الحلقة ( 8)

يااحلى اعضاء ومشرفين .. يااغلى منتدى

فلتشهدوا اليوم على حلقة - اعتقد بل متأكدة - انها ممتعة

عشان معانا ضيف وقع فى ورطتنا .. ضيف امتاز بمواضيعه الجميلة

كلماته البراقة .. قلمه الذى لا ينضب .. ابداعه المتفانى ..

ضيف اعتادت اعيننا بمشاهدة ردوده الرائعة .. ورأيه الحكيم

اعتدنا متشاهدته بشكل دائم ومنتظم بالمنتدى

والان نثقل عليه باان يمتعنا بااجوبته الصريحة .. خالية من الدبلوماسية وانى لعلى يقين

انى بدون ان اطلب ذاك الطلب سيفعلها ..

لن تستطيع تلك السطور المتواضعة والكلمات القليلة ان تعبر عن ضيفنا الغالى

معانا ومعاكم ومع الورطة .. كابو .. منور ياباشا

اتمنى ان تسعد معانا فى الحلقة واعذرنى على تلك الكلمات القليلة وذاك الوصف الغير لائق بك

نبدأ مع حضرتك بالبطاقة الشخصية

الاسم :
العمر:
الدراسة:
الهواية :

ارق تحياتى

كابو
منور الكرسى
وبجد انت ربنا ابتلاك باسئلة
مجنونة
بس ده ميمنعش انى هسأل
امممممممم
1_هل انت راضى عن علاقتك بربنا؟
2_نسبة سماع الاغانى او فى اليوم وسماع القران او قرأته؟
3_بتغنى قد ايه فى اليوم وقد ايه بتذكر ربنا؟
5_صلاتك بتكون فى وقتها ولا بتاخرها وفى المسجد ولا البيت؟
6_بتشتغل فى اجازتك ولو بتشتغل فنوع المهنة لو سمحت؟
7_بتحب مصر؟ وليه؟ ويعنى ايه بتحب مصر؟
9_شايف اسيوط محتاجة ايه لتطور؟ وياترى راضى عن مستواها وشايفها فى نفس مستوى المحفاظات كلها ولا اقل ؟ وادكر اسبابك
10_عنوان لحياتك؟
11-اكتر يوم بتحبه؟ اكتر شهر؟ اكتر رقم؟
12_المغنى والمغنية المفضلين؟ والمنشد المفضل لو بتسمع اناشد؟
13_اكتر توبيك عجبك فى كل من الاقسام:
العشق والهوا
_المواضيع العامة
_انتيمك للشباب
_الاسلامى
_الالعاب والترفيه

15_اكتر عضو متخصص فى
_الاشتغلات
_الشعر الحزين
_ الشعر الرومانسى
_القصص
_السياسة
_المواضيع الثقافية

16_وزنك؟طول؟ شعرك ناعم ام مجعد ام اكرت؟يمكن نجيبلك عروسة

17_صفات فتاة احلامك؟

18_عدد اخواتك واسماءهم واعمارهم؟
19_هل الحب فيه كرامة ام لا؟
20_هتعمل ايه لو معاك مليون جنيه؟
21_لونك المفضل؟ اكلتك المفضلة؟
23_بتحب ولا كنت بتحب وفشل حبك؟ ولو فشل حبك مين ال كان السبب فيكم؟(وتقدر تعتذر عن تفاصيل السؤال ده)
24_ كرهتنى بعد الاسئلة دى ولا لسة؟
خد الوردة دى بصلحك بيها

بس احتمال كبير هسأل تانى

نانو ....ميرسي جدا للتقديم الجميل ده
ويسلموا ايديكي بجد ع التقديم الاكثر من رائع
واحب اقولك حاجة اخيرة انا مش بحب حاجة اسمهاالهروب من الاسئلة فعلشان كده انا هجاوب بكل صراحة عن كل الاسئلة بس بعيدة عن الاسئلة المحرجة ..تلاقيني دايما صادق في كل كلمة انا بقولها ...
نبدا بقي (بسم الله الرحمن الرحيم )

اقتباس :

الاسم :احمد والكل تقريبا عارف كده
العمر:20 سنة شهر 12 اللي جاي باذن الله
الدراسة:كلية التربية جامعة اسيوط (قسم اللغة العربية )
الهواية :الكبيوتر والنت وكرة القدم .

