اللي هحبها هاخاف اكيد عليها زي اختي تمام واحاول البيلها طلابتها ع قد ما اقدر ومستحيل طبعا ما اعتبرها او اعاملها زي اختي تمام ...لانها اكيد طبعا هتبقي زوجتي في المستقبل طبعا ....يبقي ازاي ما اخافش عليها
ويارب اكون وصلت وجهة نظري صحة المرة دي ....ولو في اي لبس يبقي سهوا مني
وكل ابن ادم خطائين وخير الخطائين التوابين
وسؤالي ليكي المرة دي
تثبتي ازاي للشخص اللي بتحبه انك بتحبه بعيدا عن انك تسببي اي احراج او اي مشاكل ؟
تقبلي خالص تحيتي وتقديري

عموما يا كابو هوالرد يعنى شغال

بس انا اكيد مش قصدى تحبها زى اختك

انا كان قصدى يعنى انك تخاف عليها زى اختك يعنى مثلا متطلبش

منها انك تخرج وياها ومفيش ارتباط رسمى

ولو كانت اختك فى نفس الموقف اكيد مش هتوافق

يارب تكون فهمت انا اقصد اية

اما عن ردى على سؤالك فبالنسبة ليا انا

فالحب مش لازم انك تعمل اى حاجة علشان تثبتة

لان الحب بيبان لاى انسان

من نظرة عنية للحد اللى بيحبة

دا بالنسبة لى انا لانى بنوتة والبنوتة دايما بتستنى

ان الولد يقوم بالخطوة الاولى

بس متهيالى انا لو كنت ولد

كان هيكون عندى راى تانى

اولا قبل اى خطوة لازم تكون حاسس ان فى قبول من ناحية الحد دة

يعنى تكون حاسس انها يعنى حتى معجبة بيك

ومتهيالى ان دة من الساهل انك تحسة

تحاول انك تتكلم عليها قدام اصحابها كتيرررررر

ممكن لو عرفت يوم عيد ميلادها وانتوا فى بينكم معاملة يعنى

تجيب لها كادو جامد كدة ومعاة بوكية ورد من القرنفل الاحمر

اصل القرنفل اسمة ورد الحب ومتهيالى احسن حاجة للتعبير عن الحب الورد

ثانيا تعاملها باحترام بس ممكن فى وسط الكلام تقولها على غنوة حلوة انت بتحبها تسمعها ومنها

هتفهم انك معجب بيها ممكن كمان تسال اصحابها بتحب اية

زى انها تكون بتحب تقرا ممكن تشاركها فى دة او حتى تجيب لها كتاب هدية مثلا

ممكن كمان يوم الفالنتين مثلا تقولها كل سنة وانتى طيبة بس من غير هدية علشان متتحرجش

بس يعنى حاجات صغننة بس البنات بتحب كدة

اما بقا لو كانت زميلتك مثلا فى الكلية من بعيد لبعيد

يعنى مش بتتكلموا ولا بتتعاملوا مع بعض

فيبقى مفيش الا انك تكلمها على ارتباط رسمى ويا وافقت يا رفضت

وتبقى انت كدة عملت اللى عليك

بس مش معنى كلامى ان التانية دى بتاعة الورد تقضيها ورد وتنسى انك لازم ترتبط بيها رسمى

