ما تولع وتحشش ولا إحنا في بنزينه

jelan كتب:

سكيتر التوبيك جميل اوى تسلم ايدك
بس انا الحمدلله الاغانى دى مش بحبها خالص لان اساسا صوت المغنى مش حلو
والكلام غبى يعنى كلها على بعضها غبية اوى
المفروض الفرح تكون اغانية راقية وجميلة وممكن كمان تكون اغاني دينية
يعنى فرح اسلامى والله بيكون جميل اوى
نيجى بقى للحل فى سائق السرفيس علشان الاغانى دى....
اول حل انك تسمع وتسكت لانك لو قولتلة بلاش الاغانى دى هتسمع كلام جميل اوى
تانى حل بقى انك تاخد معاك شريط فية قرآن او غيرة يعنى يكون كويس وتقولة بطريقة كويسة شغل دة فى حاجة اجمل ويا تصيب يا تخيب

بس عايزة اقول تعليق صغير ممكن يكون الاغلبية بيشغلوا الاغانى الشعبية
لكن على فكرة فى كتير بيشغلوا شرائط دينية جميلة وقرآن ودروس جميلة لشيوخ اجمل
وبجد لما بنسمعهم بنستفيد اوى..بس للاسف مش كتير بيعملوا كدة

تقبل مرورى

جيلان
شكرا اوى ع مرورك وردك
ووصفك للاغانى دى فى محله فعلا هيه اغانى غبية
وحل تسمع وتسكت ده تقريبا معظمنا بنعمله بس ده اصلا مش حل
وفرح اسلامى حل ممتاز .. بس هتقولى لمين .. ومين هيسمعك
الافراح الاسلامية .. بكل آسف بقيت مابترضيش غير فئة معينة
واى حد يقولك ياعم .. دى كلها ليلة فى العمر
وكأن الافراح الاسلامية عبارة عن حزن ومآتم
وحل الشريط ده اعتقد انه حل كويس بس ياترى رد الفعل هيكون ايه ..
تسلمى الايادى .. ونورتى التوبيك وميرسى ع ردك ... خالص تحيتى

monny كتب:

سكيتر
موضوع جميل ومشكله شعب كامل
الايام دى الاغانى بقت فظيعه جدااا
وخاصه فى الافراح تلاقيها كلها شعبى ومش هاديه
والميكروباصات مفيش بعد كدا اغانى فظيعه ولا الاغنيه الى بتقول انا هعيط دى
تلاقيها وراك وراك يعنى اى المطلوب من الاغنيه اننا نعيط
بجد لما بسمع الاغانى دى عقلى بيطير وبضايق جدا واغانى صراحه متسمعش
والسائقون الافاضل لو طلبت من حد فيهم هتسمع كلام زى العسل
صراحه معرفش اى الحل ممكن نجيب لكل سائق mp3وخلاص
بجد حاجه فوق الفظيع بجد الواحد زهق منهم
مش كفايه الميكروباصضات الى تقرف كمان هنطرش
يلا مأساه ومشكله شعبنا كله
تسلم يا سكيتر ع التوبيك الرائع
تقبل مرورى

مونى
شكرا اوى ع مرورك الجميل وردك
بس بصراحة مسمعتش عن اغنية العياط دى
تلاقيها موجودة عندكم بس
والاغانى فى السرفيس كوم وفى الافراح بقى كوم تانى .. لانها بجد حاجة تحزن
لكن تعتقدى .ز فى إمكانية اننا نطبق حل .. mp3 لكل سائق اللى اصلا بيحب يطرش الناس
وإن قبل اصلا الــ فكرة مشروع .. mp3 لكل سائق
منورة التوبيك واشكرك ع اضافتك .. تحيتى لك

K@po كتب:

سكيتر ..توبيك بجد غاية في الجمال
اولا ..يسلموا ايديك ع التوبيك الرائع
ثانيا بالنسبة ..للحوار والليلة كلها اللي بتتكلم فيها دي ..فدي طبعا حاجة سيئة تبقي مثلا يعني راكب ما سواق ميكوباص وفعلا بيحصل اللي بتقول عليها كله ...بس اقولك يعني السواق هتلاقي غير انسان ذو عقلية متخلقة وغير واعية ويسعي الي سماع الاغاني الهابطة اكيد يعني ..ومن غير ما يفهم ايها اللي بيتقال فيها اساسا .زلان مفيش حاجة علشان تتفهم اساسا في اللي بيتقال ..تقريبا المغني بيفضل يصرخ ويهلل ع الفاضي ..وبالنسبة ..لعادة الافراح ..اكيد طبعا لازم تشغل اغاني شعبية طبعا يعني مستحيل مثلا تيجي تشغلي ..اغنية مثلا لتامر حسني بتقول مثلا يعني مثلا يعني (come back to me)لانه من الطبيعي انها اساسا معااااااااااااااك في الكوشة اكيد (هههههههههههههه) يعني الاغاني الشعبية لامفر ليها من الافراح غير حاجة واحدة انك تعمل (فرح ديني بقي )او تيجي يا عم (شيخ يقرا ربعين قران ..وتعشي الناس بقي وتمشي ) اما بالنسبة ليها في الميكروباصات ..ممكن نعمل ايه بقي ..اننا نلغي التسجيلات من الميكروباصات ذات المسافات الصغيرة ..وده اقتراح مستحيل طبعا (ممكن اقتراح تاني ان السواق يخلي سماعات في اذنه علشان يسمع ويهيص هو براحته بقي ..تمام عليك ..
ثالثا بقي وده الاهم (اسف ع الاطالة )...منتظرين مزيدك المتميز ..الي الامامـ
تحيتي وتقديري الغالي ...

كابو
شكرا اوى ع المرور والرد وع الكومنت الظريف ده
بس ع فكرة معظم السواقين لما بيشغلوا اغنية مش مهم يفهموا او ميفهموش بتقولوا ايه
تقريبا اللى بتجذبهم الاغنية المزيكا الغبية والهيصة اللى فيها والكلام النشاز
كمان .. اكيد مش كل السواقين عقلية متخلفة لانك هتلاقى سواقين الفرع التانى
وهما سواقيم مصطفى كامل .. اللى كل ما تركب اى سرفيس تلاقيه مشغل مصطفى كامل ونكد واحباط بقى بيكونوا مناسبين لاى حد رايح مكان جميل زى الحرم الجامعى
اما بقى بالنسبة للافراح .. ع فكرة يا كابو اغانى الافراح عمرها مااعتمدت ع المعنى .. والا هتلاقى الافراح كلها خراب ودمار يمكن كلها زى ما قلتلك فى الاول بتعتمد ع المزيكا يعنى لو شغلت .. Come back to me عادى مفهاش حاجة وكمان موقفتش يعنى ع الاغنية دى .,. بس اللى يعوز واللى يقدر يتخلص من عقدة مزيكا الشعبى والفاظه
حاجة تانى مهم انى اصححلك معلومتك ولو ع سبيل المرح كلامك ..
الافراح الدينى .. عمرها ما كانت زى مانتا متخيل شيخ ويجئ يقرا ربعين والقصة دى .. لالا اطلاقا
احيانا ويمكن فى الغالب الفرح الدينى بيكون احلى بكتيير من الافراح العادية بالاغانى والاناشيد اللى بتكون عن طريق الدف
والاقتراحات للاسف كلها صعبة التنفيذ .. لاننا ولا هنقدر نلغى التسجيل .. لاننا مش بنصنع اصلا وحتى لو مصر بتصنع مفيش حد هينفذ الفكرة .. وكمان اى سواق بيشترى اى وسيلة مواصلات بيهمه اوى السماعات وابسط مثال .. وانتا شوفته كتير حواليك
بتوع التوك توك .. اللى بيكونوا مشغلين سماعات تنفع لافراح وحفلات ضخمة .. تلاقيهم حاطين سماعات صب .. لدرجة انك ممكن تطرش فعلا ولما بتدخل التوك توك بتمسعش اى حاجة حواليك
.. وانا اللى بجد آسف ع اطالتى .. ومبسوط بمرورك وردك واضافتك للتوبيك .. خالص تحيتى

لؤلؤة بحر النسيان كتب:

احمد بحقيقى الموضوع مهم جدا

لانة باة ظاهرة رخمة ودمها تقيل

بس المشكلة ان الاغانى اللى انت بتتكلم عنها دى بقت بتمثل

شريحة كبيرة من المجتمع وانحطاط للذوق العام

وفعلا بقت مشكلة خاصة للطبقة المتوسطة اللى غصب عنها لازم

تركب الميكروباصات والمشكلة انك فعلا لو اعترضت

يترد عليك بكلام ارخم ما يكون ومش بس من السواق

لا دا كمان من بعض الركاب ويا سلام

على معانى الاغانى والا كلماتها

والا الاصوات اللى تحسسك انك نفسك تولع فى السواق

والركاب وبعدين تنتحر

وكمان الافراح افتقدت زوقها وطبيعتها اللى كانت زمان

دلوقتى تروح الفرح تحس انك رايح تصدع وبس

ولما تعترض يقولك احنا فى فرح وعايزين نفرح

كان الفرحة بالاغانى الزبالة دى

انا من رايى اان الحل بالنسبة للافراح هو الافراح الاسلامية

افراح بسيطة وكمان مش مكلفة متهيالى

اما الحل لسواقين الميكروباصات فدة ملهوش حل الا اننا

نعمل قانون بيحكم على اى سواق يشغل الاغانى الزبالة دى

بالاعدام وبكدة نقدر نحد من الظاهرة دى لانهم هيخافوا

ومش هيشغلوا الاغانى المزعجة دى

اسفة للاطالة يا احمد بس فعلا الموضوع حلو اوى وكمان

بجد الموضوع دة بيستفزنى اوى

لؤلؤة
باشكرك ع المرور والكومنت الجميل
واللى بلا شك افاد التوبيك
انا باتفق معاكى فى اغلب كلامك
وصح كلامك المصيبة الكبيرة ان الاغانى دى بتمثل شريحة كبيرة وبقى ده الذوق العام
عندك حل .. والافراح يمكن افضل الحلول هوه الفرح الاسلامى وان كان تقييل ع ناس كتيير
ع فكرة اقتراحك حلو اوى .. بس طبعا مش لدرجة اعدام
يعنى اعتقد لو اتعمل كذا بلاغ ضد السواقين اللى بيصدعونا باغانيهم .. ممكن اوى يتعمل قانون يجرم الصوت المزعج ده
وممكن يكون مخالفة او غرامة كبيرة ...!!
باشكرك اوى ع المرور والرد الجميل .. وتسلمى الايادى .. تحيتى لك

بعد الكلام اللى قولتلوا يااصحابي انا معنديش كلام اقوله

من الاساس ان المشكله مش فى الاغانى وبس فى الشعب اللى بيسمع ويعمل قيمه للاغانى الهابطه دى

لا كلمات ولا احساس ولا صوت لمطرب

وبصراحه بعد شعبان عبد الرحيم لازم تظهر الاغانى دى والصوت الاجش

تقبلوا مرورى

موضوع جامد يا سكيتر
والله لسة كنت بناقش فيه فى حوار الموضوع ده
كان بجانب فرح وكانت شغالة فيه الاغانى الهابطة دى .....اغانى الحشاشين والمساطيل اللى انتشرت بصورة فظيعة فى الكاسيت وعلى اجهزة الكمبيوتر اللى بيقولواا عليهاا دى جى وكمان الموبايلات المهم كان فيه امناء شرطة وعساكر وكانت شغالة الاغانى دى.....وللاسف اول ما اشتغلت كله اندمج معهااا وكان فيه ناس .... فقلت يا جماعة تعرفواا الاغانى دى من احدى واهم الاسباب اللى بتخلى الشباب يحشش وبتدعواا للتحشيش فقالواا لى عادى ياعم انت شيوعى يلا.......طب شيوعى ليه ...المفروض تبقى فيه رقابة على المصنفات والاغانىوكله سكت ومحدش رد غير واحد قال لا عادى متعملش حاجة طب ازاى احنااا بنسمع الاغانى ليه .....الاغانى اللى بنسمعهاا المفروض تكون بتهذب الاخلاق وتخلى عندنااا مشاعر مش تخلينااا هابطين.......ميين المسؤل ولا ما نتكلم نبقى شيوعيين انا مش عارف بصراحة على كدة كله يشرب ويحشش ولا احنا فى بنزينه والله اثناء الاغانى مكانت شغالة مكانش ناقص غير يحششواا.....وايه رايك ياعم احمدوالله الواحد بيتكسف لا يسمعهااا فتخيل المشاكل اللى هتعملهاا الاغانى دى لما يسمعهاا الاطفال ...النشىء الجديد اللى الامل فيه.....هيعمل ايه؟........ومش عارف اقول ايه ولا ايه المشاكل دى علشان محد ش بيسمع لنااااا ولما نتكلم يقولولك انت شيوعى ولا هتعمل فيهاا مصلح اجتماعى.....صحيح ايامنااا سحقت بهاا القيم ......طب ايه العمل الان..........ولا تعليق وانتظر رايكم.......عـــــــــــــــــــــــــبده علوان

موضوع مميز

بجد الاغانى البيئه بقت عامله شغل
اكتر كمان من الاغانى الرومانسيه والتوب

واكيد الميكروباصات حتفضل تشغل اغانى محدش يعرفها
وغريبه ويمكن السدادات ده حل
بس مش حل اساسي

لازم نكون ايجابين بمعنى تنبيه الناس
اللى عايز يسمع يحط هاند فري ويسمع مع نفسه

وشكرا