ممكن تدخل تسمعنى لو بتحب نفسك

السلام عليكم

ممكن اطلب منكو طلب قبل ما اتكلم بلاش تقفل الصفحة واسمعنى للاخر

الموضوع ده فكرت فية كتير ومش لاقية اقرب منكو اتكلم معاه فية

الموضوع دة مش منقول ولا اى حاجة ده هنتكلم بس مع بعض

بس عايزاك وعايزاكى تركزوا معايا وتمسكوا مراية نفسكو

هسالك كام سؤال اول مش لازم ترد عليا لكن عايزاك تجاوبه لنفسك

الموضوع ده مهيمنيش انا بس يهمك انت كمان قوى

اسالك بقى

حاسس انك كذاب

حاسس انك منافق

حاسس انك متسلط

حاسس انك حقود

حاسس انك خاين

حاسس انك غدار

حاسس انك بتخدع حد

حاسس انك بتجرح حد

حاسس انك بتغير من حد

حاسس انك مغرور

على فكرة ممكن اوى اكون مش قاصد بس فكر كده بعقلك شوف ترضى ان حد يعاملك زى ما بتعامل اللى حواليك وراضى عن نفسك زى مانت ما تقفلش بس جاوب نفسك معلش اوعى تزعل كلنا بنغلط وانا كمان بغلط عارف لية وعارفة لية لاننا كلنا بنى ادم يعنى مش ملايكة بس على فكرة مش مشكلة اننا نغلط لكن المهم اننا نتعلم من غلطنا ممكن يكون اى حاجة من دى طبع فيك من وانت صغير او اتعودت لكن اللى انت متعرفوش انك ممكن تتغير للاحسن اكيد بس عايزين شوية اراده طبعا احنا دايما بنشوف اللى حوالينا هم اللى غلط حاول مرة تشوفك نفسك لان اكيد برضو احنا بنضايق غيرنا بس ممكن اوى نكون من غير قصد انا بتكلم معاكو لان اغلبنا شباب زى بعض بمعنى كلنا حاسين ببعض لان يعتبر تفكيرنا واحد عارف ان ممكن تكون شخصيتك فى شهرين حتى لو مقدرتش ممكن فى سنة بس لازم كلنا نتغير انت او انتى لو فى ثانوى فدخلين مرحلة جديدة المرحلة دى اللى هى الكلية يعنى مجتمع تانى خالص ممكن تغير مش هقول شخصيتك لكن عيوب شخصيتك ولو فى كلية فادخلين مرحلة جديدة برضو الشغل وانك تجوز برضو يعنى هتحتاج صدق وامانة وانك تربى اولادك اللى هم بيمثلوك يعنى هتحتاج انك تتغير حتى لو كنت فى اى مرحلة مش معنى انى بقول كده يعنى مش بغلط لا بغلط ويمكن اكتر منكو كمان مش عايزاكو تردوا عليا دلوقتى عايزاك تفكر او مش لازم حتى ترد خالص المهم ان كلنا نغير عيوبنا اتمنى ان ميكنش كلامى ضايقكو واسفة لو ازعجتكو بس كنت محتاجة اتكلم معاكو ومش معانى كلامى ان انا او انت وحشين ممكن تكون فينا مميزات كتير بس محتاجين نشوف برضو عيوبنا ممكن تكون برضو مش كتير عايزكو تفهمونى صح عايز نغير عيوبنا ونشوف نسفنا صح علشان نعيش صح واتمنى منكو لو فى اعتراض على كلامى تقولولى مفيش اى مشاكل واتمنى برضو ان كلامى ميكنش ضايقكو

تحيتى ليكم

وتمنياتى لحياه سعيده وردة

مش هاقدر اقول غير " عامل كما تحب ان تُعامل " ومفيش حد مبيحاولش يغير عيوبه
لانه محدش راضى اكيد عنها

