حصريا:امتحان اللغة العربية ثانوية عامة 2009 !!!

اولا يا جماعة الموضوع دة علشان كل طلبة الثانويةالعامة لانى عارفة

اد اية هما بيعانوا اما بقا الناس الجامدة المتفوقين اللى عدوا منها

ودخلوا الكليات الخاصة واللى اخدوها واتجوزوا وقعدوا فى البيت من

الحالة النفسية اللى وصلولها علشان تعرفوا اد اية الثانوية العامة بقت

سهلة مووت على ايامنا دوووقتى والمراحيم اللى ماتوا منتحرين قبل ما

يفرحوا بالنجاح يا عينى لازم طبعا كلنا ندعى لهم وندعى على اللى

حطوا الامتحانات من الاخر الموضوع دة لكل مواطن مصرى مر بمرحلة

الثانوية العامة المصرية وياريت تقولولى اية رايكم فى الموضوع دة

وخاصة طلاب الثانوية العامة الحاليين اخوانى فى الدح والمذاكرة

السؤال الأول: التعبير
اكتب ما لايقل عن 650 سطر فى أحد الموضوعات التالية

لم يجد الطفل غير الشارع ملجأ نظرا لحالة البلد الهباب..فاتجه إلى

السرقة والقتل والحشيش.. حتى نال جزاءه وقبض عليه متلبسا بباكتة

بانجو.. اكتب قصته مع تسليم الحِرز للباشا مراقب اللجنة


شهدت بلدنا الحبيبة نهضة فى مجال التشييد والبناء وخصوصا بعد

وصول سعر الحديد إلى 6500 جنيه للطن.. اكتب ما يمليه عليك

ضميرك على أن يبدأ موضوعك بعبارة أنا باشتغل فى حديد عز

ومستريح اخر حاجة


بعد انتشار ظاهرة أكل لحم الكلاب والحمير..من وجهة نظرك تكلم عن

هذه الظاهرة ومن المتسبب فيها بدون غلط..الورق متراقب بالقمر

الصناعى
ــــــــــــــــــــــــــــــــــــــــــــــــــ ـــــــ
السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى
ثم أتى إليه وضربه بال.... وقال: انت عايز تترشح فى الانتخابات

يامعفن؟؟ دانت عايز معجزة..مش كفاية بتاكلوا لحمة ومستورين..

عايزين إيه تانى؟

1- ماهى اللحمة؟ أو على الأقل حدد أقرب معنى خيالى لها

2- مرادف معجزة فى اللغة ( تغيير وزارى – زيادة المرتبات – رغيف العيش)

اختر يا مقلول البخت

3- لماذ ضربه الرجل بال.... وليس بالعصى مثلا؟؟

(أهو كسل .. لسة هيرفع العصاية - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى ) اختر

حلل بمزيد من التفصيل جملة ضربه بال.... ومدى توافقها مع جملة

مصر بتتقدم بينا
ــــــــــــــــــــــــــــــــــــــــــــــــــ ــــــــــ
السؤال الثالث القراءة
من موضوع ( الزعيم..و الفنان.. والقدوة) اقرأ القطعة وأجب

وقد نفى الزعيم عادل إمام الإشاعات التى أكدت أنه مرشح لوزارة

الثقافة.. وأكد أنه فنان فقط وليس سياسيا الخبر حقيقى كما أنه يرحب

بالتوريث ومقتنع بكل سياسات الحكومة

1- دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

(أكيد معزوم – طبيعى معزوم – وربنا معزوم..) اختر على أن تضع إيدك

على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــ ــــــــــــ
السؤال الرابع النصوص

أجب عن أحد النصين الآتيين

من نص ( ماشربتش من نيلها)..اقرأ ثم أجب

ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على

الجنسية الأمريكية..اختر..ما المقصود بنيلها فى النص؟

(المسيسبى - الأمازون – يونج يانج)

هذا النص من نصوص الحزب الوطنى والدليل وجود اسم مهم من

قيادات الحزب فى النص.استخرج الاسم..وبوسه من خده ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق

مع القول المأثور اطبخى ياجارية .. كلف يا سيدى
ــــــــــــــــــــــــــــــــــــــــــــــــــ ـــــــ
من نص (حين ميسرة)..أجب عن الآتى

1-اذكر اسم مصيبة واحدة محصلتش فى النص الأسود ده؟

2-وضح عبقرية أحمد بدير الإرهابى فى النص وهو يكتب رسالة على

الكمبيوتر باستخدام أزرار الأرقام فقط ومفيش حروف.. ويعطى أمر

التنفيذ بزرار قايمة ستارت مش بإنتر.كمبيوتر إرهابى بقى بذمتكم

عندكوا زية؟

3- سبب وجود الشرطة كل خمس دقائق فى النص

(موسم ترقيات عقبال أملتك ولازم شغل – أخو خالد يوسف ظابط ولازم

يخدم أخوه – عشان الشرطة بتراقب قسم البوليس اللى جنب أحداث

النص) اختر
ــــــــــــــــــــــــــــــــــــــــــــــــــ ـــــــــ
السؤال الخامس النحو

أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى..

ماعدا الرئيس طبعا

كان ممدوح إسماعيل قاتلا .. ضع إن مكان كان.. على ألا تنصب

ممدوح.. عشان هوه بينصب لوحده

فُرِضت الضرائب علينا ببشاعة ..أعرب الجملة .. وارفع الضرائب أبوس

إيدك
ــــــــــــــــــــــــــــــــــــــــــــــ
السؤال السادس الخط
طبعا كلنا عارفين ان مفيش خط فى اللغة العربية بتاعة ثانوية عامة

بس دة بقة من عندنا علشان الاعلانات واهو برضة ينوبنا من الحب

جانب قرشين نضبط نفسنا بيهم والا يعنى ملناش نصيب

كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون

واتصالات..كما يمكن التحويل من خط لخط بنفس الرقم.. فقط اتصل

بخدمة العملاء

الى هنا تنتهى اسئلة الامتحانات ابقى تعالى قابلنى فى المشمش لو نجحت

ههههههههههههههههههههههههه
اقول ايه بس يا لؤلؤة بعد اللى انتى قولتيه........ بس حلوة بتاعت بشتغل فى حديد عز....... ومش عارف الموضوع ده عملتيه ازاى بجد برافوا عليكى......اما بمناسبة الثانويه العامة انا خلصتهاااا والان انا فى الجامعة بكلية الاداب بس كان نفسى خرج من الثامويه احسن من اللى طلعت بيه بجد مش راضى عن المجموع اللى ودانا كليه مش عايزهااااا ........على فكرة انا كنت علمى بس فى النهايه دخلت اداب علشان الطب بعيدة شويه.......... ومتقلبيش المواجع اكتر من كدة.......وعلى فكرة انا نفسى الان ارجع الثانويه من تانى .......وحاول مرة تانيه .......وحاسس انى هجيب فيهاااااااا مجموع كبيير اوى ..........يلا اهى عدت بخيرهااا وشرهااا بس انا مشتاق لايام الثانويه بجد........