اقتباس :

ولحسن حظك معاك نونا المجنونه هههههههههههههه
اهلا بيكي يا مجنونة
الكبير كبير يامعلم
يا سلام
هنبدا بالفطار
نبدا (بسم الله الرحمن الرحيم )
1)امتى حسيت انك ندمان؟ وليه؟
من ناحية الوقت (يبقي السنة الثانية ليا في الكلية )(لاني ندمت اني دخلت كلية تربية ولحد دلوقتي تقريبا )
2)اوصف العضو بكلمه:
سكيتر
(ناقد)
لوليتا
(رومانسية)
عاشقه تراب مصر
(مش قادر احدد اوووي بصراحة لاني شوفتها في اكثر من مواضيع جميلة ليها )
لؤلؤة بحر النسيان
(مرحة)
نانو
(ذات اراء في غاية الجاذبية)
بسمه
(شاعرية)
كريم حسان
(عقلية متفتحة)
موونى
(ترفيهية الي حد ما ورمانسية الحد التاني)
واخير ااناااا
(مجنونة)(هههههههه)(اكيلة )

3)اكتب لنا قصتك فى 5 اسطر يعني بلاش رغي مالاخر؟
انسان عادي اووووي واوووي كمان مش بحب التطقل ع حد لدرجة ع ابوي وامي في البيت ..خدت الابتدائي الحمد لله وع فكرة انا دخلت المدرسة صغير اوووي ..والحمد لله وصلت اديني للكلية واخر سنة ان شاء الله اللي جايه ونهرب بقي من الكلية ..واتمني انها تعدي ع خير
كفاية اووووي كده علشان صعب ان القصة تتحكي في خمسة اسطر لانها هتشيل ايه ولا ايه .
4)ماذا تفعل لو:
خيانه لحبيبتك
ممكن في الاول اعرف اسامح في الاول لاكن مرة تانية فراق .
متروشن ووقعت فى بلاعه
بصراحة ربنا مش عارف ممكن اعمل حاجة واحدة لو معايا الموبايل بتاعي وفي شبكة ممكن اتصل بحد قريب يجي ياخد با يدي
قومت من النوم لقيت جنبك اسد
مش هتلاقيني (هتلاقيني فعل ماضي )..

5) لمن تقول :
مستحيل انساك
لانسانة غالية اوووي بجد ومستحيل بجد انساها
ارجع لى
مش لحد لان الانسانة دي خلتني مستحيل اقول لحد دلوقتي ارجع ليا
بعترف لك بحبي
مش عارف بصراحة ..لان مش عارف احدد مشاعري اذا كانت مشاعر حب ولا ايه .
خسرت كل الناس علشانك
لانسانه كنت بحبها بجد وساعتها تقريبا خسرت كل الناس علشانها فعلا
نسيت انساك
لاي حد صاحبي ما سال فيا ونسيني يبقي انساها
خدنى معك
لانسانه غالية بردو ولا داعي لذكر اسماء
الله يبارك لى فيك
هي هي بردو لان تقريبا كل التعبيرات لازم تكون ليا هيا
بحبك ياحمار ههههههههه
للحمار اكيد (هههههههه)
كل يوم بسال عليك
لانسانة غالية اووووي بعدت مدت عني ومش انا السبب وجاي تعاتبني انا بس بصراحة ربنا كل ثانية كانت بتعدي عليا كنت بستني اسمع صوتها فيها ..واخرتها جاي بتلقي اللوم عليا انا
تخسر رهانك
مش عارف مش بحب الرهان
انت كل شئ بحياتي
لابوي وامي (لانهم هما اكتر ناس ممكن يستحملوني ويحملوا همي ويخففوا عني بجد)
6)من ستختار ليمسح دموعك؟
مش عارف ما بتقتش مامن لحد خالص
7)من يسكن قلبك؟
حب الله الحمد لله
اذا اردت ان تبكي فعلي من تبكي؟
علي طيبتي الزايدة
9)لو خيروك بين صديقك وحبيبك فمن تختار؟ولماذا؟
صديقي ..لان صديقي لو خاني ممكن اسامحه وممكن يغلط واعاتبه ويعاتبني ..لاكن الحبيب ما بقتش مامن بردو ليه
10)هل ملابس الشخص اللى امامك تؤثر فيك؟
ما تفرقش معايا اهم حاجة عندي طيبة القلب والشخصية الجميلة وانه يفهمني وافهمه
11)حكمه تؤمن بها؟
من جد وجد ومن زرع حصد(وحاجة كمان مش عارف اذا كانت حكم ولا ايه بس الحمد لله انا مرتبط بيها اوووي (اذا اتي عليك يوم ملئ بالسعادة فلابد لك ان تحزن في اخره واذا اتي يوما عليك كله حزن لابد لك ان تفرح في اخره )
12)عادة تفعلها دائما تتمنى ان تتركها؟
السهر بالليل
13)هل حبيت من ع الشات؟بصراحه
زمان وزمان اووووي بس مش بعتبره حب ده كان لعب
14)هل انت جرئ؟ ولوكده احكى لنا موقف؟
الي حد ما (مش قادر بصراحة ربنا احكي الموقف..لانه محرج اووووي )
الاسئله العاديه بقي............
15) اسمك ؟
احمد (لتاني مرة)
16)اللقب؟
(كابو)
17)المؤهل العلمى؟
(موهل عالي (كلية تربية)
18)العمر؟
20 شهر 12 اللي جاي باذن الله (لتاني مرة؟*)
19)كم طولك؟ كم وزنك؟
مش عارف لاده ولاده .
20)الهوايه؟

