ما اسمك الحقيقي ؟ ( ليس اجباري للبنات , للأولاد اجباري )؟
ايمان
2 /ما لقبك ؟
فراولة
3 /من أي بلد أنت ؟
اسكندرية
4 /ماهي هوايتك المفضلة
بمووووت فى القراءة اوى اوى وخاصة القصص الرومانس وبحب اقرى
لنجيب محفوظ ويوسف السباعى واحسان عبد القدوس وكمان الكتابة
يقال انى بكتب كويس
5 /ماهو حلمك الآن ؟
النجاح واخلص ثانوية عامة وانى الاقى الانسان اللى بحلم بوجودة فى
حياتى وهو مش موجود فى الواقع
6 /ماهو حلمك المستقبلي ؟
انى يكون عندى شركة سياحة وكمان محل ورد وانى اسافر باريس
7 /هل تدخل بفكرك كثيرا الى عالم الخيال والمستحيلات أم تدخل في
عالم الخيال المعقول ؟
واللهى يا ابنى دى مشكلتى انى بعيش كتير اوى فى خيالى ودة اللى
مخلينى مش عارف اعيش فى الواقع وبتوجع كتير من اقرب الناس ليا
وبدور على حد فى خيالى حلمت بية بس مقبلتهوش فى الحقيقة
ملقيهوش عندكم يا احمد والنبى
8 /كم عمرك ؟ ( ليس اجباري )؟
18
9 /في أي مرحلة أنت ؟
تالتة ثانوى
10 /ماهي أمنيتك في الحياة ؟
انا ربنا يكرم كل الناس اللى انا بحبهم ويشوفوا نفسهم احسن حد فى
الدنيا وكمان ان الناس تعرف ان بالحب اكيد الدنيا هتكون احسن مش
بالكرة والخيانة وانى اشوف العرب تحت كلمة واحدة هى اسم الله
ودين محمد
11 /ماذا تحب وماذا تكره ؟
بحب التواضع والطيبة وبكرة الكذب والخيانة اووووووووووووووووووووى
12 /هل أنت ممن يؤثرون على أصحابه أم أنت تتأثر بهم ؟ ( بصراحة)؟
يعنى الاتنين بس متهيالى باثر اكتر
13 /هل تحب سماع الأغاني ؟ من هو المغني المفضل لك ؟
اة من القديم بعشق فيروز ونجاة وعبد الحليم حافظ اما الجديد فطبعا
عمرو دياب وحماقى
14 /ماذا يعني لك الحب ؟
الحياة والامن والامان والتضحية والعطاء الجامد اوى من غير انتظار
المقابل والسكينة من غير خوف ولا قلق من الحد اللى انت بتحبة
15 /ماهو العمر الذي تجده منا سب للزواج ؟ وما العمر الذي ترغب بالزواج فيه ؟
23 او 24
16 /هل أنت متفائل في الحياة أم كثير الاحباط ؟
بصراحة محبطة جدااا
17 /هل أنت راضي على مظهرك وشكلك وشعرك ؟
الحمد لله
بس لية شعرك دى كفاية مظهرك وشكلك والا علشان انتوا
ولاد بقة ومتغاظين من الواد مهند
18 /هل الآخرون راضون على مظهرك وشكلك وشعرك ؟ ( بصراحة )؟
انا مالى ومال الاخرون دول دول مفيش اى حاجة بتعجبهم خالص حتى
لو كنت نانسى عجرم اهم حاجة عندى الناس القريبين منى واكيد
اللى مامتة داعية علية وهحبة ويحبنى بس الحمد للة الناس القريبين
منى بيحبوا شكلى
19 /هل تحب أن تقلد الموضة
اللى بيليق عليا واللى بحس انة يمشى مع شخصيتى واحترامى
لنفسى ولانى بنوتة يعنى مش اى حاجة محترمة او لاة البسها كدة
يعنى
20 /هل أنت ممن يجيدون الرقص ؟ أي أنواع الرقص تجيد ( مصري-
خليجي- أمريكي (فانكي) - شامي( دبكة) ؟
لاة خالص الحمد للة على راى كابو البلدياتنا الاصيل دى قلة ادب
21 /أي نوع من الموسيقى تحب ؟
الرومانس الهادية
22 /ما هو دورك في الحياة ؟
انى اكون فى خدمة اى حد يحتاجنى وانى احس بكل حد حوالية
وانى اعيش لكل حد محتاجنى وانى ارضى امى وابويا واحقق باذن الله
احلامى
23 /هل تحب الذهاب الى أندية الرياضة ( تحمل الأثقال ) ؟
لا خاااااااالص
24 /ماهي وصيتك لأهلك ولأعضاء المنتدى عندما تمووووووووووت ؟
وهل تخاف من الموت ؟
وصيتى لاهلى انهم يفتكرونى بالخير
اما اعضاء المنتدى انهم برضوا يفتكرونى بخير وانى مكنش حد دمة
تقيل وونبى متدعوش عليا لو كنت غلست على اى حد فيكم
وبصراحة انا بخاف من الموت لانى طول الوقت بحس انى مش
مستعدة للموت مش علشان انا حد وحش لا انا الحمد لله من وجهة
نظر اغلب اللى حولية حد كويس ومن وجهة نظر نفسى كمان بس لان
لازم الانسان يكون عندة رهبة من مقابلة ربنا
25 /هل تريد أن يكون لك أصدقاء من المنتدى ؟
اكيد طبعا اوى بس يارب مكنش حد دمة تقيل عليهم بس انا بحب يكون
عندى اصدقاء كتير لانى بقدس معنى كلمة صداقة اوى اصلها ليها
مليون معنى
26 /هل أعجبكم موضوعي ؟ ( يــــــــاويل اللي يقول لا ) مش بهزر إيه
رايك فى الموضوع ؟
اكيد هوموضوع حلو اوى اوىيا احمد والا مكناش جوابنا زى ما مونى
قالت وبجد الاسئلة حلوة وتشد ان الواحد يجاوب عليها