الله الحى القيوم

ليه بنكلم عن الله ؟؟ ... وفي قلب كل واحد مننا عطش لا يرويه مال ولا منصب ولا شهوة ولا أي شئ ... لا يرويه إلا معرفة الله .

معرفة الله هي زادك الحقيقي في الطريق إلى الله ... إزاي ممكن تنطلق أو تثبت فى الطريق إلى الله بدون معرفة الله

ياترى ... قلبك مشتاق لمعرفة الله أد إيه ؟؟... عايز كلمة الله تبقى نور ينور كل ظلمه فى حياتك ؟؟ ... عايز كلمة الله تبقي باب فرج يتفتحلك في كل أزمة في حياتك ؟

إنــــــــه الـــــــــلــــــــــه



























1 - عبدت ربنا بجسمك أد ايه انهاردة؟؟؟؟؟؟؟؟؟؟؟؟ جميل أوي ان السؤال ده دايما نحطه في بالنا ....... يعني انتي ......... يعني انتى ذكرت ربنا بقلبك أد ايه انهاردة ..... حاولت تحس بعظمته ....... حاولت تخليه يملى عليك قلبك ... ... علشان يملى عليك حياتك وكيانك وعمرك ...... ياترى لسانك عبده انهاردة أد ايه ياترى مواظب على الأذكار ياترى على أذكار الصلاة ولا ساعات بتنسى أو تكسل ....... ياترى لسانك رطب بذكر الله ولا ممكن تكون قاعد سرحان وتقضي وقت كتير سرحان وانت مش واخد بالك وتضيع من الحسنات الي ممكن ترفعك درجات في الجنه انتى أولى بيها ليه تضيعها هوانتي بتعمل حاجة عادة انا بتكلم صح ولا لأمن كل ساعة فيه عشرة دقائق بتكون سرحان وبتعملش فيها حاجة لأن عقلك بياخد راحة وانتى نفسك بتلاقيها سرحانة ومش في حاجة شوف بأه لوكنت معودها تذكر ربنا ولسانك ديما بيعبد ربنا ياسلام لبختك ياعم ياترى عبدت ربنا برجليك أد إيه انهاردة مشيت لربنا في حاجة ماحنا ياما بنمشي للناس ليه مرة منمشيلوش مش ربنا دايما الي بيساعدنا ولما تحس ان الدنيا ضاقت ومحدش قدامك ولا حاد راضي يساعدك ساعتها بتقول يارب هو أولى من انك تمشي لنفسك طب ازاي تمشيله لما تروح الجامع بتمشيله ولما بتساعد الناس بتمشيله بس ياريت ياجماعة نجدد النيه ونجمعها ونعددها وبقلبك تقوله فينك يارب حسيت دلوقتي انه جنبك ياجماعة لازم نطلعها من قلوبنا فينك يارب
ياترى عبدت ربنا بايديك اد ايه انهارده وبعينيك ...... شوف كام عضو عندك وعد شوف انتى ممكن تعمل ايه وانت ممكن تعمل ايه ممكن بجسمك توصل لأعلى الدرجات وممكن بردة تنزل لأسفل الدرجات

2 - الله ......... استفتح بلفظ الجلالة كل حياتك وانتى بتفتح كبس النور و بتقول باسم الله مش اتفتح عشان الكبس لا ده عشان اسم ربنا.......... ياترى اد ايه لفظ الجلاله غير في حياتك .... ياترى حاسس بأثرة فيك .... الله قوله تاني طلعة من قلبك الله ....... حسيت الله .......

كام مره حسيت فيها ان الدنيا كلها ضاقت بيك ولما قلت يـــــــــــــــــــــــــــــــــــــارب اتحلت ....... مين غيره هيحلهالك وانت كل حاجة فيك منه وعمرك بايده وانت كلك ملكة......... في وقت هتلاقي نفسك لوحدك وملك الموت جنبك مين ليك غيرة وأهلك جنبك هتروح فين منه ...... وفي القبر من ليك غيره لما تتحاسب مين هيسبتك ..... حسيت بيه ...... يا أخي حس بيه ده ربك
عايزين نقوووووول يارب ..... يارب مش التيواني بتاعتنا يــــــــــــــــــــــــــــارب بتاعة الصحابة يارب يالي عملت المعجزات ........... يـــــــــــــــــــــــــــــــــارب
عمرك قولت يارب ولقيت باب السماء مشغول كام مرة طرقت على باب عبد اما يكون مشغول أو مش عايز ياشيخ مزهقتش من الذل ده بأن أطرق على باب ربنا والله ربنا هيعزك..... خلي قلبك مربوط بربنا ...... لبيك اللهم لبيك.....

3 - **اللّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ ** حسيت بيها


4 - **وَتَرَكَهُمْ فِي ظُلُمَاتٍ لاَّ يُبْصِرُونَ ** ياترى انت أد ان ربنا يتركك فكر كدة .... ولما انت مش أدة ليه بتطاول يا انسان انت نسيت نفسك ونسيت هتكون ايه **وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّماوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ **
أخطر حاجة على أهل المعصيه الحرمان من رحمة الله

5 - المهيمن : كل شيء بيترتب من فوق وافتكر مثال انت فتحت المروحه حركت الهواء وقعت اشر الفول الي كنت بتاكله في آخر الأوضة عشان ربنا يرزق النملة الي هناك....... اللقمة الي ليك هتاخدها مهما كان
لو أراد انه يرتبلك هيرتبلك بس انت توكل والتوكل هو الأخذ بالأسباب مع تعلق القلب بمسبب الأسباب بس خلي بالك ممكن كل الأسباب الي بتعملها ما تنفعش وتفشل فشل ذريع عارف ليه عشان تحس ان ربنا الي بيوفقك مش أسبابك انساها وخليك مع مسبب الأسباب