اذا كنت ناوى واذا كنت غاوى تقول وتسمع حكاوى القهاوى

لو كنت ناوى ولو كنت غاوى تقول وتسمع حكاوى القهاوى
يبقى لازم تشارك معانا فى الموضوع ده

وتخيل انك قاعد مع اصحابك على القهوه واحكى عن اى حاجه حصلتلك ونفسك تقولها
حصلت اومحصلش مش مهم
القهوه مليانه ناس فشارين
وبرضه فيها ناس مثقفين
وفيها اغرب الشخصيات

ياريت تتخيل انك على قهوه واحكى عن اى حاجه
وعن ا حلامك وعن مشاكلك ومشاكل البلد

وأنا اول واحدة

عملتوا ايه فى الاجازة .؟ وهل دى احسن اجازة تعدى عليك ؟ طيب حققت الا كنت ناوى تحققه فى الاجازة دى - الـ 15 يوم بس-؟

>> وعن نفسى دى اسوأ اجازة لانه معرفتش اعمل اى حاجة واهى ضاعت وخلاص خلصت

موضوع حلو كتيير يا ندا .. وفكرة كويسة اوى

انا بقى شايف ان دى اصلا مش اجازة دى يا دوب break

يعنى اسبوعين الواحد هيلحق يعمل فيهم ايه ولا ايه ..

انا بقى عايز اكلمك ع حاجة دمها خفيف اوى

ع المنتدى .. إن فى حاجة ملفتة اوى .. ان المنتدى مليان بنات .. سبحان الله

وشوفوا بقى .. لدرجة ان مصطفى وكابو .. لما يجوا يغلسوا عليه يقوللى سميه باسم بنات
او خليه انتيماتك .. هههههههههه

انا طبعا شايف ان عندهم الحق .. ان المنتدى كله بنات وكل اللى بيجى كتيير ويتفاعل اغلبهم بنات

دى طبعا حاجة مش مضايقانى .. بس ملاحظة لذيذة .. يالا الحمد لله ع كل شئ

بس انتوا إيه رايكم فى القصة دى

البنات النص الحلو ولا ايه

هى صحيح البنات كتير فى المنتدى بس هنعمل ايه الولاد دايما كدة عندهم خمول
بس جميل المنتدى على كدة عشان لو حبينا نعمل ثورة >> هنعرف نتفق غلاسة

ههههههههههههههههههههههه
هتعرٍفوآآ تتحدوآآ يعنـي
بس مهمـآ عملتوآ آلرجآل قوآموٍن على آلنسـآء Wink

الرجال قوامون على النساء
فى العمل .. امممم فى اى مجال
ما عدا الكلمة الرجال زى النساء

يعنى هنتفق هنتفق

ونرجع نقول ايه اخبار الاجازة ؟ وهل حققت اللى كنت بتحلم تنجزه فى الاجازة ولا لا؟ وهل هى اسوأ اجازة بالنسبة لك؟

يعني آلحمد للـه آلآجآزٍه بآلنسبـه لـي زٍي آلفـل
وعلى فكرٍة آنـآ آلسنة كلهـآ في آلدرآسـة آغلبهـآ آجـآزٍة لآنـي مش بذآكرٍ غير آخرٍ شهرٍ
بس في آلآجآزه آلكبيرٍه مش بتكوٍن آجآزٍة بآلنسبة ليـآ لآني بآخد فيهـآ دورآت وفي نفس آلوٍقت بشتغـل
بآلنسبـة لـي آلآجآزٍه آلسنة دي ولآ هي سيئـة ولآ هي حلوٍه آووٍي

ربنا يوفقك

عموما الاجازة بتكون ملل .. لكن الدراسة بتبقى احلى

ومازال السؤال قائما

ونرجع نقول ايه اخبار الاجازة ؟ وهل حققت اللى كنت بتحلم تنجزه فى الاجازة ولا لا؟ وهل هى اسوأ اجازة بالنسبة لك؟

فكرة حلو اوي ..