يا مسهل يا كريم ...

اقتباس :

1ـ قبل اسمك ماذا تحب أن تكتب ؟
من ناحية ايه بالظبط اذا كان من ناحية المنتدي فبحب اكتب في اراء ونقاش ومواضيع عامة .
2- حيوان تشعر انه مظلوم ؟
الحمار
3- حقيبة اسرارك عند من تودعها ؟
لانسانة غالية ع قلبي اوووي ولاداعي لذكر اسماء
4- أحد علماء النفس قال ذات مرة : أنه باستطاعة الانسان العيش من دون اصدقاء .. ماذا ترى أنت ؟؟؟
مش اووووي يعني في اصدقاء تختلف عن اصدقاء .لان الواحد مننا لو ماليش حد في البيت يستحمله اكيد هيتجه انه يفضفض لصديق غالي
5- أين تأخذك ذروة الغضب ؟
لما اشووف الظلم بعينه
6- ما أجمل شيء في الاسلام ؟
التسامح
8- متى يعاندك النسيان ؟
لما تجرح من انسان عزيز
9- متى يقسو قلبك ؟
لما الاقي اللي قدامي قاسي عليا ..ساعتها اعامله زي ما بيعاملني
10- هل حدث أن انتصرت على نفسك يوما وأحصيت عيوبك ؟
اه حصلت والحمد لله قدرت اتخلص من اغلبها
11- ما هو انطباعك عن السياسه ؟
سياسية خربانة .مش اكتر
12- متى تخجل من نفسك ؟
لما احس انه في يوم جرحت حد او سببت جرح لحد
13- في زمن البحث عن المادة ... عن ماذا تبحث أنت ؟
عن الصدق وعن الصداقة وعن الحب الحقيقي اللي بقي من رابع المستحيلات
14- ماهو هدفك بالحياة؟
اني اخلص الكلية واخرج بره مصر كلها
15- ضمن من تصنف نفسك سلبي ام ايجابي؟
مش في كل الاوقات في اوقات اكيد ببقي فيها سلبي وفي اوقات ببقي فيها ايجابي
16- رتب هذه الكلمات حسب الافضليه لديك
الصحه_المال_الاولاد_الزوجه او الزوج_الحصول على اعلى المناصب_راحة البال
الصحة .المال .راحة البال.الحصول ع اعلي المناصب.الزوجة .الاولاد( )
17- عندما يحتد النقاش وتحس انك تناقش موضوع لا جدوى من مناقشته لانه لن يتغير الوضع ماذا تفعل؟
لما تناقش موضوع مثال نكون بنتاقش فيها عن البلد واللي بيحصل فيها وعن حكومتنا ساعتها نقاشنا مالوش اي جدوي
18- عندما تتناقش مع اي شخص في موضوع وفي النهايه بعد اصرار منك بالبدايه
انك على حق فتكتشف ان الذي امامك على حق ماذا يكون ردة فعلك؟
احترم رايه وشكرا ع المعلومة .
19- لو تفاجئت بخيانه شخص عزيز ايا كان كيف تتصرف معه
عزيز..ممكن اتفاهم معاها في الاول وبعده احدد ممكن اسيبه او اسامحه .
؟

