يوميات محروس وعدلات حلقات متتاليه

يوميات محروس وعدلات (الحلقه 1)
********************************

اللقاء الاول
**********
فى البدايه بدعى واقول يارب ميحصلكم زى
انا اسمى محروس اسم مش على مسمى خالص انا متحرستش لما اتهبلت وقبلتها مراتى عدلات
ايه جيه
القمر العسوله اللى مفيش زيها اتنين
يلا بينا احكلكم اتقبلنا ازى انا وهى
كنت جعان ودى غلطه عمرى ركبت العجله بتعتى اللى ورثتها عن جدود جدودى وروحت ادور على اى مطعم وانا ماشى قبلتنى مظاهرة انا بحب الحجات دى قوى فدخلت اهتف معاهم فى البدايه كنت فكرها مظاهرة علشان الغلو اللى احنا عيشينه
بس لما سمعت الهتاف اللى كانو بيهتفو بيه وقفت مزهول مكسوف من نفسى كانو شيلين وحده مزة مزة يعنى وبيقولو
************************************
لا للراجل * لا لوجوده

يلا ياستات قومو وثورو

ومعاكم سوطير واكياس بس هتوها حجم كبير
*************************************
شوفو المفترين هيخلو اجوزهم يشترولهم الاكياس منهم لله الكيس دلوقتى ب 50 قرش
المهم بصراحه البنت دى عجبتنى فسالت عن اسمها فقلولى دى عدلات مظاهرات
ازى متعرفهاش قولتلهم دى قمر انا بحبها وعاوز اكلمها
قلولى بلاش احسن تضربك دى مفتريه
قولت لنفسى بطل جبن ونادى عليها
وندتها باالصوت العالى
انا حبيتك نفسى اتقدم وتكونى النصف التانى
نصف جميل لحياتى يادودو
بصتلى والشر فى عنيها من البصه العجله رمتها ولقتنى انا بجرى بسرعه وبقول حرمت يباشا
وندتلى وقلتلى اتقدم نفسى اتجوز وابقه عروسه
***********************************************
انتظرونى فى الحلقه القادمه من يوميات محروس وعدلات

يوميات محروس وعدلات (الحلقه الثانيه )
**************************************
اذيكم عملين ايه ايوة انا محروس
هو انا مش باين عليه ولا ايه
محدش شاف عدلات احسن من امبارح بتجرى ورايه ومستحلفالى
كل ده علشان عرفت انى بكتب عنها فى محروس وعدلات
المهم سيبك منها انا ولا يهمنى
بس وحيات ابوكم اى حد يشوفها جيه عليه يحزرنى
اكملكم بقه الحكايه والليله النحس اللى اتجننت فى عقلى ورحت فيها وخطبتها
ووافق عليه ابوها من غير ولا شرط كان عاوز يخلص منها وكان بيدور على اى مغفل وبقيت انا المغفل المهم اسمعو بقه انتو رغين قوى

فرح محروس وعدلات

*****************
فى يوم الفرح كنت نايم وسعيد وبحلم كمان
جالى تليفون مزعج من انسانه مزعجه
عدلات طبعا قال ايه بتفكرنى ان النهارده فرحنا
طيب وانا مالى انا دى انسانه غريبه
المهم قولتلها فاكر ياروحى طلعت روحى
ولبست اللى على الحبل واستحميت وكنت وارث شبشب من جدى الكبير كان تحفه لبسته واجرت عربيه كارة ورحت الكوافير اجبها
منها لله دفعتنى للعربجى 75 قرش
المهم ركبتها وركبتى ومشينا كل الناس كانت بتتفرج علينا واحنا مشين مش عارف ليه
بس بعد كده عرفت السبب
كانو بيتفرجو على الشبشب بتاعى التحفه
ووووووووووووووووووووووووووو
قولت الف شويه باالكرو
على الله يطمر فيها لفينا بتاع حرتين
والناس كلها بتضحك مش عارف ليه تانى ببص جمبى لقيت اللى متتسماش مسكه عود قصب ونزله فيه مص انا كان هيغمى عليه من الصدمه
المفجوعه بتاكل لوحدها حتى مهنش عليها تدينى حته
اعمل ايه بس نصيبى وقدرى احب واتجوز مفجوعه
ودخلنا فرحنا اللى كنت عمله فى اجمل مكان فى عزبه القرود
فوق سطوح عباس ابن خالت حسن قريب محمد اخو حسين ابن عم توفيق صحبى
منها لله دانا فضلت اتحايل على توفيق شهرين لحد اما وافق قال ايه توفيق خايف على العماره من عدلات بيقول عدلات وزن تقيل
بينى وبنكم هو عنده حق

