ألحلقة "10 "

احمد
منورنا
وانا اقول الورطة منورة ليه
دا نورك .. والورطة منورة باصحابها والناس اللى بتسال فيها
وانا اتشرف انى اكون اول واحدة اسالك

الشرف ليه انا .. متقوليش كدا .. إحنا نطول لوليتا تسالنا
1_مفهوم الطيبة في رأيك؟
الطيبة فى نظرى .. إنسان بيعرف بسامح ويصالح مبيجرحش حد بقصد
مش معادى .. مش بيشيل من حد وقلبه نقى .. إلخ
2-نظرتك للطيبين من حولك؟
الطيبين لو حسب اللى انا عرفتهم .. باحترمهم جدا وهما كمان بيفرضوا عليا الاحترام دا
لكن مااكذبش عليكى .. احيانا بيصعبوا عليا خاصة لما بيقابلوا ناس مينفعش يتسكتلها او تتاسمح اصلا!!
3_اذا كان صديقك في ضائقة وطلب مساعدتك وانت لا تستطيع مساعدته ماذا تفعل.؟
اعتقد ان ابسط حاجة هانصحه ودى اكيد هاقدر وكمان هادعيله ولو قدرت هادله ع اللى يقدر يساعده
4_كيف توثر فيك لحظة الوداع لحبيبك او صديقك؟
كانت بتجرحنى اوى لانى كنت عاطفى زيادة عن اللزوم ،، باتاثر باقل حاجة عشان كده
كانت بتبقى بالنسبة لى عقبة بتقابلى وبتستغرق وقت من تفكيرى وتزود من همومى
لكن دلوقتى خلاص .. دربت نفسى انى بقيت ع استعداد وداع وفراق اعز الحبايب بحيث ان لو قابلتنى صدمة هاقدر
اواجه واقف واكمل
5_لو كنت مخنوق او مضايق تحب تروح فين ؟
والله كذا حاجة ..بمعنى انى معودتش نفسى حاجة معينة ..
يعنى احيانا بقعد مع نفسى ومش عايز اشوف حد .. واحيانا ابقى محتاج افضفض مع اى حد
واحيانا بحس بالتوهان .. وكمان لما ابقى زعلان اوى بانام عشان اتجنب التفكير..!!
6-لو في حد انت معجب بيه هتعمل ايه ؟
هحاول ابينله دا باى طريقة واكيد هيحس بكده
وإن محسش هاروح اقوله بشرط اكون متاكد من مشاعره ومشاعرى اصلا
7-لو في واحد انت مخنوق منه و وصلك انه بيتكلم عليك ؟
بتتوقف حسب الموقف ..
ممكن الحد دا اتجاهله حفاظا ع حاجات تانية !!
وممكن اروح اواجهه خاصة لو انا باتلككله
8_بتحب النكت؟
اكيد بحب النكت
بس مش بحب التنكيت ع الصعيد
9_لو شوفت شخص حزين هتعمل ايه؟
هحاول انى اعرف سبب حزنه واخليه يفضفض
وبعدها احاول اخفف من عليه واسعده ولو فشلت كل حاجة
هاتجنبه عشان ماازودش همومه ..
10_ وصلت للجزء الكام فى المصحف؟
بلاش احراج .. واحتفظ لنفسى بالاجابة
وكفاية اوى لكدة
بما ان دى الحلقة عشرة
يبقا عشرة اسئلة فى كل رد لية
ماشى بس ترسى ع عشرة .. وربنا يستر
والف مبروك على الورطة للمرة التانية
ربنا يبارك فيكى .. وعقبالك
ويارب ما اكون تقلت عليك
لا اطلاقا .. ونورتينى
تحيتى