الحاجات اللى قولتها دى فى الاول بس علشان تحسسها انك معجب بيها

وبعد لما ترتبطوا ابقى اعمل اكتر من كدة اى فكرة مجنونة ولذيذة ومحترمة البنات

بتحب الولد المحترم بس مفيش مانع من شوية جنان واى خدمة

يارب تكون استفدت من الاجابة

وحسالك واقولك نفسك حبيبتك تكون عاملة ازاى فى طبعها واخلاقها

وشوية من شكلها اللى نفسك تكون علية ونفسك تعاملك ازاى؟؟؟

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Baby-2

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Baby-2

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Rose

بصراحة اجابة مقنعة جدا يا لؤلؤة وبجد انا كنت محتاج انك تجاوبيني ع السؤال ده
لاني بالنسبة لي كنت عايز اعرف شوية حاجات اقبل ما اعمل اي حاجة
يسلموا ايديكي ع المجهود الرائع
وهجاوبك ع سؤالك
نفسي البنوته اللي هحبها ما يكونش فيزيها في طبعها في اخلاقها ....تكون هي الفريدة او الوحيدة اللي كده ....تكون فكاهية .....مش كل ما اجاي اقابلها تقشر في وجهي (هههههههه) ومش معني كده بردو انها تفضل تضحك عمال ع بطال .....واهم حاجة في البنوتة اللي هحبها انه تكون واثقة من نفسها ...وانها تكون حاسة من جواها ان مفيش زيها (ومش معني كده انها تكون واخده مقلب في نفسها .....تكون متواضعة ومتدينة .....واهم حاجة لازم اني اتفق معاها عليها .....انها لو زعلاني مني في حاجة تيجي تقولي ع طول وما تخبيش عليا ابدا ....بحيث اننا منزعلش مع بعض ابدا ..بس كده .....تكون حنينة وطيبة وقلبها كبير بحيث اني لو كنت مضايق او زعلان اقدر احكي معاها واقولها ع اللي جواي وتسمعلي ......يعني ممكن تكون هي دي فتاة احلامي ...اللي مش ممكن الاقي فيها كل المواصفات دي
لانه مع احترامي ليكي طبعا البنات دلوقتي.ولابلاش علشان ما تزعليش بصفتك بنت (هههههههه)
يسلموا ايديكي ع المجهود الرائع
تقبلي تحيتي وتقديري
وسؤالي ليكي يا لؤلؤة دلوقتي
ايه اكتر حاجة ممكن تشد انتباه اي بنوته في الشخص اللي هترتبط بيه ؟

اولا يا كابو يارب تلاقى المواصفات اللى انت بتحلم بيهااااا

ثانيا مش كل البنات وحشين فى بنات كتير محترمات بس المشكلة

ان الولاد واخدينها قاعدة عامة دلوقتى يمكن بلمس لهم العذر

من كتر ما اغلب البنات فقدت احترامها لنفسها

بس صدقنى فى بنات محترمين كتير بس اغلب الولاد علشان عندهم

فكرة ان كل البنات مش كويسين مبقوش بيثقوا فى اى بنت

حتى لو كانت هى حقيقى محترمة بجد وبقوا بيحسوا ان مدام البنت مش كويسة

يبقى من حقة انة يلعب بيها بس المفروض ان الولد والبنت يكون عندهم مبادئ ومش

علشان هى مش محترمة انت تعاقبها دى حاجة تسيبها لربنا

المهم ان الولد يكون عنده مبدئ فى حياتة بالعيب والحرام

وانة يكون عارف انه لما يلعب بحد حتى لو كانت وحشة ربنا

اكيد هيحاسبة على دة لان ممكن لو هو صدها وفهمها انها اللى بتعملة دة غلط

يمكن ربنا يكرمها وتبقى حد كويس وربنا يجازية خير عنها

اما بالنسبة للاجابة عن سؤالك فهى

اولا بالنسبة ليا الله اعلم بباقى البنات

انه يكون ملتزم ولو التزام قليل ومحترم وبيحترم نفسة واللى حوالية وانه يكون عندة شخصية قوية

والناس بتحترم ارائة وان يكون دمة خفيف ولذيذ وعسولة ومتضحكش على طريقتى لو سمحت

ويكون رقيق ورومانسى وحنين على الصغيرين والكبار

دة مبدائيا يعنى من بعيد لبعيد دة اللى ممكن يلفت نظر البنوتة للولد

وبعد كدة باة هتعرف شخصيتة وتكرر هو دة اللى حلمت بية او لاة

وعايزة اقول حاجة لكل حد بيدخل اللعبة وبيخرج كدة ان مش علشان انا وكابو

بنسال بقالنا فترة يبقى معنى كدة ان مينفعش حد تانى يسال ويستنى الرد من اى حد برضة

يعنى مش لازم افضل انا وكابو نسال بس لا ممكن اى حد يدخل واحنا بنسال بعض

وياريت تقروا قصد اللعبة فى الاول صح ويارب الاقى مشاركات اكتر

وانا وكابو بنسال بعض لان مفيش ناس كتير دخلت فى من الاخر مش لاقين غير بعض يعنى

يارب كلكم تشاركوا فى اللعبة هى لذيذة واللهى اووووى

وسؤالى ليك برضوا يا كابو مؤقتا لحد ما الاقى حد جديد وانت كمان تلاقيك زهقت منى

لما تشوف حد ومن اول ما تشوفة تحس انة الحد اللى كنت بتدور علية

بس مينفعش انك تكلمة او تقربوا لانك عرفتة صدفة وهو مشى وانت مشيت من المكان دة

اللى اتقابلتوا فية ولفت الايام ودارت وانت بتدور علية وربنا سبب الاسباب

وشوفتة تانى ممكن تكلمة ازاى وانت خايف يضيع منك تانى

وممكن تبتدى كلامك معاة ازاى ومضيعش فرصة انك تفضل معاة على طول

يعنى من الاخر تعمل اية علشان تعرفوا توصلوا لبعض تانى ؟؟؟

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Baby-2

عندى فكرة جديدة...لعبة الصراحة اكيد كلنا عارفينها ؟ ادخل وسيب سؤالك واختار اللى يجاوب علية!!! Ward