اول مدخلنا الفرح ملقتش ولا مخلوق غير توفيق صحبى
حتى ابوها مجاش
طيب انا يتيم انما هى حتى اهلها مجوش
قولت اتصل اعرف مجوش ليه وكانت المفاجاه
لما قلولى انهم خيفين احسن العماره تقع حتى هم عرفين ان عدوله وزن تقيل
بينى وبنكم انا ابتديت اقلق لما لقيت توفيق صحبى خلع هو كمان
فقولت لعدوله
عدوله ياحببتى انا نسيت مع العربجى قلم جاف هروح اجيبه واجى
اظاهر كانت حسه انى عاوز اخلع فقلتلى لا ياحبيبى حبها برص
انا لقيته على العربيه وجبته معايه
حولت اقنعها انى لازم انزل تحت وهاجى وكنت هسبلها الشبشب رهن علشان تصدق انى جى بس المفتريه رفضت
قولت انا لله وان اليه راجعون وقعدت وسلمت امرى لله
بس عدوله عملت حاجه مش ممكن انساها ابدا قامت من الكوشه وصممت انها تغنى
بعد محاولات مستميته منى انى اقنعها انى مش عاوز صداع بس صممت
وقامت وغنت اغنيه عصبتنى بتقول
***************************************
ايوة خلاص عدوله اتجوز
ايوة خلاص انا خت البيه ابو جزمه وشبشب بمبيه
ايوة خلاص ان هبقه عروسه واتجوزت كمان محروس
هو صحيح نصاب وحرامى بس ده بختى وهعمل ايه
ايوة زمان ده قلولنا البنت لازم تضلل على حيطه
ايوة خلاص عدوله اتجوز
*******************************************
وبعد كده ختها ونزلنا وروحنا بتنا منها لله صدعتنى
وبكرة لينا حكايه تانيه مع محروس وعدلات

