هجوم غريب وسب وقذف للداعية عمرو خالد لماذا كل ذلك

بسم الله الرحمن الرحيم

النهاردة انا باكتب التوبيك ده

بعد ما شوفت الهجوم الرهيب على عمرو خالد فى مختلف مواقع ومنتديات ع النت

الاول شوفت الهجوم ده على موقع اليوتيوب الشهر

ولكنى تجاهلت وقلت عادى موقع اليوتيوب اى حد بيهاجم اى حد

وكمان فى ناس اصلا دخلاء حتى الرسول صلى الله عليه وسلم اتعرض للسب والقف والسخرية فى اليوتيوب

ولكن ادخل كذا موقع او منتدى الاقى توبيك متثبت واكتر من 10 صفحات والعنوان الرويبضة . الفاشل . المهرج . قليل الأدب "عمرو خالد" . الكلمة الأخيرة فهل أنتم منتهون؟؟؟؟؟؟

لهذا الحد وصل الهجوم واكثر من ذلك

بل وصف فى الموضوع بالعميل وانه متعاون مع اميركا عشان كده كرمته ضمن افضل 10 اشخاص فى العالم ثاثيرا ..!!

والاكثر من ذلك وهو سر الهجوم على هذا الداعية الذى اثار الجدل

انه فى برنامج على خطى الحبيب قد قال

الرسول فشل فى 26 محاولة ..

هذا الشخص يقول على النبى صلى الله عليه وسلم أنه بيقول نكت و بينصح الناس بأنهم يتعلموا من النبى النكت !

قال قبل كده على سيدنا موسى ولد ؟

وده كلام حقيقى منسوب لـ عمرو خالد وانا شاهادته على اليوتيوب

ولكن ،،

داعية يؤثر على الناس باعمارهم المختلفة خاصة الشباب منهم ..
داعية يتحدث كلام من القلب
داعية ابكى كتير من الشباب وكان سبب فى هدايتهم

لا يمكن ومستحيل انه يكون قاصد يقول كده نهائى

كل اللى هوه حب يوضحه ان الشباب ميياس وان اى حد ممكن يفشل وان الرسول صبر كتير

ولكننا نعترف ان عمرو خالد خانه اللفظ ..

ولكن هل يستحق منا كل هذا الهجوم والسب والقذف
ونقول انه عميل
وان اللى بيشرف وبيدير مشروع صناع الحياة اصلا يهودى ولا امريكى ..!!

بجد حاجة غريبة ..

وبجد مش عارف اكمل اقول إيه ..

وانا كده فهمت ليه عمرو خالد فى برنامجه الجديد قصص القران عندما ذكر اللى اتعرض ليه سيدنا عثمان بن عفان رضى الله عنه وارضاه

قال عشان كده انا ساكت ع الهجوم اللى باتعرض ليه وصابر لان عثمان اتهاجم
هاجى انا وهاشكى من الهجوم ..!!
هاستنى ارائكم وتعليقاتكم

كل من يقول الحق يهاجم .. كلهم دون استثناء
كيف من هو يهدي البنات الى الهداية .. والشباب الى الحق يكون كاذبا؟!!
هل عدنا الى ايام الجاهلية .. يقولون على من يقول الحق ويدعون الى لا إله إلا الله ساحرا
ان عمرو خالد ساحر يسحر القلوب بكلماته والعين يجعلها تدمع من دعائه

الى كل من يقول انه كاذب .. عميل لامريكا .. فلما تطردوه من بلاد لما تسبوه .. على أى اساس شيدتم كلماتكم
ماا هو فاعل بكم .. ليس هناك تفسير الا انكم اتباع الشيطان واليعاذ بالله .. تريدون تخريب الشباب بأفكاركم ..
وماذا بعد ؟!