اخيرا (ايه ده كله يا مجنونة ايوان )ده انتي طلعتي مجنونة بجد.
وكفاية اوووي كده اجابات انهرده ولنا لقاء اخر باذن الله
معاي يا لوليتا

يعنى جت عليا انا يا كابو
ماشى
بس عندى طلب صغنطط
بعد اذنك معلش
متكتبش بالون ده تانى
عشان وجعلى عنتينى وجابلى صوداااااااااااع

كابو ربنا يعينك والحلقة جامدة من الاول
وكلماتى لا تعتبر وصفا .. انها كلمات متواضعة لقلمى الذى عجز عن ايجاد الكلمات الصحيحة

وكنت هسال بس بسمة ومجنونة ولولى وكيمو عاوز يسأل ولسة تلات ايام ادام

اممممممم هخليك تكتفى بالقدر ده حتى الان وحاسب على الكيبورد

احمد
هو اللون جميل
بس فى الاجابات
الخلفية رمادى
فمش نافعين مع بعض
بيجيبوا
صوداع
وممكن تقلب بحول
وهتكون انت السبب
هههههههههه
ومرسى
لاستجابتك وتقبلك الطلب
واسفة على الازعاج

مرسى كتير على الورد يا كابو
واجاباتك جميلة
بس سؤال 10 متجوبش
وبجد اسماء اخواتك جميلة مشاء الله
وربنا يخليكوا لبعض
ومرسى لانك غيرت اللون
رغم ان قبلتنى مشكلة تانية
بس انا السبب فيها
هبقا اقولهالك بعدين
ومرسى بجد
واوعدك بأسئلة تانية
بس لما تخلص ال عليك

معلش ياكابو ربنا يكون فى عونك

وانا كنت متأكدة ان الحلقة هتبقى جامدة وضرب نار للصبح

وهنستنى اجاباتك عشان نبدأ اسئلة
شفت مش بنتقل عليك اهو

منور يا كابو .. يااحلى صاحب .. ربنا يوفقك وشد حيلك فى غربتك

نبدا ع طول مفيش وقت نضيعه


ياترى ليك امنيات عاوز تحققها واية هى ؟

ماذا
ستكتب لنا لتعبر عن حياتك التي عشتها الى الان في كلمات قليله ؟


بتعمل ايه عشان تغير من نفسك للاحسن؟


إيه الغامض فى حياتك
؟؟

بيقولوا ان الجراة ليها حدود ايه رايك بتتفق ولا لا وليه
؟؟

بتعترفى بالابراج .. وليه فى الحالتين ؟؟

Rest <<<<< فاصل ونواصل



عدنا ...


يالا .. يا كابو ..

يعنى ايه كابو ..؟


ماهي نقطة ضعفك

ماهي مشكلة العصر في نظرك

متى تكذبى







وجهات نظرك السياسية
من ترشح
ليكون رئيسا لجمهورية مصر العربية عام 2011
ما هو رأيك فى سياسة حسن نصرالله
ما رأيك فى الاخوان المسلمين
؟!



فقرة المواقف ..