بس عاوز اقول ان الرجال مش قومين ع النساء في العمل وبس

والمجالات كتير ....

واذا كان العدد الاكبر في المنتدي بنات ده لان اغلب الشباب مش فاضين لده

واغلب البنات مش وراهم حاجة يعملوها وده اكيد غير الخناق طبعا

اما بالنسبة الاجازة فهي زي ما قال سكيتر هي استراحة مش اكتر

وكمان مش لاحق استريح فيها

انت مصر على حكاية الخناق .. ماشى

واكيد الـ 15 يوم - الى معرفش اتبقى منهم كام لا تسمى اجازة

ويارب تعرف تستريح

موشي موشي
وانا قاعدة في القهوة وعماله اضرب كباية شاى وعايشة عمالة انا وصحبتي بنتناقش عن الثانوية وطبعا لاني ماعنديش اجازة نص سنة فمبناقشي موضوع عملنا في الاجازة بناقش موضوع معملناش ايه

بس يسلموا نانو ع الموضوع الكوووووووول فكرة حلوة

انا الاجازه بالنسبه ليا اسوء اجازه حصلت في حياتى..بصراحه اول ااسبوع فيها ده كان اسوء اسبوع عدي عليا للاسف حصلي مشاكل كتير قووي ...بس هنقول ايه الحمد لله ع كل شئ

اقتباس :: موشي موشي
وانا قاعدة في القهوة وعماله اضرب كباية شاى وعايشة عمالة انا وصحبتي بنتناقش عن الثانوية وطبعا لاني ماعنديش اجازة نص سنة فمبناقشي موضوع عملنا في الاجازة بناقش موضوع معملناش ايه

بس يسلموا نانو ع الموضوع الكوووووووول فكرة حلوة

معلش ياشارمد كلنا مرينا بالفترة دي .. وموضوع الثانوية كبير اوى لانه ليه ابعاد تانية
غير انه مجرد مرحلة تعليمية !
وياستى اضربى براحتك !! وعلى حسابى

اقتباس :: انا الاجازه بالنسبه ليا اسوء اجازه حصلت في حياتى..بصراحه اول ااسبوع فيها ده كان اسوء اسبوع عدي عليا للاسف حصلي مشاكل كتير قووي ...بس هنقول ايه الحمد لله ع كل شئ

سوسو منورة القهوة ياقمر ..
لازم الواحد يتخنق وتجيله مشاكل كتير فى اى وقت >> والا مش هى دي الدنيا !
وزى ما قلتى الحمدلله على كل شىء .. والجاى دايـــــــما احسن ان شاء الله
ومنورة كمان مرة

كفاية كلام على الاجازة عشان كل مااتكلم فيها افتكر انها قربت تخلص

ايه رأيكم فى اللى بيحصل ده
لو رشحوك تبقى وزير .. تختار انهو وزارة .. وليه وايه اللى ممكن تقدمه للشباب من خلاله ولبلدك واول قرار هتعمله ايه هو؟

انا عارفة ان الموضوع كبير بس مش كبير عليكم

آنآ لوٍ بقيـت وزٍيرٍ هختآرٍ وزآرٍة آلرٍيآضـه
علشـآآن آلغى نآدي آلزمآلك هههههههههههههههههههههههههههههه

بصآحة مش عآرٍف في آلوزآرٍة ممكن آعمـل آيه
بـس آقـل حآجه توٍفيرٍ فرٍص عمـل للشبـآب
وآنشـآء مرآكزٍ ريآضية للشبـآب

لو غليت الزمالك هتضيع فرص العمل >> للى بيلعبوا وللمشاهدين !!!