نسأل الله الهداية

تسلم ايدك

تقبل مرورى

bisaraha ana choft do3at kitiiiiiiiiiir awi bass 3omr had atar fiya bidaraja ili biy2atar fiya biha omr khalid
ana bahtarimo ktiiiiiiiiiiiiiir wi bathassar lama had yichirlo bisababa ino mich kwayiss aw kalam ghir da
howa 3achan motamayiz bitarieto ili bitkhalih korayib min inass 3ayzin yichilouh
wi kman lazim nichouf ijabiyato aktar hata law fi silbiyat
wi kol wahid biyighlat
merci awi lik ya skitar 3ala tarh ilmawdou3

والله يا سكيتر أنا مش مستغربه
وعادى جدا اللى بيحصل ده لأننا خلاص أتعودنا
أن أى أنسان يطلع ويتلف حولليه ناس كتير ويقتنعوا بيه
لازم يجى اللى يكذبه ويهاجمه
أنا مش عارفه بصراحه أحنا بنكره النجاح ولا بنكره الصح

وأنا قريت الكلام ده وأتفرجت عليه كمان
بس عادى ايه يعنى لما واحد يخونوا التعبير مره ... مره
خلاص الدنيا أتهدت..؟؟؟
بدل ما ندور دايما على أخطاء غيرنا نحاول الأول نصلح أخطائنا

ولو حتى عمرو خالد غلط فى بعض الحاجات
نأخد أحنا منه الصح ونسيب الغلط
مش علشان واحد غلط مره خلاص الدنيا أنتهت وننساله كل الحلو اللى عمله

طول ما أحنا بنبص وارانا وبننسى عيوبنا وبنفتش بس على عيوب الناس
عمرنا ما حنتقدم
ولا حيطلع منا ناس مثقفين يفيدونا...

حسبنا الله ونعم الوكيل...

ندا سارة نورسين

باشكركم اوى ع مروركم وردودكم الجميلة والمعبرة
ودا فعلا بقى الحال
كل حاجة اتلغبطت .. بقينا بنهاجم الصح وبنسقف للغلط
وللاسف فى ناس بتصدق الكلام .. خاصة ان الاعلام ودوره المحورى
واللى مفترض انه بيتمتع بمصداقية
وعشان كده اعنقد ان دا اثر فعلا ع شعبية عمرو خالد وبكل اسف

باشكركم .. تحيتى لكم .. نورتوا التوبيك

ايه ده

ايه اللى بيحصل ده

عمرو خالد انا مش مصدقه اللى بيحصل ....عمرو خالد يتهاجم طب ازاى؟

وجمهور عمرو خالد مش هيتاثر بالكلام الفارغ ده

لان كلنا عارفين مين هو عمرو خالد

وياريت يهاجموا هيفاء ولا نجلا يكون فضل وع حق كمان

وربنا معاك ياعمرو خالد وحسبي الله ونعم الوكيل

تقبل مروري

فعلا دي كارثه
لما نلاقي حد فاهم الشباب وربنا بيهديهم علي ايديه
والناس تشتمه وتسوء سمعته
حتي لو غلط الحوار ميبقاش كده
لان كل البشر معرضين انهم يخطئوا
وللاسف اللي بيهاجم عمرو خالد شيخ معروف والناس بتسمعله
وهو محمد حسان
وده اثر في ناس كتير وخلاهم ميسمعوش برنامج قصص القران السنه دي
اسفه للاطاله
وربنا يهديهم

مجنونة ... كنوز

باشكركم اوى ع مروركم و ردودكم الجميلة ..
تسلموا بجد ..
ومعاكى حق يا هوبة .. بدل ما يهاجموا الدعاة يشوفوا الست هيفا ولا غيرها من البلاوى اللى عندنا
عمرو خالد بيتميز باسلوبه الجذاب والشيق .. عشان كده ليه جمهوره
ومفترض اننا نتغاضى عن اللفظ اللى حصل معاه ..
لانه ببساطة مش ملاك وكل حد معرض للخطأ