˙۩˙·٠•●•٠·˙RAMADAN KAREEM ˙·٠•●•٠·˙۩
الله اكرم
سكيتر

الف الف الف مليون الف وخمسين مبروك للورطة
الله يبارك فيكى .. وعقبالك يارب
بجد بجد فرحتلك اوى بجد
لا مش اوى كده .. ما هو يوم ليكى وعشرة عليكى
واكيد الورطة ليها احساس تانى فى الصيام
طبعا طبعا
وبما ان انا اول واحد ترشحك يبقى اكيد هسالك
اها اكيد .. واكيد برضه هيجى عليكى دور
بس ياريت اجابة واضحة ودقيقة
من عينيه
1-باقة ورد لمن تهديها؟
لــ كابو
2-باقة شوك لمن تهديها؟
لــ حد صاحبنى كل يوم باعرفه اكتر وعايش دور اللى بيستهبل
3-موقف واغنيه ليهم ذكرى فى حياتك؟
امممم موقف مكنتش حابب احكية لكن عادى مفيش مانع
.. واحدة قالتلى بحبك وانا بالنسبة لى عادى نى .. ومش عارف
جابت منين الجراة دى .. بس المضحك انها شغلتى اغنية لو تعرف حبيبى
وقالت انها بتعشق الاغنية و جوانا ملاح اللى بتغنيها
رغم انى لاحظت انها فاكرة جوانا راجل مش بنت ومكنتش حافظة الاغنية ولا حاجة
4-تقول لمين مقدرش اسمحك؟
مش لحد لانى ببساطة مسامح اى حد غلط فى حقى
5-تقول لمين مقدرش ازعل منك؟
محدش ..
6-تقول لمين انت عملت معايا كتير وجميلك على راسى مقدرش انساه؟
حد صحبى .. خدمنى كتيير وكان بمثابة الاخ الكبير والناصح الامين بس حاله اتقلب
ربنا يصلح حاله يارب
7-تقول لمين مش هفتكرك ومش هبكى عليك؟
كل تجربة عدت وصاحبها او صاحبتها افتكرنى انى لسه باقى عليه او هابكى واتمنى الرجوع
8-تقول لمين حبيتك قوى؟
والديه طبعا
9-تقول لمين مش عايزك ابعد عنى وبطل رخامة؟
هوه هوه صاحبنى اللى بعتله باقة شوك
10-تقول لمين محتاجك خليك جمبى؟
اصحابى اللى بجد وحقيقى خايفين عليا ويتمنولى الخير واى حد بيقربنى للخير
11-تقول لمين اللى راح راح الكلام مبقاش يفيد؟
مش لحد
12-تقول لمين اسف متزعلش انا غلط؟
لحد .. دايما يزعل منى وعصبى وحساس
وكلمة آسف بقيت بالنسبة له لا تمثل شئ
13-انت راضى عن علاقتك بربنا اولا وعن نفسك ثانيا؟
مش راضى عن علاقتى بـ ربنا
وبالتالى مش راضى عن نفسى
14-نفسك فى اية او امنيتك اية؟
خلينى اقولك نفس الاجابة ع عاشق الاهلى لما سالنى عن المستقبل القريب والبعيد
15-شايف المنتدى ناقص اية ونفسك يكون موجود اللى هيخليك تعمل تجديدات على حد قولك ى ببساطة ترقبوا؟
اها .. اتزنقت ..اقولك يا بسمة وكمان الكل يعرف
ببساطة إننا هنطور نفسنا بامكانيات احسن وتقنيات افضل وانتشار اوسع واعم
ومننساش ااننا فى منتدى مجانى مفهوش كل حاجة .. وهنتخلص من دى
عشان كده هجاوبك ع الجزء الاول واقولك ناقصه كتير وان شاء الله بعد التغيير مش هيكون ناقصه غير جهودكم
16-مودك دلوقتى وانت بتجاوب اية؟
عادى .. الحمد لله
17-حقت كام فى المية من احلامك؟
10% وباقرب من 30 % وفاضل 60%
18-اكتر اكلة ومشروب ولون وفليم بتحبهم؟
اكلة .. مفيش حاجة معينة
مشروب .. مدمن شاى ماعدا فى رمضان بس متخافش مهواش حرام
لون .. الالوان الغامقة
فيلم .. الوسادة الخالية
19-هوايتك اية؟
كمبيوتر (كتابة،تصميم، نت )
القراءة كتب (احسان عبد القدوس،توفيق الحكيم، تنمية بشرية إبراهيم الفقى وغيره)
20-انقد دول(يعنى مميزات وعيوب)؟
اوك بس هاتكلم بشكل عام بمعنى عيوب ع مميزات وانتوا بقى تفرقوا
سكيتر
هاسيبلكم انتوا تستنبطوا النقد
لوليتا
عصبية ودى لمستها اوى فى التوبيك الاخير (المخفى من الاعضاء) متشائمة الى حد ما ليها دور لا يمكن اغفاله فى المنتدى ، مخلصة امينة فى النصح .. ذكية كمان عنيدة اوى واعتقد انها برضه غيورة عندها إرادة كويسة اوى

