الممرضة المنقبة .. للطرح والنقاش .. وكلنا معرضين لذلك بعد الشر يعنى !!

بسم الله الرحمن الرحيم

النهاره معايا ,.. موضوع على ماعتقد إنه جدير للنقاش والكلام ..
لانه .... كماان اثااار بعض الجدل ..

فالبعض مع والبعض ضد ..

البعض يوافق والآخر يعترض ....... ماتاخرش عليكم اكتر من كده

فى ظاهرة اليومين .. دول ..

هى .. إن بعض الممرضات منقبات .. اى .. ارتدوا الــــنــقــــــــاب .. وهذا بالتاكيد حــريــة شخصية

فليس لدى احد الحق ان يمنعهم
ولكن .. عايزين نعرف إيه راى حضرتك لما تبقى مثلا مريض "بعد الشر يعنى" .. وتكون
الممرضة اللى بترعاك وبتهتم بك منقبــة .. اللى زى مابيقولوا الممرضة ملاك الرحمة

وطبعا . كلنا عارفين إن الابتسامة ليها مفعول السحر فى وجه الانسان العادى فما بالك بالمريض إن الابتسامة بالنسبة له قد تكون باب الامل .. ولكن من اين تاتى الابتسامة .. فى وجه المنقبة

عايز .. آرائكم .. مع او ضد .. ولييه .. وايه رايك .. واقووول كل اللى عندك

تقبلوا تحيتى

موضوع جميل قوي يا سكيتر
بس احب اقول ان الممرضه سواء منقبه او محجبه او حتى غير محجبه مش هتفرق كتير ..لان المريض بيحتاج منها اهتمام ومعامله كويسه وبرضوا كلمه طيبه ..ابتسامه ايه اللي بنتكلم فيها ..طب احتمال تكون بتبتسم دايما بس ولا بتهتم بالمريض ولا عندها اي نوع من انواع الضمير وتعامل المريض بمنتهي الاهمال
المريض بس محتاج معامله كويسه وحنيه واهتمام وممكن ياخده من الممرضه سواء منقبه او غير منقبه مش هتفرق كتير ..من الاخر المهم الجوهر مش المظهر
يارب يكون رايي واضح والكل يستوعبه ..النقاب استحاله يكون حاجز بين ممرضه بتعامل المريض بتاعها بما يرضي الله..والله لو بتعامله بضمير وبمنتهي الحب والاهتمام والرضا لازم الاحساس ده هيوصل للمريض وهيكون احسن من مليون ابستامه
وميرسي يااحمد للموضوع

سوسو

باشكرك اوى ع مشاركتك ورايك الجميل ده واللى اكيد اضاف للتوبيك
بس حابب اقولك .. إن فى شبه اتفاق للعماء ان النقاب سنة .. يعنى مهواش فرض
وكمان فى اللى بيذهب انه مش سنة اصلا .. مجرد مكرمة او ما شابه

ولو بصينا لموضوع الممرضة .. مش عارف .. انا شايف ان فعلا الابتسامة بتفرق مع المريض
وفعلا ناس كتيير بتحتاجها .. واكيد برضه ان الممرضة بتكون اقرب واحدة للمريض
فـ تعبيرات وجهها بتاثر .. فما بالك إن كان وجهها ده اصلا مش باين ..

رايى ده مش تحيز ضد النقاب .. بالعكس ياريت .. النقاب يبنتشر حتى التحرشات تقل والشباب يهدا
بس انا شايف ان قصة التمريض بتختلف جامد ..

باشكرك يا سماح ..وآسف ع الاطالة ..
تحيتى

سكيتر

بشكرك كتير على الموضوع المميز و الجدير بالنقاش

بس حقيقى انا يمكن اتفق معاك ان فعلا الابتسامه ليها مفعول مميز على المريض

لانها ممكن تخفف من معاناته و غيره من الحاجات التى قد تكون بتألمه و هذا مش معناه

انى ضد النقاب بالعكس انا ضد الاستخدام الخاطئ للنقاب بغرض اخفاء الشخصيه و ماشابه

لذلك فرئى ان من الاحسن ان تكون الممرضه محجبه فقط لانى فى رئى ان النقاب مش الزام

بقدر ماهو سنه و فى اختلاف على انه سنه اصلا .

خلاصه القول ان المريض فى حاجه الى الحب و الحنان و الابتسامه فى وجهه المريض ده اقل

نوع من انواع الحنان و الحب الى هو فى الاساس فى حاجه اليه.

اسف على الاطاله

تقبل خالص تحياتى

كريم
باشكرك ع المرورد والرد الجميل
وكده يبقى انتا اتفقت معايا
نورت التوبيك ويارب يكون عجبك
تحيتى لك