كفاية كده مواقف -----------------

سلام

كابو
نعم
ربنا يعينك على الورطه
ربنا يسهل يا كيمو
والاعضاء مشاء الله عليهم بيحبوك اووووووى
ما هو واضح .....
و متوصيين بيك حاولت اجيب اسئله جديده و صغيره ومش هطول عليك
قول يارب
بسم الله الرحمن الرحيم
نبدا بقي
1- اكيد عشت قصه حب و من الواضح انك اتجرحت منها تقدر تقولنا ايه الى استفدته من هذا الجرح وياترى ممكن تحب تانى ولا لاقدر الله جاتلك عقده ؟
بصراحة ربنا انا استفدت حاجات كتير من القصة دي اني مامنش لاي حد مهما كان ومهما قالي في يوم اني بحبك ...واستفدت انك لما تقول كلمة بحبك لحد بتبقي صعب موووت لو بتحب بجد لاكن لو قولتها عادي كده تبقي انت مش حاسسها من جواك ..والحمد لله بصراحة ربنا انا كنت اتخنقت من كل اللي يقولي ع حاجة اسمها حب بس جات اللي حسستني بجد اني في خير لسه في الدنيا وفي لسه ناس بتحب بجد وبتحافظ ع الحب وبتقدر الوعود اللي بتعود بيها وصعب انها تنسي اللي قدامها .
2- ماذا لو كان فى ايدك انك ترجع الزمان هترجع امتى و ليه ؟
لو في ايدي اني ارجع للزمان انا قولت قبل كده مستحيل ارجع للزمان ...بس لطفولتي بس ...اما لو رجع بيا الزمان وانا كبير هيبقي يرجع في الايام اللي انا فيها دلوقتي بصراحة يعني ..لانها احلي واجمل ايام عشتها بصراحة وبعيشها ..
3- ذكرى مستحيل ابدا تنساها مهما مر عليها الزمن ؟ وليه ؟
هو في حاجات كتير بس مش قادر اتذكر بصراحة ايه هي بالظبط ..معلش
4- كيف ترى مستقبلك ؟
انا معرفش ..بس الكل بيقولي ..انت يا احمد ربنا هيديك ..وانا فعلا حاسس كده وقول يارب ..وانشاء الله املي اني اري مستقبلي وانا بره مصر مش اكتر يعني .
5- قرار اتخذته فى حياتك وبتندم عليه لغايت دلوقتى؟
قرار دخولي لكلية التربية
6- من هو قدوتك فى الحياه ؟ وايه الى اتعلمته منه ؟ وكيف تطبقه فى حياتك ؟
قدوتي في الحياة ...مش عارف بصراحة لاني لو قولتلك والدي في البيت يبقي بكذب عليك ..لان انا اتعلمت من كتير والحياة اللي علمتني اكتر واستفدت منها حاجات كتير كمان
7- هل انت مرتاح لحال العرب الان ؟ ومن وجهه نظرك كيف هو الحل ؟
حال العرب دلوقتي مايرضي اي انسان ع وجه الارض .تفرقة وعدم انتماء للدين الاسلامي بالمرة ..وانا شايف ان حال العرب بصراحة ..تجمعهم في يد واحدة ..
8- ما رئيك فى السياسه المصريه الخارجيه و الداخليه ؟
ماليش في السياسة ..نهائيا
9- هل انت ترى تغيير فعلى فى الاداره الامريكيه ؟ والى اى مدى يمكن ان نستفاد من هذا التغيير؟
مش عارف بردو ..ماليش في السياسة ..
10- ماذا تعنى لك هذه الكلمات

- السلام
ان كل بلد تعيش في امن وامان بدون حروب وتعيش في سلام مع الدول الاخري عن طريق هدنة او اتفاقية يتفقون عليها
- الحروب
مشاجرات بين الدول ع الاراضي لسلب حقوقها ..وتكون اسباب الحروب امام العالم كله يا ما الارهاب ياما النووووي ..ولاكن اسبابها الحقيقة تكمن وراء الاستيلاء ع حقة الدول الاخري
- الحب
قولت قبل كده
- التسامح
اني لما حد يغلط في حقي ويجرحني ..ويحاول انه ياذيني ويجي في الاخر ويصارحني بالحقيقة ..هو دي يبقي التسامح
- الاخلاص
اني ابقي مع الانسان اللي برتبط بيها او اصدقائي اللي مصاحبهم مخلص ليهم في كل حاجة بحيث اني ما اضربش حد من ظهره ..واخونه
- الصداقه
قولت قبل كده
- الغيره
اني لما احب اي انسان وما اقدرش استغني عنه في يوم ولما الاقي حد تاني بيتكلم معاه حتي ولو اخوه اغيرعليه
- الشك
اني احس من ناحية اللي قدامي بحاجة هو مخبيه ..ومش قادر يتكلم عنها ..وهوده يبقي الشك
- السماء
غنية عن التعريف
- الشمس
هي اللي بتضيه نهارنا بضوئها ومن غير ما كنا قدلانا نعيش في برد الشتاء ..
-القمر
هو اللي بيضئ بقي ليلنا بعد ما تغرب الشمس
-اليل
غني عن التعريف
-النهار
غني عن التعريف
- النجوم
بردو
بس كده يا كابو اتمنى انى ماكنش تقلت عليك
ابدا تقلت ايه يا كريم ..ده انا مبسوط بالاسئلة اللذيذة دي
وربنا يكون فى عونك واكيد انت منور الورطه و المنتدى كله
ما هو واضح
تقبل خالص تحياتى
تحيتي الغالية

