هل نحن جيل فاشل؟؟؟سؤال يطرح نفسه!!!!

سندريلا
التوبيك مهم اوى وفعلا جدير بالنقاش
انا رائى ان جيلنا ممكن يكون حالة سئ وبيمشى وراء التفاهات
لكن هو لسة بيبدأ حياتة وبيكون شخصيتة وافكارة وبيتعلم من الحياة
وموصلش لسن اننا نتهمة بعدم تحمل المسئولية لسة الوقت قدامة
واذا كان فعلا زى ما بيقولوا انة فاشل يبقى مش جيلنا هو السبب
السبب الاساسى فى التربية يعنى لو كان نشئ واتربى بطريقة
تجعلة ناجح ويقدر يتحمل المسئولية ونشئ على تعاليم الدين اظن مكنش دة بقى حالنا
وكتير من الشباب بيكون عندهم طموحات واحلام واهداف عايزين يحققوها لكن الوضع الحالى
والمجتمع مش بيدعمة
لكن هرجع واقول اننا منحكمش على نفسنا بالفشل لان لسة الوقت قدامنا ولسة كتير باذن الله هيتغيروا
وفى كتير برضوا ناجحين اوى
دة رائى الشخصى
واسفة جدا على الاطالة
تقبلى مرورى

ياااااه اد ايه سمعنا الكلمة دى انتوا جيل فاشل طيب العيب فينا ولا فى النظام !
احنا من ساعة ما اتولدنا وفتحنا عنينا لقيناها خربانة وادونا الراية عشان تصلح ؟! .. طيب هنصلح ايه ولا ايه ولا مين .. وتيجى تتفرج على الافلام القديمة تلاقى البلد فاضية والسكان قليلين والناس لاقية اللى يكفيها ولقمة هنية تكفى مية .. وانت تعد تقول انا ليه مكنتش فى الزمن طب وليه اصلا الزمن ده ميكونش عندنا ليه مسلمونيش الراية ساعتها هصلح انا ايه ولا ايه ومن حالة الكآبة واليأس اللى حطهالك المجتمع اتقالك انك من جيل فاشل !!
احنا جيل اللا جيل, دى الحقيقة لو عايزينها, أحنا جيل متخبط ما بين ظروف الحياة الصعبة اللى بتضغط علينا وما بين الأغراءات بجميع أنواعها اللى بتأثر فينا بشدة, وفى نفس الوقت محتارين بسبب النواة الطيبة والوازع الدينى اللى موجود فى كل واحد مننا.. لو بصينا كويس هنلاقى ان عندهم حق, احنا جيل تامر حسنى زى ما بيقول بعض الناس, وبرضه جيل عمرو خالد, ومايمنعش نكون جيل عمرو دياب وهيفاء وشوية جيل الحزب الوطنى وحنلاقى حبة جيل الأخوان المسلمين .. احنا مش بنرجع كل حاجة للحكومة لا لان كل حاجة فعلا راجعة للحكومة !!

النقطة التانية فى الموضوع اللى بيقولوا علينا جيل بايظ تعالى ياحلو قبل ما تقول علينا جيل بايظ, عملت أيه مع أولادك النهاردة, شفت لبس بنتك وهى نازلة عامل ازاى ومسمحتلهاش تلبس حاجة خارجة؟
عنفت ابنك انه بيكلم بنت من ورا أهلها وأنه سايب الصلاة وميعرفش حاجة عن دينه؟
سألت مراتك عن أحوالها واتطمنت على صلة الرحم بتاعتك انت وهى؟
بلااااااااش كل ده, عملت أيه فى شغلك النهاردة؟
سهلت الأمور على الناس ومعقدتهاش على شاب جاى يقضى مصلحة له؟
واجهت واحد زميلك فاسد بفساده ومنعته من التحكم بالناس؟
وانت ماشى فى الشارع منعت الأذى عن واحد أو واحدة غيرك ماشيين؟ الناس اللى بيكلموا علينا واحنا جيل فاشل والاخلاقيات هما اللى فسدوا وبوظوا .. انا فاضية وممكن اتكلم للصبح وبرده مش هيكفينى

سندريلا انا رديت عليكي بموضوع اعتذر للاطالة بس كل ده ومكفنيش
احنا مش جيــل فاشل !
تقبلى مرورى