يوميات محروس وعدلات (الحلقه الثالثه)
***********************************
بتسالو مالى مليش بفكر انا غلط فى ايه علشان اتبلى باالبلوة دى
ب عدولاه المجنونه
ممكن علشان كنت شبه حسين فهمى وانا صغير وكانو البنات بيعكسونى مش عارف
المهم سبوكم منى واكملكم حكيتى مع اللى متتسمى
احنا وقفنا لحد فينا اه
وبعد كده ختها ونزلنا وروحنا بتنا منها لله صدعتنى
وفى بدايه يوم المفروض انه جميل بدل ماصحى على صوت موسيقى صحيت على زعيق عدلات مع جرتنا قال ايه عدلات رمت الزباله عندها على باب شقتها ولما سالت عدلات انتى فعلا عملتى كده ردت وقالت ايوة امال ارميها فى شقتى
هتجننى المهم اعتزرت للست جرتنا وجريت عدلات من شعرها ودخلتها جوة
منها لله يوميها فضلت اغسل فى اديه طول اليوم اصلها كانت حطه جاز فى شعرها قال ايه دفاعا عن النفس ضدد الحشرات المستوطنه
دى الحشرات هى اللى اشتكت منها ومن صوتها اللى عامل زى زمارة القطر ولسنها اللى عامل زى سرينه المطافى
المهم قلت احسن حل انى اخرج علشان ارتاح منها شويه مسكت فيه وقلتلى لازم اخرج معاك وبعد صراع عنيف انتصرت عدلات طبعا وخرجنا
انا طول عمرى بسمع انى الست بتطول قدام المرايه بس مع عدلات الوضع بيختلف دى يدوب لبسه الشبشب المعفن بتعها وقلتلى يله بصتلها من فوق لتحت وقلتلها كده عيب مينفعش تخرجى باالشكل ده دى هدوم جديده البسى هدومك المعفنه الهدوم دى بفلوس
بس صممت قلتلى انا عروسه ولازم اكون حلوة
بس مهما عملت عدلات هى عدلات لو جبولها مالين مونرو تعلمها الاستيل مش هتتعلم
وخرجنا وكانت الكارثه ثوانى وراجع
اه يانى ياخواتى منها
اذيكم وحشنى والله انتم اللى بتهونو عليه عشتى مع اللى متتسمى
هابى فالنتين دى
النهاردة عيد الحب
كل واحد يجيب هديه لحبيبه ومتعملوش زى انا وعدلات مش بنهادى بعد غير باالضرب
اقولكم تعالو نكمل حكايتنا احنا وقفنا لحد فين اه
لحد اما نزلنا
وخرجنا وكانت الكارثه
ولما خرجت انا وعدوله كل اما امشى خطوة القى دبديب حمراء وهدايه وحجات كتير انا قولت ده عيد العمال
لقيت زحمه على باب محل دبديب فقولت ده اكيد عيد الشرطه وبيوزعو هدايه فقولت لعدلات استنى هنا لما احارب يمكن اخد كيلو لحمه او حتى فرخه من الناس دول وفضلت ازاحم واحارب بتاع 4 سعات لحد اما وصلت للراجل اللى بيوزع وهناك عرفت انه محل هدايه ولما قولتله ياعمو هو ده عيد الشرطه بصلى الراجل باستغراب وبص لعدلات وقلى عندك حق دى منظر وحده وواحد يعرفو عيد الحب
قولتله هما عملو عيد للحب قلى ايوة يعم فوق ده من زمان قولتله وياترى مين اللى بيجيب هديه لمين قلى الحببين فسبته ومشيت وفى دماغى لعبه هلعبها على عدوله ولما وصلت لعدوله قلتلى فى ايه وليه الزحمه دى قلتلها النهارده عيد الفالنتين
قلتلى فالن ايه قلتلها تين يعنى طين على دماغك ركزى شويه يعنى باالعربى عيد الحب ياحببتى
قلتلى وبيعملو ايه فى ايه العيد ده قولتلها فى العيد ده الاحباب بيبعدو عن بعض 3 ايام علشان يعرفى قد ايه بيحبو بعض يعنى لازم تروحى عند امك 3 ايام علشان النهارده العيد الله عليك ياحسحس ياابو التفكير
الحمد لله ارتحت منها ل 3 ايام الف شكر ياعم فالنتين على العيد ده اللى ريحنى من عدوله
اقولكم اما الحق اعيش عيشه الحريه بقه دول 3 ايام

يوميات محروس وعدلات (الحلقه الرابعه)
*************************************

محلها عشت الحريه من الصبح لحد الفجريه

اما كانو 3 ايام انما ايه اخر راحه ودلع من غير عدوله الواحد من غرها بيرجع شباب انما وهو معاها مدفون باالحياه

بس هعمل ايه حظى الاخبر اللى وقعنى فيها

المهم اكملكم باقى الحكايه

احنا وقفنا لحد فين اه لحد اما روحتها عند امها
الحمد لله ارتحت منها ل 3 ايام الف شكر ياعم فالنتين على العيد ده اللى ريحنى من عدوله
اقولكم اما الحق اعيش عيشه الحريه بقه دول 3 ايام
وفعلا عشه يامعلم اخرج من البيت برحتى وارجع برحتى