لو
حبيبتك ورطتك وقالتك تعالى نروح السينما وبعد ما خرجت قالتك عايزة فشار
وساقع وبعد ماآخدت فشار من الراجل اكتشفت ان فلوسك وقعت او مش معاك اصلا
.. هتعمل ايه ؟؟ مع العلم ان اختراع الموبايل مكانش لسه ظهر ..
هعمل عبيط ...ويااااااااااااااه تصدقي يا حبيتي اني نسيت المحفظة في البيت ...ياااااااااه دقيقة واحدة استنيني اوصل البيت هاجيبها من ع التليفزيون وطبعا مفيش حاجة اسمها محافظ ولا فلوس بس حبة جس نبض ..علشان تخلي عندها دم وطلع تدفع
لو
ماشى مع حبيبتك برضوا .. وفجاة وانتوا ماشين طلع عليك واد جسم وعضلات
والافلامنات دى .. وقعد يغلس على حبيبتك بالكلام .. هتعمل ايه ..؟ ومتقولش
ان هتضربه ..لا يا جميل مش هقولك هاضربه ...هقولك اكيد يعني مثلا وانا ماشي معاها هيكون مثلا معايا حتي ولا قرن غزال مثلا يعني ..واي واحد طبعا شباب دمنا حامي ..مش هنسمح ان يجي عيل من العيال دي يغلس ع البنت اللي ماشي معاها ماشي يل جميل وكمان في حاجة دلوقتي اسمها تليفون محمول....هي يا دوب رنة من غير ما اتصل الاقي كل اللي جاي يخبط فيه من يمين وشمال لحدما يقول حقي برقبتي ..

خد كمان موقف هنيدى بس متعملش زيه وتقول هتطلقها

لو انتا مع حبيبتك ماشيين وطلع عليك اسد ومعاك مسدس بس فيه طلقة واحدة .. يا ترى هتعمل ايه ؟
اكيد الطلقة اللي في المسدس هاضرب بيها الاسد ..امقال هاضرب بيها حبيبتي مثلا ..ولا ايه