كنوز ..
بالنسبة لموضوع محمد حسان
دا داعية وعلامة كبير مينفعش انا ولا انتى نتكلم عنه
وكل اللى اقدر اقوله الله اعلم
ويمكن انا شوفت تسجيل بصوت محمد حسان بيتكلم عن عمرو خالد
بس كمان فى ناس شككت فى التسجيلات دى وقالت انها متلفقة
بغض النظر عن كله دا ولو افترضنا ان الشيخ محمد حسان هاجم عمرو خالد
فاكيد مش هيهاجمه هراء او لمجرد الهجوم او كراهية لا اكيد دا حبا للاسلام
وحفاظا ع صورة الاسلام .. ودا فى النهاية عالم جليل كل مسلم بيفتخر بيه
وكمان عمرو خالد داعية اسلامى ناس كتيير حبته وتاثرت بيه

باشكركم اوى .. تحيتى لكم

بسم الله الرحمن الرحيم ..

بصراحة انا مكنتش متوقعة ان حد زى أ/عمرو خالد يتهاجم للدرجة دى لمجرد انه بيهدى ويوجه

الشباب ويشغلهم فى حاجات مفيدة بس اللى فايدنا نقول حسبنا الله ونعم الوكيل

وعاوزة اقول (ان الله بالغ امره) وهاينصر المسلمين لأنه سبحانه قال (ان الله يدافع عن الذين

امنوا) ..

شكرا ليك ياسكيتر عالموضوع الجميل ده .. تحياتى

عابرة سبيل

باشكرك اوى مرورك وردك الجميل
وصدق الله العظيم ل (ان الله يدافع عن الذين امنوا) ..
نورتى التوبيك .. وربنا يوفق الدعاه الى ما يحب ويرضى
مبسوط بتواجدك ومرورك وردك .. تحيتى لك

سكيتر
اكيد الشيخ محمد حسان شيخ جليل وعالم كبير وانا بحب اسمعه
وزي ما انت قولت مينفعش انا او انت نتكلم عليه
بس انا كان قصدي ان حتي لو الاستاذ عمرو خالد غلط مينفعش انه يطلع يسبه علي الفضائيات
لاننا مسلمين والاسلام علمنا اننا نحترم بعض وعلمنا لغة الحوار واننا نسمع وجهات نظر الاخرين حتي علشان منظرنا قدام غير المسلمين
واكيد عمرو خالد خانه اللفظ لما قال علي الرسول فشل
اسفه للاطاله
وشكرا علي اهتمامك

كنوز

اولا انا مبسوط بمتابعتك فــ متعتذريش ع اطالتك
طالما بتفيد الموضوع ..
ثانيا : مااعتقد برضه ان محمد حسان سب عمرو خالد لان دى مش اخلاقه
وان كنتى سمعتى او شوفتى سب ع النت او غيره فاكيد دا ملفق
واكيد برضه الشيخ محمد حسان يعرف ازاى يتكلم كويس ويعرف يحافظ ع صورة الاسلام
كذلك عمرو خالد رغم ان اللفظ خانه
باشكرك اوى وتسلمى ع المتابعة .. تحيتى لك

والله هو اي حد ناجح كده لازم يتهاجم كده وخصوا ان عمرو خالد حواليه جمهره كبيره قوى وخصوصا الشباب
اصل احنا سيبنا الفساد ده كله ونهاجم الانسان ال بيامر بالمعروف وينهي عن المنكر بقي هو ال مش كويس
حاجه تجنن بجد انا فعلا الموضوع ده مضايقنى حدا
عمرو خالد قال ياجماعه انا مش شيخ مش بقول فتوه انا بس بقول تعاليم دينيه ودينا بيقول ان اي حد حتى لو مش متعلم يامر بالمعروف وينهي عن المنكر يبقي ايه الغلط
طلعوه غلطان عشان حجات غريبه زي ال بيقول الايه ( لا تقربوا الصلاه وانتم سكاري )حذفوا اخر كلمتين وقالوا ( لا تقربوا الصلاه ) بالظبط هما عملوا كده معاه لما قالوا ان عمرو خالد بيقول ع الرسول انه فاشل
ربنا ينصره بجد
واجمل حاجه فيه بجد انه مش بيرد علي حد
وللاسف وال يحزن اكتر ان الشيوخ بتحارب بعضها ..سبحان الله حاجه بجد تضايق يعنى نسوا كل التغيرات ال عملها عمرو خالد وكل الانجازات والاصلاحات ال عملها ف الشباب وبيمسكوا عليه تفاهات
ده ماهو الا غيره وحقد عشان هو انسان ناجح