بس الحلو مش بيكمل ابدا بعد 3 ايام رجعتلى تانى وفضلت ادور على اى اعياد تانيه علشان اخلص منها زى معملت فى عيد الحب ملقتش

وفى يوم قلتلى عدوله انا عوزة اشتغل وانا مصممه كانت فكرة انى هعترض دانا مصدقت انى هخلص منها فى شغلها قولتلها اشتغلى ياروحى برحتك حتى لو فيه مكان تباتى فيه فى الشغل هكون سعيد
العمل عباده ياقلبى

بس قوليلى انتى هتشتغلى ايه قلتلى انا هشتغل منكان قولتلها ايه منى ايه يعنى ايه ده قلتلى ياجاهل يعنى لبيسه للهدوم الجديده الحلوة انتى مبتشوفش عروض ازياء قولتلها هو انا لاقى اكل لما اشوف ازياء

المهم قولتلها روحى وبعد شهرين الفلوس معاها كترت وقلتلى ان الناس بيدوها فلوس كتير من شده اعجبهم بيها كا منكان
فقولت اروح اشوف الناس المنافقين دول اللى بيقولو على عدلات جميله
وكانت المفاجاه

ياه انا تعبت اصلى كنت زعلان ان عدلات رجعه البيت ومنمتش تصبحو على خير
خخخخخخخخخخ

انا مش بشخر دى اشاعه


مساء الخير
عملين ايه معلش اصلى لسه صاحى من النوم بلاش تريقه مهى عدلات خلت ليلى نهارى

منها لله المهم اكملكم حكيتى مع اللى متتسمى
احنا وقفنا لحد فين اه لحد اما قلتلى
ان الناس بيدوها فلوس كتير من شده اعجبهم بيها كا منكان
فقولت اروح اشوف الناس المنافقين دول اللى بيقولو على عدلات جميله
وكانت المفاجاه
اول اما روحت لقيت بنات قمرات بنات هم دول البنات
واول مرة برده اكتشف انى اتجوزت واحد صحبى مش وحده ست
المهم قعدت واستنيت لحد اما عدلات تطلع فى عرضها
وفضلت مستنى كتير مش عارف ليه رميتها للاخر كده
واخير وبعد سهر طويل طلعت عدلات فى فستان معفن يكاد يكون لبس شحاتين
واول ماالناس شفوها بدئو فى العياط والنواح
وفعلا بدئو يدوها فلوس ومنهم اللى يعيط ويقول غلبانه ومنهم برده اللى يقول شحاته واكيد جوزها شحات بينى وبنكم انا قولت اداره احسن يعرفو انى جوزها منها لله فضحتنى
وانا قاعد واحد قاعد يعيط ويعيط ويعيط لحد اما صدعنى ولما سالته مالك يعم انت قلى شوف البنت القمر الغلبانه دى مش حاجه تقطع القلب ازى جوزها سيبها كده تشحت وهى قمر د انا لو كنت شوفتها من قبل متتجوز كنت اتجوزتها على طول
انا كنت هتجنن ازى معقول بيتكلم على عدلات
عدلات جميله
قولتله ازى يعم دى جميله
وكان هيغمى عليه بس اكتشفت هو ليه بيقول كده لما مد اديه ياخد كوبايه الميه ووقعها منه واكتشفت انه اعمى
اقولكم انا تعبان وعاوز انام اصل اللى متتسمى سهرتنى قال ايه عوزانى العب معاها صلح بس بينى وبنكم كان يوم عسل هرتها ضرب على قفاها
يلا سلام

يوميات محروس وعدلا ت ( الحلقه السادسه)
********************************************