نانو
من الشخصيات الرائعة اللى انا باعزها وباكن ليها كل احترام وتقدير
ليها مبادئ معينة متمسكة بيها ومش بتفرط فيها .. بتغيب كتيير عن المنتدى
بتتجنب بعض التوبيكات ومعرفش ليه .. رغم بصماتها الجميلة
سماح
مش عارف بس هاقولك .. مينفعش اتكلم عن سماح لانها حد جميل اوى ومهذب اوى
اعتقد انها حظها مش كويس فى الحياة عموما .. مثقفة جدا ونفسى تبقى متواجدة بمشاركاتها بشكل احسن من كده

كريم
مكافح وجميل وصبور وبيقدر اللى قدامه كويس .. اعتقد انه عاطفى زيادة عن اللزوم وبالتالى
من السهل التاثير عليه ليه رايه الجميل اللى بانتظره فى توبيكات كتيير
مونى
مش عايز اقول غامضة ابقى ظلمتها بس حد طيب اوى بينقصه خبره بالحياة
واتمنى تواجد اكتر ليها فى المنتدى
لؤلؤة
رومانسية زيادة عن اللزوم ومتحررة بعض الشئ ومن الناس المحفزة فى المنتدى
واللى انا متاكد انها بتعشق انتيمك ..ربنا يوفقها فى دراستها وحياتها
مجنونة
مرحة وذكية ومتحررة ومن الناس اللى مقدرش انكر مجهودها فى المنتدى
واضافت بهجة كتير للاعضاء واعتقد انها حساسة شويتين
سها
محتاجة خبرة فى الحياة محتاجين تواجدها فى المنتدى
واعتقد انها متفوقة دراسيا ودى احلى حاجة فيها
عبده علوان
بيتاثر اوى باللى حواليه .. ليه توبيكات وافكار جميلة
هوائى بعض الشئ .. محتاج ثقافة وخبرة شويتين
مصطفى
عنده ثقة فى النفس زيادة شوية ،، عاطفى ،، بيفكر كويس اوى وبيعرف نتيجة تفكيره
بس مش بيراجع حساباته عشان كده ممكن يتوهم بسرعة مؤثر جدا فى المنتدى وبتعجبنى كتير من ارائه
واخيرا انا
من الشخصيات اللى بتعجبنى ردودها وتوبيكاتها .. عقلها ع طول حاضر .. اعتقد ان لديها ذاكرة كويسة
احيانا بتفضل الانعزال .. حسااسة شويتين ويمكن تكون مترددة ورومانسية ذكية .. فى المرحلة الجاية هيكون ليها دور قوى فى المنتدى
21-موقف حصل فى حياتك ومش عايز تفتكرة لانه بيضايقك قوى؟
مش فاكره اصلا ..
22-طبعا انت لسة مش مولود النهاردة فحياتك اللى فاتت دى تتمنى ترجع بمعنى بتقول للزمان ارجع يا زمان؟
آه .. بس كل مدى باتحسن يعنى مش هحتاج لايام زمان الا فى جزء بسيط لما كنت فى المدينة الجامعية
23-هل المنتدى اثر فيك او فى شخصيتك؟
اكيد طبعا .. ومفترض انه اثر فى كل واحد فينا
24-اقرب شخص ليك من المنتدى؟
اشرقت
25-شخص تخاف تقرب منه من المنتدى برضو؟
عمرو حسان ومجنونة وسندريلا
26-اقرب صديق ليك جوه وبرة المنتدى؟
كابو
27-اية اللى يخليك تكره او تندم على المنتدى؟(بعد الشر طبعا)
لما الاقى هدفه اتقلب وبعد عنه ومبقاش يهم حد نجاحه
28-اكتر موضوع شد انتباهك فى المنتدى؟
توبيكات كتير جميلة ،، من الظلم انى اقول ع واحد فيهم ومش اقول الباقى
29-اكتر موضوع استفذك فى المنتدى؟
الالعاب معظمها بتستفزنى وبعض المقالب السخيفة
30-اية اكتر عيب حاسس انه فيك والناس بتنتقدك علية؟
بقيت عصبى ومش اى حد باستحمل كلمة وبعد التغيرات
31-احلى يوم مر عليك فى حياتك؟
كل يوم بحقق فيه نجاح بيكون احلى يوم فى حياتى
32-اوحش يوم فى حياتك؟
خلافاتى عموما بتخلى اليوم وحش
33-حد عرفتة وبتندم لحد دلوقتى لمعرفتك بية؟
مش فاكر
مين فى المنتدى:

1-عضو مميز؟
ندا ،بسمة
2-عضو رومنسى؟
بسمة & لوليتا & لؤلؤة
3-عضو رخم؟
رخامة لذيذة .. طمطم & مجنونة
4-عضو عاقل؟
سماح
5-عضو يعجبك تفكيرة؟
كريم
6-عضو مواضيعة مميزة؟
كتيير
7-عضو فية شبة منك؟
مش عارف بصراحة او مش متاكد
8-عضو مثقف؟
نانو ، عاشق الاهلى
34-الكلمات دى معناها اية بالنسبة ليك(الصداقة - الحب - الخيانة - الخوف - الرومنسية - التضحية)؟
هاؤجل الاجابة فى دول بس فى نفس الحلقة برضه هيتجاوبوا
35-مين اكتر حد عذبك فى حياتك؟
تفكيرى
36-مين اكتر حد كان على ايده راحتك؟
تفكيرى
37-حلم نفسك تحققة عن طريق المنتدى؟
احقق الانتشار والاهداف الواقعية الملموسة
38-اية هو اكتر درس الحياه علمتهولك؟
دروس مش درس اكترهم ..اللى يعيش ياما بشوف
ولا يعرف الذوق الا من ارتقى
39-امتى تبعد عن شخص قريب منك اوى؟
لما احس فى خطر فى القرب منه سواء الخطر دا عليه هوه او عليه انا
40- هل فى الحب كرامة عندك؟
اكيد طبعا .. واى حاجة فيها تنازلات تبقى ملهاش قيمة ومش بتدوم
41-امتى تحب بجد؟
لما الاقى حد استريحله وينفع اعيش معاه وآمننله ع حياتى كلها واحس بالامان معاه حد يقدر يحتوينى ويتقبلنى زى مانا
42-امتى بتكره بجد؟
لما اشوف حد دمر حياة حد حتى لو مكانتش حياتى

ومش عارفة لينا لقاء تانى ولالا ربنا يسهل وبجد منور الحلقة
الحلقة منورة باسئلتك الجميلة .. واللقاءات دوما لا تنقطع
ويارب دايما تنورنا فى الحلقات كده على طول
يا سلام .. طبعا انتى عليكى ايه غير هتسالى بس
اتمنى ان تكون اسئلتى سهلة ومش كتير
هيه مش صعبة ومش قليلن
وياريت مكنش غلسة وكرهتنى بعد كل الاسئلة دى
ههههههههههههه لا طبعا .. ونورتينى .. ودمتى بكل ود وتقدير
مستنة الاجابة

وكل سنة وانت طيب ورمضان كريم عليك
وانتى بالصحة والسلامة والله اكرم

سكيتر مرسى كتير لردك على اسئلتى
ولسة فيه عشرة تانين
وعشرة غيرهم ان شاء الله
بس هكتبهوملك باليل
ان شاء الله
عشان يكونوا على رواقة
ده انت غالى يا غاااالى
هههههههههههههه
(ضحكة شريرة)