عمرو خالد جعل الله شباب كتير يترجعوا عن المخدرات وعمل اشياء كثير للشباب واهتدى على يده الكثير من البنات ولبسوا الحجاب بسبب كلام عمرو خالد
احنا ليه بنسر على ان نحفر فى اخطاء الاخرين وسلبياتهم وننشرها
وندفن اجبياتهم ونعمل عليها عتمة اعلامية
اسفه للاطاله بس الموضوع ده فعلا مزعلنى
ارق تحيه

سكيتر

موضوع مميز ومهم جداا

و اكيد اى حد ناجح بيتعرض لهجوم من حاسدين و حاقدين

و ده مشاء الله منتشر بكثره فى عالمنا العربى واكيد ده شئ خطير

بالنسبه لعمرو خالد من وجهه نظرى فانا شايف انه من احسن الدعاه على الاطلاق

ده غير الكلام السهل الى يخاطب قلب المستمع ليه مباشره و بجد و دى حقيقه يعتبر

عمرو خالد واحد من الناس الى عرفتنى اكتر بدينى و الى حببتنى اكتر و اكتر فى الرسول

محمد صلى الله عليه و سلم بالعكس كان هو سبب رجوعى و الحمد الله الى ربنا سبحانه و تعالى

ثانيا بالنسبه للداعيه الشيخ محمد حسان يمكن انا مش متابعه اوووى بس بردوا ليه اراء بتعجبنى

لكن دى ما تعتبرش الطريقه الصحيحه للدفاع عن رئى او شئ لانه من الواجب انه يتحرى

صحه ما قيل اولا ثم على اساسه يبنى اتهامه وايضا لابد من انه يفهم وجهه نظر الاخر وليس

من الصحيح انه يحصل اندفاع و عصبيه و سب و قذف على شاشات التلفزيون لان ده فى النهايه

بيضر الاسلام نفسه مش الاشخاص و بيشوه صورتنا امام العالم الاخر.

فى النهايه احب ان اقول انى اتمنى ماشوفش الكلام ده تانى بين الداعاه خصوصا بين شخصين

بحجم الداعيه الشيخ محمد حسان وبين الداعيه الاستاذ عمرو خالد

مرسى كتيير ليك على الموضوع الرائع ده

تقبل خالص تحياتى

لا اله الا الله
اللهم لاتزغ قلوبنا بعد اذ هديتنا وهب لنا من لدنك رحمه
موضوع غريب وصعب
واحد بيهدى البشر والناس بتحبه ليه بقي
متعرفش

مرسي يااحمد

سماح ....... كيمو .......... هدير

ببساطة كل اللى اقدر اقوله
محدش يقدر يؤكد ان محمد حسان هاجم عمرو خالد
واعتقد كمان محمد حسان .. اعلم مننا بشان المسلمين وحفظ صورتهم امام العالم
وكمااااان .. لا انا ولا انتوا ينفع نتكلم ع حد بحجم العلامة .. محمد حسان ..
لاننا صغيرين اوى بالنسبة له - مش سنا طبع - لكن بنقول ان دا حد مينفعش نسئ اليه
وكل اللى بقوله دا ميقللش من قيمة الداعية عمرو خالد
بس منحصرش الحوار بين خلاف بين اتنين زى دول
الهجوم ع عمرو خالد بيكون من ناس تانية بتضمر كراهية للمسلمينب وبتوقع بينهم

دمتم بكل ود وقتدير