تقدر تقول لا ....اكيد متقدرش

موضوع: تقدر تقول لا ....اكيد متقدرش 28/07/09, 06:19 pm

بصراحه عندي مشكله جامده اوي
وهي اني مش بقدر اقول لاي حد من اهلي لا علي اي حاجه
يعني لو في مشوار اوي طلب معين ويقولوا لي عليه من غير تفكير اوافق
وطبعا ده بقي العادي عندي في البيت يعني لو حد عاوز اي حاجه بيطلبها مني
لكن كل واحد مننا ليه قده احتمال يعني في اوقات كتير مش بقدر واقول لهم اني تعبان
الاقي كل الي عملته اتنسي بسرعه ويقولوا هو انت كده علي طول مش بتعملنا حاجه وعلي طول تعبان
مع اني اكتر واحد في البيت تعبان
وكمان اخواتي مش يبعملوا حاجه خالص يعني قاعدين قدام التلفزيون او حتي نايمين

ولو قلت لا من غير اي سبب
يبقي عملت جريمه عظمي الكل يزعل مني
ومش فاهم ايه الغلط كل واحد من حقه يعمل اللي هو عاوزه
بصراحه ممكن تكون مشكله سهله بالنسبه ليكم لكن دي اكبر مشكله عندي
مش عارف اتعمل معاها ازي
ممكن حد يقولي اعمل ايه ....؟

هقولك علي حاجه
لو والدك ووالدتك بيطلبوا منك اي طلب بديهي جدا انك مش هتقدر تقول لاءه علي حاجه مهما كان ولو زعلوا منك عشان قولت ع حاجه لاءه يبقوا حقهم حتى لو انت اول مره تقول لاءه ..لان زي ماربنا قال سبحانه وتعالي (وبالوالدين احسانا ) يبقي ده شئ مفيهوش نقاش لان بعد طاعه ربنا مباشره طاعه الوالدين وطاعتهم برضوا من طاعه ربنا سبحانه وتعالي ( ولا تقل لهما اف ولا تنهرهما وقل لهما قولا كريما )
دي اول نقطه
تانى نقطه بقي ان لو حد طلب منك طلب وانت حاسس انك تقدر تعملها يبقي اعملها حتى لو هو مش بيقدر تعبك قول لنفسك انا هعمل ده لوجهه الله سبحانه وتعالي ....يبقي انت مش بتتعامل مع بشر لاءه بتعامل مع ربنا وبتقول انا بعمل ده ليك يارب وجزائي عند ربنا
انماا لو انت مش قادر تعمل الطلب ده يبقي لا يكلف نفسا الا وسعها ممكن تقول لاءه مش هقدر اعمل ده بس باسلوب مش يزعل حد يعنى ممكن تقول انا مش هعمل ده لانى تعبان الوقتى بس اوعدك اعمل ده لما ابقي احسن وتقوله ياريت تعذرنى لانى تعبان ..لاننا اتفقنا انك بتعمل لوجهه الله سبحانه وتعالي ومش مستنى من حد مقابل لان انت هتستنى المقايل من ربنا ..واكيد هتلاقي المقابل صدقنى ف حياتك سواء في الدنيا او الاخره
ياريت اكون قدرت افيدك
واسفه للاطاله

اخى العزيز

كل الى ممكن اقولهولك ان مهما حصل فبردوا دول اهلك

والى مالوش خير فى اهله مالوش خير فى حد و فى النهايه

ربنا عز و جل حثنا على ضروره طاعه الولدين و اننا لازم نريحهم

يمكن انت بتتعب من مشاوير عاديه بس تفتكر هما تعبوا قد ايه عشانك

والدتك مثلا تعبت قد ايه عشان وانت لسه صغير او وهى حامل فيك وقد ايه

كانت تعبانه جدااا وولدك بيشتغل عشان يجبلك كل الى انت عايزه و بيتعب عشانك

تيجى لما يطلبوا منك طلب يكون ده ردك او جواك حاول تفتكر كويس انهم تعبوا عشانك ورضاهم

عليك من رضا ربنا سبحانه وتعالى فكر كويس هتلاقى انك مهما عملت مش هتقدر توفى

ولو جزء بسيط من الى هما قدمهولك

اتمنى انى اكون قدرت احللك المشكله او حتى اهون عليك شويه

تقبل خالص تحياتى

انا شايفه ان راى كريم راى صحيح
بس مش حل
لان لازم يكون في حريه شخصيه ليك
ممكن ترفض بس بالسلوب كويس عشان ميكونش في زى من اى طرف
بس لازم يكون في راى او شخصيه سورى بس ده راى
لان مش اى حد يقولك تعالى تروح رغم انفك
ولكن والديك لكم حق عليك لاتنسي

تقبل ردى