انا جيت
نورتى البيت
ب20 سؤال
نبدا يلا

1-حبيبك بعيد عنك جدا جدا ماذا تفعل لرؤيتة ؟؟؟
هحاول اوصله باى طريقة او افتكرله كل موقف حلو وانا معاه واحاول احلم بيه
2_حبيبك لا يفكر بك أبدا ماذا تفعل ( أي حب من طرف واحد ) ؟؟؟
طالما وصلتلى انه مش بيحبنى هاتجنبه وانساه ومش هيكون حبيبى
3_حبيبك يغار عليك كثيرا كيف تتعامل مع هكذا موقف ؟؟؟
انا مقتنع بمبدا .. الغيرة دليل الحب .. وهحاول معملش حاجة تضايقه او تثير غيرته
4_حبيبك تركك لسبب غير مهم ( أي تافه ) ماذا يكون موقفك ؟؟؟
اكيد تافه عشان سابنى بسبب تافه وبرضه مش حبيبى
5-الحب في حياتي هو ؟؟؟
مهم ولكن فى وقته وفى غير وقته تضييع للوقت واهدار لكل حاجة حلوة وتشتيت للذهن
6_اول شئ تفكر فيه لما تزعل؟
بفكر ايه السبب وبحلل الموقف كويس ..!!
7_انت منظم ولا فوضوى؟
منظم فى حاجات وفوضوى فى حاجات بس الاغلبية منظم والحمد لله
8_تعرف ايه عن المنطق؟
العقل وتمام الاقتناع بالشئ وان بديله خاطئ
9_اكتر حاجة وحشة فى شخصيتك؟
التردد وحديثا العصبية
10_اكتر حاجة جميلة فى شخصيتك؟
مش هاعرف
11_لو كنت وزير اى وزارة تناسبك؟
اعتقد التعليم لانى ع طول بانتقد الوزير وكمان اكتر وزارة بتشغلنى
12-نفسك فى عربية ماركة ايه؟
مش عايز عربيات
13_ممكن تخون يوم من الايام؟
ربنا يبعدنا عن الخيانة
14-لو معاك مبلغ معين ورايح تجيب بيه حاجة معينة ولقيت حد محتاج المبلغ ده جدا اكتر منك هتدهوله ولا هتقوله على الله؟
إن شاء الله هادهوله
15_هل انت صادق مع حبيبك ؟
اكيد هاكون صادق معاه
16_مارايك فى الرسوم الفنية السريالية ؟
معرفش عنها حاجة
17_هل انت حساس؟
اعتقد كده خاصة اليومين دول
18-ماهى درجة ذكائك؟
الحمد لله .. بس معرفش
19_بتغضب بسهولة؟
اليومين دول برضه بس مش بسهولة اوى
20-بتغضب من الاراء ال بتتناقض مع رايك؟
اطلاقا ،، بالعكس بتعجبنى لانها بتخلينى اكتشف اراء تانية ومفاهيم جديدة
انا خلصت كدة العشرين ال وعدت بيهم
هههههههههههه انا عارف وعودك من زمان
عشان متقولش باخلف وعدى طبعا طبعا

وخد الخمس اسئلة دول هدية بسيطة منى بمناسبة الورطة لتانى مرة
هههههههههه مش بحب الهدايا دى ع فكرة
21_تعتقد انك اذكى من الاخرين؟
لا طبعا الآخرين اذكى منى
22-ياترى بتحب السيطرة ومسيطر ولا لا؟
مش سيطرة .. بس بحب لما اكون فى حاجة اكون احسن واحد ولو حسيت انى مش هابقى كده
ممكن انسحب الا ان كان فى استفادة
23_الدنيا بتحبها ولا لا؟
بحبها اكيد مش الحب اللى يخلينى اتعلق بيها ..
24_ضحكتك وابتسامتك حلوين؟
الحمد لله .. بيقولوا كده
25_امممممممم بتحب رياضة ايه؟
كرة القدم بس مش بمارسها
وبكدة انا خلصت اسئلتى
انا كنت هقسمهملك عشرات
هههههههههههههه
بس لقيت ان القوانين مش بتسمحلى غير بمرتين
وانا وعدت بعشرين
وانت عارفنى كلمتى زى السيف
طبعا طبعا .. انتى هتقوللى يا الاء ..
ربنا يورينى فيكى يوم وانتى هنا فى الورطة
يارب ما اكون تقلت عليك
طبعا طبعا
وكل سنة وانت طيب
وانتى بالصحة والسلامة
تقبل اسئلتى
تحيتى
تحيتى لك

