دعونا نتناقش؟؟؟؟؟ حوار هام جدا

الموضوع اللى هكلمكم فيه النهارده موضوع مهم اوى بس مش عارفه ليه المجتمع مش بيهتم بيه

ليه؟بس بالعكس هو مهم اوى ولازم نشوف حل لانه بيسبب مشاكل كتير اوى بين الزوجين ومن المحتمل انه يؤدى للطلاق والتفكك الاسرى.

الموضوع اللى هتكلم فيه هو هل تقبل ان زوجتك تعمل بعد الزواج؟؟؟؟؟؟؟؟؟؟

كتير مننا قبل الزواج يوافقو على ان زوجاتهم تعمل وبعد الزواج يقولها مفيش شغل بيتك واولادك اهم

وتحصل مشاكل.

طب انتو رايكو ايه ان زوجتك تعمل ولا لا؟؟؟؟؟

انا عن نفسى شايفه ان الزوجه لازم تشتغل على الاقل تساعد فى البيت لان الازواج بييجو فى الاخر ويقولو انتو قعدين فى البيت بس ومش حاسيين بحاجه احنا اللى بنتعب وبنصرف على البيت

بعضهم طبعا ياجماعه بيقول كده مش كلهم يعنى.

ياريت اعرف ردكم على الموضوع.

وياترى المجتمع بينظر للموضوع ده ازاى..............................؟؟؟

انا بصراحة مش عهاارف اقول ايه
بس الافضل انهاا تقعد فى البيت وخاصة لو كاان الدخل بتاعى كويس ويكفى فملوش لازمه شغلهااا
وتربى الجيل افضل
وكماان كل بيئة وظروفهااا بقى
وكمااان سيبواا الشغل للرجالة ...
علشاان المكان اللى هتاخدة الزوجة فى الشغل ممكن ياخده واحد شاب بدلهاا واهو يقدر يتزوج
ويعمل اسرة ......صح ولا ايه
ولا البنت لو اشتغلت وبقى معاااها فلوس هتروح تخطب الولد
..................ولا ايه رايكم

واللهى يا هدير انا ليا راى فى الموضوع دة

الموضوع دة فعلا مهم جدا جدا

انا عايزة اقول ان البنت لازم تتعلم من البداية ودة اكيد

اما بالنسبة للشغل فانا بقول

ان البنت موش لازم تشتغل لو ان زوجها يقدر يصرف عليها

وميخلييهاش محتاجة لاى حاجة

لان متهيالى ان اى راجل بحقيقى

ميرداش ان مراتة تتبهدل فى شغل

اما لو كانت حالتهم الاقتصادية تستدعى انها تشتغل

فمتهيالى انها لازم تشتغل لان دة حق زوجها عليها انها تساعدة

اما لو هو رافض انها تشتغل وهو يقدر

يوفر حياة كريمة لاولادة

يبقى مفيش داعى انها تشتغل

متهيالى انها تربى اولادها ويس وترعاهم

وتساعد زوجها دة فى تحقيق طموحة

واحلامة دى برضة رسالة

ومفيش مانع انها تشارك زوجها فى شغلة

الخاص بعد ما تساعدة اصلا بتحقيق احلامهم

بس انا من رايى ان البيبى فى وقت لازم مامتة

تكون جنبة ومينفعش انها تشتغل باى حال من الاحوال

وكمان احب اضيف ان الولاد اللى بتكون امهاتهم

بيشتغلوا بجد بيعانوا كتير فى مرحلة معينة من العمر

فانا من رايى لو ان الظروف الاقتصادية كويسة

حتى لو خريجة جامعة مفيش داعى لشغلها

وممكن تحقق طموحها من خلال زوجها انها

تساعدة وتقف معاة علشان يحققوا احلامهم

ومفيش مانع انهم يتشاركوا حلم واحد ويحاولوا يحققوا مع بعض

ولو هو عايزها تشتغل علشان يساعدوا بعض متهبيالى

لازم تشتغل علشان تساعدة اما لو هو عايزها

تساعدة بافكار وهو هيوفر راس المال فبرضة لازم تساعدة

يمكن البنات كلها هتموتنى بس دة رايى الشخصى

اسفة على الاطالة بس فعلا الموضوع مهم ومحتاج للمناقشة

ياجماعه مرسي لردودكوا
بس انا راى
انا في ستات كتير حياتها في شغلها دون الحاجه للمال
وثانا في حاجات لازم تشتغل فيها المراه زى مثلا دكتوره نسا
وغيره

بصى يا سندريلا
انا من رايى ان شغل الفمراة مش ممنوع
بس مش لازم
بيكون على حسب الموقف والحالة
لان مش كل الستات زى بعض
فى ستات تقدر تشتغل من غير ما تاثر فى بيتها
وفى مش بيعرفوا يعدلو بين الاتنين
والمشاكل الزوجية والطلاق ال بسبب شغل المراة
بتكون للمرأة ال معرفتش تعدل بين شغلها وبيتها
وجت على حساب بيتها عشان شغلها
فانا من رايى ان الست اوك تشتغل لكن لو لقت انها هتأثر فى بيتها
فلازم تستغنى عن شغلها لو هى مش محتاجة فلوسه اوى
واشكرك كتيررررررررررررررر يا سندريلا
توبيك مميز
وحوار ممتاز
تقبلى مرورى
تحيتى
kiss

انا بقيد عمل المرأه

ولازم تكون هى على رحتها

عايزه تشتغل وفى امكانتها العمل

تشتغل وليس غصبا

تقبلى مرورى ياسندريلا
عمرو حسان

لوليتا
عمرو
مرسي لمروركوا نورتونى

سندريلا

موضوع مميز و مهم جداااا

و يمكن انا مش معارض على عمل المرأه

لانه فى النهايه حق لها فى اثبات نفسها فى المجتمع

ولكن فى الحقيقه ان المرأه اساسا لها عمل و قد خصها بها الله سبحانه و تعالى

فالمرأه هى التى تنمى و تربى النشأ من الاطفال و هى المسؤله عن اخراج جيل واعى

و كما قيل ( المرأه كالمدرسه ان اعدتها اعدت شعبا طيب الاعراق) واذا كان عمل المرأه

مش هيأثر على عملها الاساسى كربه منزل فلا مانع من عملها اما لو هيأثر اكيد بلاش منه

احسن .

مرسى كتير لطرحك هذا الموضوع الهام

تقبلى خالص تحياتى

كريم
مرسي لمرورك وردك
ولديمقراطيتك الملحوظه

شكرا تقبل تحياتى

متهيألى مفيش اى مانع من عمل المراة

عشان تثبت نفسها فى المجتمع

ولكن ماتأثرش فى حقوق زوجها عليها وحقوق ابنائها عليها

تقبلي مروري ياسندريلا