ميرسي جد ا يا لؤلؤة ع جوابك الرائع بس احب افهمك مش كل الاولاد برضوا فاهمين ان البنات وحشين ومش محترمين .....او كل الاولاد بيلعبوا بالبنات لمجرد ان بعضهم مش محترم ....يعني القاعدة مش بتعم ع الاتنين .....ثانيا يا جماعة ...اتفضلوا ادخلوا اللعبة علشان تشاركوا ومش معني اني انا ولؤلؤة بنسال بعض يبقي مسيطرين ع اللعبة لوحدنا ....ممكن تدخل وتوجه اي سؤال للعضو اللي انت عايز وتستني الرد من العضو ده ....وما تقوليش تاني يا لؤلؤة اني زقت منك لا بالعكس انا استفدت منك في حاجات كتير
واجابتي ليكي ...ع السؤال طبعا لو الشخص ده اثر فيا او شد انتباهي وغاب عني مدة اكيد لما اقابله تاني واشوفه قدامي عمري ما هاستني انه يضيع مني تاني اتكلم معاه .....بحيث اني اقدر اخليه ما يغبش عني تاني واحاول اني اجذب انتباه ليا علشان نقدر نتوافق مع بعض ....علشان نقدر نفهم بعض وبالتالي ع ما اعتقد مستحيل ما اقابلهوش تاني
اسف جدا ع الاطالة بس ياريت تكون وجهت نظري وصلتلك
وسؤالي ليكي يا لؤلؤة
ايه اللي ممكن تعمليه علشان تحسسي الشخص اللي قدامك انك معجبة بيها ؟او بتحبيه
واسف جدا اني وجهت ليكي السؤال بس مش عارف اوصفه لمين اصلا يعني
تحيتي وتقديري

لؤلؤه

اللعبه طبعا جميله جدا

تسلم ايدك عليها

وياريت تجاوبى ع السؤال

تقبلى مرورى

كابو متهيالى انا قولتلك ممكن تعمل اية علشان تلفت نظر

بنوتة ليك وازاى توجة اهتمامك ليها علشان تحس باعجابك بيها

ولو عايز اى استفسار انا موجودة وبعدين لية بتتاسف احنا

مش اخوات عادى يعنى مفيهاش حاجة لما اخت تفيد اخوها

والا اية رايك

مونى ميرسى على ردك بس انتى لية مسبتيش سؤال

وطلبتى من حد يجاوبة هى اللعبة كدة واللهى

وسؤالى لكريم (اية رايك فى نفسك واوصف شخصيتك زى ما

انت شايفها اوى ؟؟؟؟

بجد كلكم نورتونى خالص

اية رايك فى نفسك واوصف شخصيتك زى ما

انت شايفها اوى ؟؟؟؟

رئى فى نفسى يا ايمان زى مانا شايفها انى انسان عادى جدا بحب كل

الناس بحب اوى اشوف الناس كلها فرحانه و سعيده و بحاول دائما

انى اقدم المساعده الى اى حد محتاج لو فى مقدورى مش بزعل بالساهل

من اى حد و دائما بدى بدل الفرصه عشره بس لما بزعل بيبقى زعلى

وحش جدا و يمكن ده اكتر حاجه وحشه فيا .

و يمكن انا شخصيه قويه بس فى وقت الجد يعنى مش بحب يكون

الهزار فى كل وقت بحب يكون وقت الجد جد و وقت العب لعب

بحترم كل الناس و متفأل جدا و طيب جدا و دى نقطه ضعفى

بس دى تقريبا كل حاجه عن شخصيتى زى مانا شيفها وزى مالناس

بيقولولى بس

سؤالى ليكى بقى يا ايمان ( لو صدف و بقيتى حرم رئيس الجمهوريه

تفتكرى ممكن تعملى ايه)

لو صدف و بقيتى حرم رئيس الجمهوريه

تفتكرى ممكن تعملى ايه

ياااااااااااااااااا دانا هعمل كتير اوووووووووووى

اولا هنزل الشوارع والبيوت واشوف

مين محتاج واخد من الغنى وادى للفقير

كمان هساعد الشباب اللى بجد حالتهم

بقت صعبة اوى ومش عارفين يبنوا حياتهم

وهعمل حاجات كتيرة اوى مينفعش تتقال بكلمتين

بس فعلا سؤالك صعب اووووى

وسؤالى ليك باة

( اية حكمك على حد مقدرش حد

وقف جنبة وردلة الجميل بانة خرجة

من حياتة كانة مكنش لية وجود فى حياتة اصلا ؟