سكيتر
اهلا بيك يا صاحبي
واكيد ربنا يكون في عونك في الورطه دي
بس برضوا ده مش هيمنعني اني اسالك كام سؤال كده علي السريع
1ـ مين اكتر عضو مميز في كل
القسم الاسلامي
سماح خاصة التوبيكات اللى اشبه بموسوعة
الموضوعات العامه
ندا
الاراء والنقاش
كتيير زى لؤلؤة ، لوليتا ، بسمة
الصحه
مفيش
السياسي
مفيش
عن العشق والهوي
وما اكثرهم سندريلا ومجنونة ولؤلؤة ولوليتا .. إلخ
الشعر والنثر
بسمة
واخير ضيف في ورطه
دا قسم حوارى بين اسئلة الاعضاء مينفعش يبقى فيه عضو مميز
2ـ اوصف كل حاجه بكلمه واحد بس
السياسه
جدال
الحب
إحساس
الزمن
برئ
حال البلد
زفت
الشباب
متقلب
واخير ...انت
إنسان
3 ـبمناسبه انت طالب في كليه التربيه..... لو اطلب منك اتخاذ قرار لصالح المدرسين ايه هو قرارك؟
انتا قلت قرار واحد .. يبقى التوظيف
4ـ ايه اكتر حكمه بتفضلها في حياتك ؟
مفيش حاجة معينة ماشية معايا
5ـ مين اكتر عضو بتعمله حساب ؟وليه؟
محدش ،، كل بالنسبة لى زى بعضه
6ـ طبعا عنك عدد من الناس فس الايميل ...كام واحد انت عامله اوف لاين(بولك) ؟
كتيير
7ـ كنت قولت قبل كده انك بتكتب قصص قصيره ليه مش بتنزلها في المنتدي ؟
لانها بتحتاج وقت وتفكير وهدوء واتا مش باملك حاجة من دول
8ـ اخر مره بكيت فيها بجد ؟ واخر مره ضحكت فيها بجد؟
مش فاكر
9ـ ايه اكتر بيت شعر اثر فيك ؟
مفيش حاجة معينة
10ـ ايه هي الخطوط الحمره اللي في حياتك متسمح لحد انه يقرب منها ؟
حياتى الخاصة اللى مش باقحم فيه حد وخلافاتى مع الناس اللى بحبهم
11ـ ايه اكتر حاجه بتخاف منها بعد ربنا طبعا ؟
الموت الفجاة
12ـ اختار 5 اعضاء واسئلهم 5 اسئله ؟
انا متورط عشان اتسأل مش اسال
13ـ اخر مره جاتلك هديه كانت من مين ؟ وايه هي ؟
واحدة كنت اعرفها وكانت ساعة حائظ ع شكل قلب
14ـ ايه اكتر سؤال كنت خايف انك تتسئله ؟ومن مين ؟
وصلت للجزء الكام للمصحف واتسال فعلا لكن مكنتش هتفرق بالنسبة لى مين هيسئله
15ـ ايه السؤال اللي كانت نفسك تتسئله ؟
nothing
وكفايه عليك كده يا صاحبي
عارف اني طولت عليك
واكيد لولا الصيام كنت زعلت مني
ههههههههههه لا متقلقش كله بيعدى