وأكيد اختيارك موفق .. وزارة الشباب من اهم الوزارات >> بس منخدش على اساس فيلم عادل امام

وزارة التنمية .. وزارة الاقتصاد .. وزارة الشباب .. وكتير من الوزارات عاوزة تشكيل وزارى جديد
>> ومين احنا عشان نقول ولا نحكم
المهم ازيكم يااحلى اعضاء واحلى مشرفين واحلى كمان مرة منتدى
>> محدش ينسى سوسو بقيت على كرسي الاعتراف مش هوصيكم بقا
ســــــلام مؤقت

تسلمى كتير يا نانو على القهوة بجد فكرة كتير جميلة

واية رأيكم لو نتكلم عن مشكلنا من حيث الدين اللى كتبر منا اهمله بنصلى اه وبر الوالدين يمكن

بس حياتنا مش ممكن ترضى ربنا .

ســــــــها ده موضوع جامد وطويل
ومنورة القهوة
بس بصى احنا عندنا نقص وزاع دينى بطريقة فظيعة .. ده انا بشوف حكايات وبسمع اكتر
عن ناس بتصلى ماشى بس بيقولوا ان ياعالم مخنا بيكون فين !! >> اول غلطة
ماشى الخشوع صعب ؟. افتكر نعم ربنا .. افتكر اد ايه كنت فى ازمات وربنا طلعك منها !!
ولو مكنش عندنا نقص الوزاع الدينى .. مكنش ده حالنا مكنتش بنت تخرج وتيجى الساعة 3 الفجر بحجة انها مع اصحابها .. مكنش فيه ولد يجرؤ يعد على النيل او الكورنيش بالطريقة البشعة اللى احنا فاهمينها .. مكنش هيبقى فيه البوشى ولا ريان
بس انا اصلا بكلم فى ايه ؟ المدينة الفاضلة ؟ طيب ما دى استحالة تحصل
>> عارفة بعد ده كله لو تبنا بجد ان ربنا هيتوب علينا لان ربنا كبير جدا جدا ورحيم جدا جدا
بس تقولى لمين ..؟!
ولى عودة بإذن الله

>> عاوزة اعرف رأيك ورأى بقية الاعضاء

ونعود سويا لفتح القهوة .. بعد ازالة الاتربة !!
وطبعا مشاريب مجانى للكل ( بس محدش يحلم بمائدة رحمان ! )
كنت بفكر كدة مرة من المرات ان ماشاء الله النت كله ملايكة !! وخصوصا المنتديات
>> اؤمن وبكل ما فى من عقل ( ده لو كان اتبقى حاجة منه !!) ان كل مكان فيه الكويس والوحش ولكن السيئة تعم
المهم انه مهما كان الواحد حاطت هالة من الاخلاق وحاجات لا تمت اليه بصلة الهالة هتختفى وسرعان ما تذوب الاقنعة
وتظهر الوجوه البشعة القبيحة !!

طبعا كمية الكلمات الـ .... سدت نفسكم عن شرب واكل ( اوفر !!)
تحيتى الغالية اليكم

فكرة جميلة جدا يا نانو وفعلا انا يالا دلوقتي الفكرة دي هتلفت نظري
وفعلا فكرة جميلة جدا
بس القهوة فاضية ليه هو انتوا مش بتقدموا فيها طلبات بالمجان بردو ولا ايه لازم علشان تنضفق شوية وتتملي زباين (قصدي اعضاء )اوكي نو بروبلم نزلوا ع حسابي للقهوة كلها شاي وبس كده بس يعني لازم اشيل الحساب انا وصاحب القهوة علشان مش هقدر اتحمل الحساب لوحدي بردو
وابقوا ..ما تنسوش معانا انشاء الله تشرفونا يوم 5/7 مباراة مصر هنتفرج عليه كلنا مع بعض هنا في القهوة وهتبقي قعد كلها لذيذة
مستني حسابكم ع المشاريب اللي شربتوها انتوا صدقتوا ان الحساب عليا ولا ايه ..وياريت كمان حد يبقي يدفع حساب القهوة والكابتشينو اللي شر بته ده

الواحد كان صدق !! طلع مدفعتش حساب مشاريبك ..
مش مهم تبع افتتاح القهوة كله مجان ( بس من غير مرجان !!)
وبقا كل واحد يشرب اللى هو عايزه ما عدا كابو يشرب مشروب واحد بس !