لما بتفشل بتعمل ايه ..؟
لما افشل اقعد لوحدي بجد واراجاع نفسي وافضل أنب في نفسي علشان بعد كده اتعلم
لما بتحس بالاحباط .. ايه رد فعلك ؟
بكون في غاية حزني ومش بقدر ساعتها اعمل اي حاجة وكل الامال والابواب بتتقفل قدامي ..ومش بقدر اني اكمل في اي حاجة
قلت ان من عيوبك العصبية .. عملت ايه عشان تتخلص منها ؟؟
بحاول ...اني اتعود اخد الامور ببساطة ..بس بردو مش قادر ..
تجارب حبك من كلامك عنها تحس انها كتييرة .. مش شايف ان ده غلط ..؟
ليه كده يا احمد .....اني احب وكده او اني امر بكذا تجربة مثلا يعني ده يبقي غلط ..لا مش شايف ان ده غلط ...لان التجربة الاخيرة دي هي اخر تجربة ليه ..وبعدها عمري ما هصدق اي حد تاني بصراحة ..لانها هي الانسانة الوحيدة اللي حسيت من ناحيتها انها اخلص انسانة ..وكل تجربة يا احمد بتعدي بناخد منها عبر ومواعظ
ليه مش قادر تتاكد من تجربتك الحالية لحد دلوقتى .. هل مش واثق من نفسك ؟؟
مش حكاية مش واثق من نفسي ..خوفي هو اللي مخليني ..مش قادر اتاكد من مشاعري ..خايف اقول بحبك وفي الاخر اتصدم زي التجربة اللي فاتت ...فشايف ان كده هيبقي ممكن هيبقي اريح حبتين ..والايام جايه كتير ومسير اتاكد من مشاعري من ناحيتها
رد فعلك تجاه اللى بينتقدك .. ايه هوه ؟
بتقبل عادي ....لانه مش غلط ان حد يقولك يا احمد انت غلطان في حاجة
ايه خطتك المعينة اللى حاططها عشان تتعامل مع البشر .. وإيه خطتك عشان تنجز طموحاتك ..؟؟
علشان اتعامل مع البشر ....كل الناس عندي زي بعضها مفيش غالي ..وصاحبي قرشي وعمي دراعي بعد كده لان اللي قضيته واتعلمته انا كفاني ووراني حاجات كتير ع حقيقتها ومفيش حد احسن من حد ...خطتي علشان انجز طموحاتي ..اللي هي اخلص كليتي علشان اسافر ..ان شاء الله باذن الله ..هاخلص الكلية وبعدها اسافر في المكان اللي انت عارفه اني انا فيها دلوقتي ...لانه هو اللي هيديني فرضتي اني اسافر بره مصر ....وحبة حبة وربنا يسهل يا احمد ...ادعيلي انت بس ..(سوري يا جماعة وسوري يا احمد ..في ناس هتبقيليه معاملتها الخاصة غير الناس التانية الناس اللي مستحيل انساها الناس اللي بجد اتربيت معاهم وقضينا مع بعضنا طفولتنا كلها ..واكيد انت اولهم ..)
هل مهم التكافؤ بين اتنين فى الحب .. خاصة التكافل المادى ..؟
مش مهم ...لان الحب مش بينظر للفرق في الحالات المادية ..
تحيتي الغالية



اعتقد انى كنت ضيف خفيف فى حلقتك .. ويارب متكونش اسئلتى ضايقك .. وربنا يوفقك يا صاحبى
اسئلة جميلة جدا يا احمد ...واتمني ...انك تفهمني صح في اجابتي ..وسوري ان كنت خرجت بره اطار الاسئلة حبتين
تحيتي الغالية
وتاكد ان اجابتي كلها في غاية الصراحة

كابو يمكن تسأل مسألتش ليه
بس الاعضاء قايمين بالواجب

وتقريبا الاسئلة اللى كان عندى فضول فيها اتسألت
والحمدلله توقعاتنا مش بتخيب never !

واضح من غير ما اقول وعشان ما يبقاش الروتين حتى هنا انك ضيف مميز
ومميز للاعضاء طبعا
وربنا يكرمك بجد حلقة جميلة صراحة فوق الوصف .. امممم حلقة ممتازة بجد مش قادرة اقول اكتر من كدة
انت شخصية طموحة قابلت ناس غلط كتير بس مش معنى كدة ان الناس زى بعضها
فى ناس بتمنوا الحب والخير والجمال ( مش بتاعة الفلسفة !!)
مش عارفة ليه عندى احساس انك سلبي من ناحية مصر او بمعنى اصح زى بقية الناس .. مش فارقة معاهم ومع ذلك بيحبوها وانت بتحبها !
نفسي اعرف ليه وصف كل واحد لنفسه باانه انسان عادى علفكرة انت مش عادى ولا اى عادى
انت بطل قصتك اللى عايشها .. يااااه بطل شفت يعنى مش عادى
الحب والصداقة والحب الحقيقى مش من رابع المستحيلات ولا حاجة بس ساعات كتر تكرار ان احنا نشوف نسخة معينة من الناس ممكن يخلينا نعتقد حاجات زى كدة
مش عاوزة اقولك او مش محتاجة اقول ان ارائك كانت جميلة جدا بجد

نورت ياكبير واتمنى اشوفك فى حلقة تانى

كــــــــ الود ـــــــــل