استغفر الله العظيم .. جاية اكتب الاسئلة لقيت الناس كلهم سألوا اللى كنت هسأله امممممم ماشى
هسأل اللى جايين على بالى دلوقتى عشان كمان الدنيا صيام وشوف هتجاوب على كام واحد فوق !!
معلش يا ندا .. وانتى شايفه ومقدره برضه الوضع اللى انا فيه
1- شايفة ان ارائك فى ناس فى المنتدى بقت اعمق من قبل كدة .. هل تقدر تعرف شخص كويس من عالنت ؟؟
لا ، صعبة شوية ، لانى كمان مش منجم والانسان من خلال النت مش بيظهر كله سواء كانت عيوبه او مميزاته اما بالنسبه لارائى قد تكون بقيت اعمق مع الخبرة والوقت والؤية الكلية للاشخاص
2- ايه رأيك فى الصداقة بين الولد والبنت ؟؟ معارض ام مؤيد مع ذكر السبب
انا فاكر كويس تقريبا يا ندا انك سالتينى السؤال دا فى الورطة اللى فاتت برضه ..
رايى ببساطة بيكمن فى مفهوم العلاقة نفسها ومدى الاحترام المتبادل اللى مفترض يكون موجود فيها
كمان لازم تكون واقعية بمعنى ان ليها حدود مش منطلقة زى الصداقة من نفس الجنس
عشان كده اندهشت لما سمعت من واحدة قبل كده بتقولى صداقة الاولاد احسن من البنات !!
واكيد مدى نجاح الصداقة دى او الحكم عليها هما الاشخاص القائمين عليه ومدى حرصهم ع نجاحها
3- لو انت موافق على السؤال اللى فوق طيب مش دى تعتبر جرأة من البنت انه يبقى فيه علاقة كدة ( طبعا فى حدود الادب اكيييييييييد) ؟؟
مممممممممم .. هوه يا ندا حسب اللى بيفرض نفسه ، بمعنى مش منتظر فى يوم من الايام تيجى البنت تتعرف ع الولد
وتطلب انهم يبقوا اصحاب واكيد فعلا فيها جراة
4- موقف محرج حصلك فى الكلية ؟؟
كتيير ، لان الكلية كلها عبارة عن مواقف مريت بيها
5- اجندة (مذكرات ) .. قلم.. اول صفحة .. هتكتب ايه ؟؟
هتكون وصف وشكوى وانين لكل حاجة حاسس بيها فى حياتى
6- لو حاجة نفسك تقولها لشخص ايه اللى يقدر يمنعك انك تقولها ؟؟
شكلى ومدى الاحراج اللى ممكن تسببه ليه او ليه هوه
7- متابع مسلسلات رمضان ؟؟ لو اه طيب نسبة البرامج اكتر ولا المسلسلات بتحضرها ؟
مش اوى لان والله الاجازة دى مطحون فيها جامد ولما بشوف حاجة معينة مسلسل او برنامج بشوفه صدفه
وفى بعض الحاجات باقصد انى احملها من ع النت زى البرامج الحوارية مع بعض الضيوف كـ فيش وتشبيه ولماذا .. إلخ واكيد البرامج بتكون اسهل فى المتابعة لانها مش بترطنى انى لازم اشوفها كل يوم
8- من خلال تعرفك على ناس فى النت هل فادوك فى حاجة ( ناس تعرفهم عالنت بس عشان غالبا بتبقى الناس دى منافقة !!)
لو افترضنا انهم منافقين زى ما قلتى فاكيد برضه بلا شك انهم فادونى فى الكلام واسلوب التعامل والتفكير والمواجهة!!
اممممممم بس كدة دول جزء من اللى فى بالى والجزء الاخر قالوه فوق لو لقيت تانى هاجى طبعا !
تشرفى يا ندا وتنورى
يلا الدنيا صيام طيبة انا صح ( ايه التواضع ده ؟!!)طبعا طبعا