ملحوظه
لكى تفهم بدايه محروس وعدلات تابع الحلقات 1.2.3.4


صباح الخير انا النهارده نشيط جدا اول مرة عدلات متزعجنيش النهارده انا مستغرب هى راحت فين يلا يارب تكون وقعت وهى ماشيه جوة بلاعه مفتوحه ولا بلاش يارب احسن تطلعلى من الحنفيه
اكملكم بقه حكيتى مع حبيبت عمرى ونصفى الوحش عدوله
احنا وقفنا لحد فينا اه لحد اما لقيت لمه عند بتاع اللحمه سالت هو فى ايه ياعمو رد عليه وقلى اصل الجزار ده بيبيع لحم حمير وكان هيغمى عليه دانا اكلت بتاع رجل حمار وعدوله اكلت بتاع رقبه حمار واغمى عليه
وفوقونى انا وعدوله بشمه بصله معفنه بينى وبنكم انا كنت مكسوف من عدوله جدا انا اللى اقنعتها انها ترجع الطماطم والخيارايه المهم رجعنا البيت وفضلنا مكتئبين لمده دقيقه وبعد كده عدلات قلتلى انا جعانه رديت عليها وقولتلها وانا كمان جعان شوفلنا حد بقه يااكلنا قلتلى تعاله نروح عند بابى
بنت ابو صفيحه بتقول بابى
قولتلها يلا واحنا ماشين قولتلها مش مفروض ندخل على اهلك بحاجه استنى هنا
علبال مااشترى حاجه هديه ليهم وبعد شويه رجعت سالتنى اللى متتسمى انت جبت ايه رديت وقولتلها جبت بدره جرب لابوكى وقاتل قمل لحماتى حببتى
ودخلنا عند عمى اللئيم اول مشفنا على الباب مرديش يفتح بس على مين انا محروس الجن خبط بعد ربع ساعه تانى وقولتله انا بتاع برنامج اكسب دهب واربح فيل
ففتحلى على طول فقولتله مفاجاه ياعمو انا جيت بصلى بصه غريبه جدا مديه على قرف وكرة وغتاته بما معناها امشى بره يا ابن ...................
بيحبنى قوى عمى طبعا ماانا ريحته من العووووووو بنته
المهم دخلت لقيت ناس قعده ولما سالت مين دول قالو ناس جين يخطبو اخت عدلات فزعلت وزعقت وقولتله ازى ياعمو متخلنيش احضر انا برده جوز بنتك
المهم قعدت اول مقعدت قولت انت بتشتغل ايه ياعم رد عليه وقلى ظابط قومت وقفت وقولتله انا برئى ياباشا مش انا والله اللى قتلتها وانا مش معايه حتى سجاير انا غلبان انا ايه جبنى هنا الحقينى ياماما
قلى مالك يااستاذ انت تعبان قولتله لاء ياباشا البنت دى ليك انت تستاهلها وانا موافق وبلاش تجيب عفش انا هجيبوة انا تحت امرك قلى ربنا يخليك شغلى مش مخلينى احتاج حاجه قولتله طبعا انت بااشارة وحده قفه المواطن بيحمر
قلى وانا فى اجازة من الجيش بصتله بقرف وقولتله هو انت ضابط جيش ولا ضابط شرطه قلى طبعا جيش قولتله استنى ياابن ............ انت بوظتلى اعصابى
واكملكم بكرة بقه انا سامع صوت الباب بينفتح اظاهر انها عدلات جت
عدوله انتى كنتى فين ياحببتى قلقتينى عليكى
بصتلى بفرحه وقلتلى انا فرحانه جد انا هبقه ام قولتلها مبروك ياروحى
مين بقه الام قلتلى ركز شويه انت هتبقه اب قولتلها يابنتى براحه انا اسمى محروس مش اب
قلتلى يالهوى منك انا حامل ووقعت من الصدمه واغمى عليه
انا سعيد جدا جدا اخيرا هلاقى ولد اهزقه والعب معاه
خلاص هبقه اب
وعدلات هتبقه ام
ياه اجمل احساس فى الكون انك تعشق بجنون وده حالى معاك
ايه ده دى غلطه ياجماعه انا قصدى اقول اجمل احساس فى الكون احساس الابوه
المهم اكملكم حكيتى مع الظابط اللى سببلى الرعب منه لله
احنا وقفنا لحد اما قولتله هو انت ضابط جيش ولا ضابط شرطه قلى طبعا جيش قولتله استنى ياابن ............ انت بوظتلى اعصابى
وشدنى حمايه من تحته كنت هقطعه بس خدنى على خوانه
مش عارف ليه حمايه سعتها شدنى من قفايه وشد عدوله من شعرها ورمانه بره
اظاهر بيحبنى جدا حمايه ده طيوب انا عرفه كويس انا حتى اول مجيت طلبت عدوله للجواز قلى ياابنى احنا بنشترى راجل مش عاوز منك اى شئ المهم خلصنى من عدلات
راجل كده المهم نزلت انا وعدلات واحنا جعنين قوى
وبعدين خطرت على بالى خطه جهنميه قولت لعدلات ياعدلات تعالى انا هاكلك فى مطعم 5 نجوم وفعلا دخلتها المطعم وطلبنا اكل كتير جدا وفضلنا ناكل لحد اما كنا هننفجر وبعد مااكلنا سالتنى عدوله انت مخبى فلوس من ورايه ماشى ياابن............
بتحبنى قولتلها والله ياعدوله ممعايه ولا مليم بصتلى بغباء وقلتلى اما فلوس الاكل دى جبتها منين بصتلها بغباء اكتر وقولتلها مين بس اللى قلك ان معايه فلوس اصلا فااغمى عليها وفوقتها بحتته لحمه كانت فى الطبق اللى قدمها
قلتلى امال هتدفع تمن الاكل ده ازى منك لله هننضرب قولتلها بس اسكتى انا شوفت فيلم امبارح عند سمير اخو حسين ابن عم حموده صاحب توفيق صحبى وهعمل زى البطل معمل قلتلى هو عمل ايه قولتلها