ويابسومة موضوع وطريقة طرح جديدة بس لا تعليق غير اللى قلته

تقبلى مرورى

بسمة

التوبيك حلو اوى والطرح اكتر من رائع

وهاضيف ياللى قالته ندا : عامل الناس كما يحب ان يعاملوك

لا دا كمان ان مقدرتش تعاملهم احسن .. لانك بتعامل ربنا مش بتعاملهم هما

وكمان انتا باخلاقك بتعبر عن شخصيتك وعن هويتك وعن إسلامك وحسن اخلاقك

عجبنى اوى التوبيك .. ويمكن بيتكلم عن .. هل انت راضى عن نفسك .. بس بطريقة تانية انا شايفها احسن

تسلمى الايادى يا بسمة .. ويارب دايما متميزة بتوبيكاتك اللى كلها احلى من بعض

تحيتى لك

ندا وسكيتر

تسلموا كتير لمروركم اللى بجد نورنى ورائيكو كان يهمنى

وكمان انتا باخلاقك بتعبر عن شخصيتك وعن هويتك وعن إسلامك وحسن اخلاقك

وعجبتنى دى اوى يا سكيتر لانها حقيقة

بس غرضى من التوبيك مش انت راضى عن نفسك

تقدر تقول ممكن تغير من نفسك وعيوبك

ومش كل الناس يا ندا بتحاول تتغير فى ناس كتير مش شايفة عيوبها

ويمكن كمان كان قصدى ان كل واحد يشوف نفسة وعيوبوا كويس

وتسلموا كتير لمروركم

تحيتى ليكم

كلام جميل جداً.. كل أنسان زى ما فية الكويس فية الوحش ... بس يا هل ترى هتتغير ولا هتفضل على كدة اكيد هيجى يوم ويتغير
وانا عن نفسى كان فيا صفات كتيرة وحشة والحمد لله باتغير مع مرور الوقت
تقبلى تحياتى يالغالية ومرورى ايضاً
تحياتى لكـــ وللجميعـ
No.Comment

اولا تسلمى كتير لمروك

والحمد لله ان التوبيك عجبك واهم حاجة ان الانسان يتغير للاحسن

واكيد التغير مش بعيد بس محتاج اننا نقربلة

تحيتى ليكى

نورتينى وردة

بسمه

اولا بعتذر عن تأخرى فى الرد

انا قريت الموضوع و بجد موضوع مميز

و طريقه طرحه جميله جدا فيها ابداع راقى جدااا

ثانيا اكيد كل انسان له عيوب و له مميزات و هذا لان مستحيل ابدا يكون فى انسان كامل

فالكمال لله وحده بس العيب هو اننا نشوف عيوبنا و نقول مهو مافيش حد كامل و عادى

لا لازم نحاول نغير من عيوبنا مش عيب اننا يكون عندنا عيوب العيب هو لما العيوب تبقى

اكتر من المميزات اكيد ساعتها هنخسر كتير اووووووووى .

عشان كده لازم نصلح من نفسينا و نحاول على قد ما نقدر نكون احسن و انا اكيد عندى عيوب