ahm ahm bismilah irahman irahim
bitzakro min waraha machi
kol sana winta tayib ya skitar wikol il2a3da2 tab3an
وانتى بالصحة والسلامة يا سارة
inchala tikoun mabsout wi tamam
ربنا يخليكى وانتى كمان ربنا يسعدك ويوفقك
ana kal3ada jaya mit2akhara
ههههههههه ولا يهمك .. والمهم انك جيتى
ana haba as2alak chwayit as2ila zarifa
اتفضلى ،، بكل سرور
1.ih ra2yak fi baladak ili howa masr tab3an
مصر ، اعتقد انها خطت خطوة كبيرة والحريات زادت فيها الى حد ما
بس طبعا تحت مبدا : قول اللى انتا عايزه ومن حقى اعمل معاك اللى انا عايزه
كمان عندنا قانون الطوارئ (الارهاب مستقبلا) معكنن ومبوظ جو الديمقراطية
بس بكل الظروف وتحت الاحوال السيئة ، اعتقد ان الافضل قادم
2.inta radi 3alhokouma
لا ، هيه آه اتعس حكومة حيث ان فى عصرها
عبارة السلام ، انفلونزا الخنازير، انفلونزا الطيور ،حادث الدويقة ، غزة ، مشكلة المياة ، ,, إلخ
بس دا عمره ما يبرر تقصير الكثير منهم
3.tihib tikoun mas2oul siyassi
لا محبش .. لانها مسئولية جامدة والرسول صلى الله عليه وسلم فيما معناه قال اننا منسالش الولاية (المنصب باى حال من الاحوال)
4.ih howa tomouhak binisba lidirassa
الدراسة فى الكلية ،، مليش طموح /،، اخلص واشوف بقى عمل حر ، مشروع .. إلخ
5 . ih howa tmouhak binisba lilmontada
سبق الاجابة يا سارة
6.wi ih ilhadaf iha2i2i min ta2ssissak lilmontada
سبق الاجابة مع اضافة ،، انى عايز تبقى موجود رابطة كبيرة وجروبات عمل
7.inta min tab3ak ilkossouf aw ilgor2a aw il2intiwa2
اممممممم ، مزيج بين الجراة والكسوف
8.hayatak 3ibara 3an rotin aw kol chiwaya bitghayar
لا ، اعتقد انى بدات اخلص من الروتين بالتدريج
9.inta hassis inak ahad yo3tamad 3alih aw mich ad ilmas2oliya
لا اعتقد -الحمد لله- ان حد ممكن يعتمد عليه
10.imta ahmad hamdi hayfakar yitgawiz
هههههههههههه لما اقدر الم نفسى وامورى بمعنى لما يكون لى دخل ثابت ومكان مناسب وبال مستريح
واحس انى فعلا قادر انى اتحمل بيت واكون مسئول عنه
11.ih sifat ilbint ilmitaliya 3and ahmad
ع فكرة المثالية حاجة واللى انا مثلا عايزها حاجة
بمعنى ان اللى عايزها مثالية بالنسبة لى لكن ممكن بالنسبة حد تانى مش مثالية
بالنسبة للشكل اللى بيكون
دايما نقطة خلاف - انا مش عايزها ملكة جمال عايزها عادية بمعنى شكلها مقبول
.. مهم اوى قصة التفاهم بينا .. تسمع كلامى - خاصة فى اختبارات كتير بمعنى

انها لو بشعرها او بـ حجاب الموضة وطلبت منها تلبس نقاب .. توافقنى
الراى ومن حقها طبعا تناقشنى .. ده كــ مثال طبعا - كمان مش بحب المراة
تشتغل يعنى بافضل ربة بيت -تعرف حقوقها كويس وواجباتها - هادية الطباع
وذكية - يعنى دى حاجات مهمة والبقية تاتى .
12.yihimak filbint ili hatitgawizha ilgamal awal chi2 aw fi asasiyat aham min ilgamal
سبق إجابته فى 11.
13.izay ahmad hamdi hay3amil awlado incha2alah aw hatrabihom 3ala asass ih
هحاول بقدر الامكان اعلمهم حب الناس والعمل والسعى والشجاعة
هاعملهم .. إزاى يواجهوا اللى قدامهم هاعلمهم انت حر مالم تضر
14/.akhir so2al
hal inta za3lan mini 3achan mich badkhol ilmontada
wi ih ra2yak filghiyab itawil da
بصى يا سارة ، انا طبعا اتمنى وجودك دوما وانك تنورينا برايك الجميل وتوبيكاتك الاجمل
بس انا عارف ان دا لو بايديك مش هتتاخرى او تبخلى ع المنتدى
فـ دى مخليلانى مقدر ظروفك وعارف انه مش بمزاجك


khalass kida winchala law nirga3lak tani law tismah
hhhhhhhhhhhh
انا مبسوط اوى بتواجدك وباسئلتك وكفاية انها كانت اسئلة مختلفة
wi ramadan karim ya ahmad
الله اكرم .. وكل سنة وانتى طيبة وكل اهل المغرب بخير