ههههههههههههههه

ما بلاش يا نانو يشرب اللى عايزه عشان كده هتفتحى ع نفسك موال كبيير ..!!

المهم : يا ترى ايه اكتر حاجة شاغلة بالك .. دلوقتى ؟؟

ده سؤال باوجهه لكل الناس اللى منورين نانو فى القهوة .

ومبرروك ع عودة القهوة

ماشى ياكابو اشرب براحتك ( مش خوفا ولكن دعايا !! )

وياسكيتر منور القهوة ( ومادام منورنا فى القهوة المفروض كنت رديت عالسؤال !!)
المهم اجابتى هى حاجات كتير جدا بس طبعا اكيد دلوقت مركزة اخلص الكلية اللى ... اللى انا فيها طبعا !!
وكان نفسي استغل الاجازة دى بس مش عارفة استغلها ازاى ادينا ماشيين فى تانى اسبوع ونو كومنت !
ومبروك لينا كلنا القهوة lol!

نانو

بجد قهوه جميله اوى

خصوصا ان فيها اجمل اعضاء فى اجمل منتدى

وردا على سؤال سكيتر يمكن اكتر حاجه شاغله بالى دلوقتى

هى السنه الى فضله ليا فى الجامعه انشالله تعدى على خير

وربنا يسهل و الاقى شغل يأما هاجى اشتغل هنا فى القهوه

ده لو نانو هترضى ولا اجيب وسطه...

تمام كده ايوه ارجعي بسرعة ..اشرب طبعا اللي انا عايزه وخوف كمان مش دعايا

وممكن اكتر حاجة شغالة بالي دلوقتي ..اني استغل الاجازة في اسرع وقت ممكن واني احقق
كل حاجة كنت اتمني اني احققها وفعلا قربت الحاجة دي تتحقق ...وع قريب ان شاء الله يبقي
بقيت تمام اووووي
يسلموا ايديك يا سكيتر ع السؤال الجميل
وميرسي جدا يا نانو ع العزومة وع فكر الحساب طلع (100.25) ياريت بقي تتفلض ي علشان تحاسبي ع المطاليب ...وانتي اللي قولتي اشرب اللي انت عايزه
تحيتي الغالية

كيمو منور القهوة واحلى كابتشينو ليك
اما بالنسبة للشغل متخفش هدفنا الاول الشباب والقوى العاملة ومن غير واسطة

ما عليك غير انك تدفع 100 جنيه مقدما .. بس متخفش انا مش هخليك تدفع غير نص المبلغ
--------------
ايه ياكابو شارب ايه بالظبط اللى بـ100 جنيه لا وكمان فى ربع جنيه !!
لالالا انا هنبه عليهم محدش يشربك غير مشروب واحد لا يزيد ثمنه عن 2 جنيه وخمسة وسبعين قرش يعنى اشربلك سحلب من الاخر !!

ومنورين القهوة

نانو
قهوه جميله اكيد كفايه فيه اعضاء انتيمك
وانا صراحه اول مره بشارك فى القهوه
ورد ع سؤال سكيتر
اكتر حاجه شاغله بالى دلوقت ان الاجازه تخلص عشان اقابل اصحابى
لانها بجد اجازه ممله مش عارفه استغلها ازاى

منمونة ياعسولة منورة .. الاجازة مملة فعلا بس مش معنى كدة نتمنى الدراسة تيجى والاجازة تخلص حرام ياعالم ! .. واصحابك اتفقى معاهم واخرجوا حتى تتقابلوا خمس دقايق ..
اما من ناحية استغلال الاجازة فدى مشكلة عندى برده بس انا لسة ماشية فى تانى اسبوع فبقول ياهادى !

واحلى كوكا ليكي ياقمر