بس بحاول اصلحها بس يكفى انى اقول انى الحمد الله غيرت كتير من نفسى

وربنا يسهل و اقدر اكون احسن و نكون بردوا كلنا احسن و احسن

اسف جدا على الاطاله

موضع مميز جدااا كالعاده

تقبلى خالص تحياتى

كريم

تسلم كتير لمرورك واكيد رايك يهمنى

واكيد هنخسر كتير لو مغيرناش عيوبنا

وعلى فكرة رائيك عجبنى كتير

والحمد لله ان التوبيك عجبك

تحيتى ليك وردة

بسمة ...اولا اسف ع التاخير
بس بصراحة توبيك جميل جدا
وفعلا الاحاسيس اللي انتي قولتيه كلها ..في حقيقة ربنا ..تقريبا اي انسان مش انا بس تقريبا بتعدي عليه فترة بيحس بيها سواء ..او كان كاذب او منافق...اوغدار ..الخ ...بس تقريبا اغلب الناس اللي بيمر بالاحاسيس دي تقريبا ..بيمر بيها وهما غصب عنهم لانهم ببساطة كده ممكن يكذبوا في حاجة في سبيل حاجة ..ممكن يغدر بحاجة في سبيل حاجة ..يعني بيبقي لغرض تاني ...بعيدا طبعا عن الناس اللي بتعمل كده وهي قاصدة ..فربنا يحاسبها بقي ..وهي ضميرها بقي ..وانا تقريبا ما اقدرش احدد اذا كنت كذبت قبل كده او لا ..لان الانسان مش معصوم من الغلط ...لاكن عن باقي الاحاسيس دي كلها ..انا عمري ما كنت غدار الحمد لله ..ولا منافق ولا اي حاجة الحمد لله وربنا يصلح الحال بردو ..واسف ع الاطالة ..
يسلموا ايديكي ع التوبيك الرائع
تقبلي خالص تحيتي وتقديري

كابو

تسلم كتير لمرورك واكيد رائيك يهمنى

تقريبا اغلب الناس اللي بيمر بالاحاسيس دي تقريبا ..بيمر بيها وهما غصب عنهم لانهم ببساطة كده ممكن يكذبوا في حاجة في سبيل حاجة ..ممكن يغدر بحاجة في سبيل حاجة ..يعني بيبقي لغرض تاني

بس مش مش معنى كلامك اننا نستغل ده ونتمادى فى العيوب دى

وكتير اوى بيكون ملهاش لازمة

والناس اللى بتكون قاصدة برضو الكلام موجه ليها لانها لازم تتغير

وعلى رائيك ربنا يصلح الحال وبجد نورتنيى

تحيتى ليك وردة

بسمه
موضوع جميل جدا
وفعلا الانسان بيجى عليه وقت بيحس بالحجات دى انه غدار ومنافق وانانى وكداب ....الخ
بس لازم نغير من نفسنا للاحسن وربنا يهدينا
تسلمى يا بسمه ع التوبيك الرائع
تقبلى مرورى

بسبوستى الموضوع اكتر من جميل

لان فعلا كلا تقريبا بيمر علينا

وقت لما بنكون فى مشكلة او

لما بنعمل حاجة مش راضين عليها

بنسمى نفسنا بالكدب والغدر والنفاق

بس صدقينى كلنا لينا اخطاء وكلنا

عندنا عيوب مش غلك اننا نغلط بس الغلط

اننا منتعلمش من الغلط دة

ومش لازم نعامل الناس زى ما بيعاملونا

لا احنا نعاملهم بالى يرضى دينا وشخصيتنا وتربيتنا

لان اكيد الانسان مش وحش بطبعة يمكن لما

تعاملى الناس كويس دة يساعدهم انهم يكونوا احسن

واكيد ربنا هيكرمنا لما نتعامل كدة ويمكن ربنا

يجازينا خير لاننا بشخصيتنا غيرنا صفة وحشة فى حد

بسمة اسفة للاطالة

وكمان التاخير

تقبلى مرورى يا جميلة

ممكن تدخل تسمعنى لو بتحب نفسك 240448_01225565459

ممكن تدخل تسمعنى لو بتحب نفسك 240448_01225565459

مونى . لؤلؤة

تسلموا كتير لمروركم واكيد رائيكو يهمنى

وتسلموا كتير لمروركم وبجد نورتونى

تحيتى ليكم وردة

موضوع اكتر من روعه يا بسمه
وفعلا ( عامل الناس بمثل ما تحب ان يعاملوك به)للاسف احنا ممكن نكون في طبيعتنا الانانيه ..نحب الناس تعاملنا افضل معامله وتخاف ع مشاعرنا واحنا مش بنتعامل كده ..زي ماسكيتر قال ده بيرجع لشخصيته وبرضوا للتربيه لو اتعود ع الانانيه هيبقي عايزه ياخد وبس وبدون مقابل
ميرسي يابسمه للموضوع

سماح

تسلمى كتير لمرورك واكيد رائيك يهمنى

وياريت فعلا نقدر نغير عيوبنا

نورتينى وردة