رباعيات صلاح جاهين

ولدي إليك بدل البالون ميت بالـون / انفخ وطرقع فيه علي كل لــون / عساك تشوف بعينك مصيرالرجـال / المنفوخين في السترة و البنطلــون



أنا قلت كلمة و كان لها معنييـــن / كما بطن واحده و توأمين زي وشين / لو دنيا شر.. التوأم الخير يمــوت / لو دنيا خير .. الشر ح يعيش مــنين




يأسك و صبرك بين إيديك و انت حر / تيأس ما تيأس الحياه راح تـمر / أنا دقت مندا ومندا عجبي لقيــت / الصبر مر و برضك اليـأس مـــر


s
حاسب من الاحزان و حاسـب لها / حاسب علي رقابيك من حبلـها / راح تنتهي و لابد راح تنتهــي / مش انتهت أحزان من قبلهــا



حدوته عن جعران و عن خنفســه / اتقابلوا حوا بعض ساعة مســا / و لا قال لهم حد اختشوا عيب حــرام / و لا حد قال دي علاقة متدنســـة




زحام و أبواق سيارات مزعجــة / للي يطول له رصيف.. يبقي نجـا / لو كنت جنبي يا حبيبي أنــا / مش كنت أشوف إن الحياة مبهجة



إيديا في جيوبي وقلبي طـــرب / سارح في غربة بس مش مغترب / و حدي لكين ونسان و ماشي كده / وبابتعد ما اعرف .. أو باقـــترب



يا ميت ندامه ع القلوب الخـلا / لا محبة فيها و لا كراهـــه ولا / حتي يا قلبي الحزن ما عادش فيـــك / معلهش .. لك يوم برضه راح تتملا


ليه يا حبيبتي ما بيننا دايما سفر / ده البعد ذنب كبير لا يغتفر / ليه يا حبيبتي ما بيننا دايما بحور / أعدي بحر ألاقي غيره اتحفر



ياللي انت بيتك قش مفروش بريش / تقوي عليه الريح .. يصبح ما فيش / عجبي عليك حواليك مخالب كـــــبار / و ما لكش غير منقار و قادر تعيش


أنا كنت شئ و صبحت شئ ثم شــئ / شوف ربنا .. قادرعلي كل شـــئ / هز الشجر شواشيه ووشوشني قال / : لابد ما يموت شئ عشان يحيا شئ


سرداب في مستشفي الولاده طويل / صرخات عذاب ورا كل باب وعويل / .. وفي الطــــــريق متزوقين البنات / متزوقـــــــــــــين للحب و المواويل



إقلع غماك يا تور وارفض تلف / إكسر تروس الساقية و اشتم وتف / قال : بس خطوة كمان .. وخطوة كمان / يا اوصل نهاية السكة يا البير تجف





في يوم صحيت شاعر براحة و صفا / الهم زال والحزن راح و اختفي / خدني العجب و سألت روحي سؤال / أنا مت ؟ و لا وصلت للفلسفة


عجبتني كلمة من كلام الورق / النور شرق من بين حروفها و برق / حبيت أشيلها ف قلبي .. قالت حرام / ده أنا كل قلب دخلت فيه اتحرق

أنا شاب لكن عمري ألف عام / وحيد لكن بين ضلوعي زحام / خايف و لكن خوفي مني أنا / أخرس و لكن قلبي مليان كلام

ليه يا حبيبتي ما بيننا دايما سفر / ده البعد ذنب كبير لا يغتفر / ليه يا حبيبتي ما بيننا دايما بحور / أعدي بحر ألاقي غيره اتحفر

****************
شاب لكن عمري ألف عام / وحيد لكن بين ضلوعي زحام / خايف و لكن خوفي مني أنا / أخرس و لكن قلبي مليان كلام


طمطم

تسلمى كتير على التوبيك الرائع

واكيد صلاح جاهين غنى عن التعريف وانا عن نفسى

ليه حاجات بحبها نورتى القسم

تقبلى مرورى

عيني رأت مولود علي كتف أمــه / يصرخ تهنن فيه يصرخ تضــمه / يصرخ تقول يا بني ما تنطق كـــــــلام / ده اللي ما يتكلمش يكتر همــــه


طمطم
جميله اوي رباعيات بهاء جاهين
وكل الحاجات اللي قريتها ليه رائعه واحلي من بعض
شكرا علي الموضوع الجميل
تسلم الايادي
تقبلي تحياتي

شكرايا بسمة على المرور ووكويس انك عارفاه كويس وقرتيله قبل كدة

اما بالنسبه لكنوز انا مش عارفة انتى تقصدى ولا دى غلطة مطبعيه
اسمة صلاح مش بهاء ههههههههههههههههههههههههههههههههه
اكيد كنتى بتفكري فى حد اسمة بهاء وانتى بتكتبي قولى قولى ما تتكسفيش

طمطم
تسلم ايدك بجد
واجمل حاجه انك جبتي كلام لواحد
من اهم كتاب الشعر في مصر

تقبلي مروري