جاب صرصار وحطه فى الاكل ولما جه الجرسون يطلب الحساب زعقله وقله هتلى المدير ايه القرف ده ازى الاكل يجى كده بصرصار
وفضلت ادور فى المطعم على صرصار او حتى نمله ملقتش المحل كان انضف من الصينى بعد غسيله عالم فافى
المهم كنت هتجنن وكل شويه الجرسون يجى باالحساب وانا اقوله هتلى قهوة هتلى حلو لما بطنى كانت هتفرقع من كتر الاكل
واخيرا جالى الجرسون المعفن وصمم انه لازم يحسبنى علشان هيسلم الورديه
المهم نفخت نفسى وشديت حيلى وقولتله ممكن كاسيت وشريط الحلم العربى استغرب جدا بس جبهملى وبعد مجبهم قولتله اندهلى المدير انا معيش فلوس احاسب ولما جه المدير شدنى من قفايه حته شده وكان لسه هيلبنى على قفايه بس قبل ميعملها شغلت الشريط وطلع صوت الاغنيه بيقول
(ماتت قلوب الناس ماتت بلا نغو يمكن نسينا فى يوم ان العرب اخوة )
وفضلت امسح دموع المدير
ووصلنى لحد عربيته ووصلنى لحد البيت انا وعدلات وعدى اليوم من غير ضرب
الحمد لله
ايه بتسالونى اما انا متكسر كده ليه اه
اصل بعد مروحنا المدير عدلات قامت باالواجب وروقتنى منها لله
يلا تصبحو على خير وياريت دعوة من كل شاب لاخوهم فى الجهاد محروس بطول الصبر على الازمه اللى هو فيها عدلات كلها ازمات
سلام ياعسل



يارب يعجبكم
م
ن
ق
و
ل

جمممممممده مووووووووووووووووووووت
تسلم الايادى يا باشا مجهود جد رائع

تسلمى ياحنان

نورتى لمرورك