من كان جرئ فليجيب!!!!

موضوع: من كان جرئ فليجيب!!!! 25/09/09, 12:02 am

من أنت ؟ و ما لذي تفعله هنا ؟

*لو ظهر في داركم بئر نفط هل ستخبر الدولة أم لا؟

*لو قدر لك أن تدخل السجن فما هي القضية التي تتمنى ان تدخل بها إليه ؟

*أنت مكلف بحذف حرفين من حروف اللغة العربية .. أيهما ستختار ولماذا ؟

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

*بجملة واحدة فقط أكتب تعريفا لكل كلمة من الكلمات التالية:

الوطن :

الأم :

الليل :

الحب :

الصمت :

أمريكا :

المرأة :

الإنترنت :

البوابة :

الماسنجر :

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟

*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!

*اختر منصبا واتخذ قرارا ! ؟

*عاد المتنبي وقصدك لتبحث له عن عمل ماذا ستقترح عليه ؟

*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟

*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟

*أختر خمسة أعضاء من المنتدى وامنحهم ألقابا ؟

*وجه رسالة لشخص لا يعرفه إلا أنت ؟

*ما هو لون النسيان؟

منقول للاهميه

موضوع: رد: من كان جرئ فليجيب!!!! 25/09/09, 12:28 am

يالا يا هدير
ادينى اول حد ينفعك .. Smile

من أنت ؟ و ما لذي تفعله هنا ؟
أحمد ،، اهو شوية حاجات كده باستمتع انا وبعملها وبتفيدنى طبعا ..
*لو ظهر في داركم بئر نفط هل ستخبر الدولة أم لا؟
هاقولهم .. يعنى هاعمل بيه ايه اصلا .. رغم انهم حرامية .. بس برضه هاقولهم
*لو قدر لك أن تدخل السجن فما هي القضية التي تتمنى ان تدخل بها إليه ؟
قضية ..امممم .. مظاهرة او دفاع عن حق .. او حاجة دينية
*أنت مكلف بحذف حرفين من حروف اللغة العربية .. أيهما ستختار ولماذا ؟
الضاد ، حرف رخم اووى الراء ، مبعرفش انطقه صح
*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة ، فى البيت الابيض .. الوردة الحمراء ، عند القدس (الاقصى)

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
لا طبعا ، الكتابة كيان وتعبير وحياة .. بس اللى مجرد كتابة وبس ومش بيستفاد بتبقى فعلا احلام فى الهواء
*بجملة واحدة فقط أكتب تعريفا لكل كلمة من الكلمات التالية:

الوطن :
مكان امان
الأم :
مكان للحنان
الليل :
مكان للظلام من كان جرئ فليجيب!!!! 393959

الحب :
إحساس لا يقاوم
الصمت :
ابلغ من الكلام فى كتير من الاحوال
أمريكا :
جبروت وطاغية .. ولكل ظالم نهاية
المرأة :
كائن عجيب .. كل اللى همه يلاقى حبيب من كان جرئ فليجيب!!!! 393959

الإنترنت :
ساحة الحوار لــ خير او شر
البوابة :
بوابة ايه ؟؟
الماسنجر :
تعارف
*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
هههههههههههه هيقى فضايح وشتيمة
*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
العالم زى العسل بس نشيل امريكا ..
*اختر منصبا واتخذ قرارا ! ؟
التعليم
.. قرارات كتيير ابقى اجهزهملك
*عاد المتنبي وقصدك لتبحث له عن عمل ماذا ستقترح عليه ؟
يشتغل رقاصة ويتكل ع الله من كان جرئ فليجيب!!!! 393959

*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
ههههههههه والله اللى بيقول كده حد كله حكم .. ولا تعليق اكتر من كدا
*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
معرفش
*أختر خمسة أعضاء من المنتدى وامنحهم ألقابا ؟
بسمة .. فراشة المنتدى
ندا .. عقل المنتدى
مستر ام .. فليسوف الغبرة
الاء ..نجمة المنتدى
هوبه .. هواء المنتدى
طمطم .. استراحة المنتدى
*وجه رسالة لشخص لا يعرفه إلا أنت ؟
الله يسامحك .. عملت معايا كتيير .. وتقولى ان دا حب .. هوه الحب ايه بالنسبة لك
*ما هو لون النسيان؟
ابيض

شكرا اوى ع الاسئلة دى .. تحيتى لك

موضوع: رد: من كان جرئ فليجيب!!!! 25/09/09, 03:47 am

من أنت ؟ و ما لذي تفعله هنا ؟
هبه....... باستفيد وافيد
*لو ظهر في داركم بئر نفط هل ستخبر الدولة أم لا؟
اكيد هاقولهم
*لو قدر لك أن تدخل السجن فما هي القضية التي تتمنى ان تدخل بها إليه ؟
قضيه امن دوله
*أنت مكلف بحذف حرفين من حروف اللغة العربية .. أيهما ستختار ولماذا ؟
حرف ذ عشان بيستعبط بيقلد حرف ز هههههههه
وحرف ق عشان رخم اوى
*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبله لاعداء الاسلام
الوردة لكل ام
*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
الكتابه عبارة عن اراء وافكار
*بجملة واحدة فقط أكتب تعريفا لكل كلمة من الكلمات التالية:

الوطن :
امان
الأم :
مدرسة
الليل :
هدوووووء
الحب :
تضحيه وعطاء
الصمت :
احيانا افضل من الكلام
أمريكا :
ظلم وقهر
المرأة :
نصف المجتمع

الإنترنت :
تكنولوجيا
البوابة :
مش فاهمه
الماسنجر :
تعارف وصداقه
*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
مش عارفه
*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
الشاي ملوش فايدة
الكمبيوتر انهيار بكل المقاييس
امريكا ياريت نخلص منها
يوم الجمعه ماينفعش
*اختر منصبا واتخذ قرارا ! ؟
وزير الاقتصاد
عشان اخلى السلع فى متناول ايديهم
ومايكونش فى حد جعان

*عاد المتنبي وقصدك لتبحث له عن عمل ماذا ستقترح عليه ؟
كاتب او مؤلف
*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
اؤيد الرائ واذكر الادلة
*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
شارون ههههههههههه
*أختر خمسة أعضاء من المنتدى وامنحهم ألقابا ؟
لؤلؤة بحر النسيان.......شمس الصباح
عبده علوان.......حبيب الملايين
بسومه.........رحيق المنتدى
سكيتر.....شمعة المنتدى
امة الله.....صاحبه الطله البهيه

*وجه رسالة لشخص لا يعرفه إلا أنت ؟
معجبة مغرمه انا بقي مش عايزة الا هو

*ما هو لون النسيان؟
اخضر

موضوع: رد: من كان جرئ فليجيب!!!! 25/09/09, 04:40 am

من أنت ؟ و ما لذي تفعله هنا ؟
عابرة سبيل .. باستفيد وبحاول افيد

*لو ظهر في داركم بئر نفط هل ستخبر الدولة أم لا؟
طبعا

*لو قدر لك أن تدخل السجن فما هي القضية التي تتمنى ان تدخل بها إليه ؟
مدافعة عن حق مظلوم

*أنت مكلف بحذف حرفين من حروف اللغة العربية .. أيهما ستختار ولماذا ؟
مش عارفة بس لو 3 حروف يبقى (ظ ل م)

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة هحاول اتخلص منها والوردة هاديها لأمى

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
ده على حسب موضوع الكتابة

*بجملة واحدة فقط أكتب تعريفا لكل كلمة من الكلمات التالية:

الوطن : صعبان عليا جداااا

الأم : كائن لايمكن الاستعناء عنه

الليل : راحة للتعبان

الحب : بصراحة مجربتوش

الصمت : احسن حاجة فى الدنيا

أمريكا : نو كومنت

المرأة : كائن مشاكس

الإنترنت : سلاح ذو حدين

البوابة : بوابة ايه ؟؟؟

الماسنجر : تليفون عالكومبيوتر

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
اخبار الخراب والفقر والموت منتشرة فكل الصفحات

*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
من غير الشاى القهاوى تفلس
من غير الكومبيوتر هاتتعطل مصالح ناس كتييير
من غير امريكا فلسطين هاترجع
من غير يوم الجمعة مش هايكون فيه ريست

*اختر منصبا واتخذ قرارا ! ؟
اختار منصب رئيس الجمهورية واخد قرار اصلاح احوال التعليم

*عاد المتنبي وقصدك لتبحث له عن عمل ماذا ستقترح عليه ؟
بصراحة مش عارفة

*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
هاقول هههههههههههههههه

*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
دكتورة ظلمتنى فى تقديرى هههههه

*وجه رسالة لشخص لا يعرفه إلا أنت ؟
منك لله ياشيخة ربنا ينتقم منك عللى عملتيه

*ما هو لون النسيان؟
رمادى

موضوع: رد: من كان جرئ فليجيب!!!! 25/09/09, 11:42 am

سكيتر كتب:: يالا يا هدير
ادينى اول حد ينفعك ..

*أنت مكلف بحذف حرفين من حروف اللغة العربية .. أيهما ستختار ولماذا ؟
الضاد ، حرف رخم اووى الراء ، مبعرفش انطقه صح

أنت الدغ ولا ايه ؟؟؟؟

*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
العالم زى العسل بس نشيل امريكا ..

فين باقي الكلام انت اكلمت ع امريكا بس يااحمد

*اختر منصبا واتخذ قرارا ! ؟
التعليم
.. قرارات كتيير ابقى اجهزهملك

اتمنى تفتح التوبيك تانى عشان تكمل اجابتك

*عاد المتنبي وقصدك لتبحث له عن عمل ماذا ستقترح عليه ؟
يشتغل رقاصة ويتكل ع الله

ههههههههههههههه
ايه اللى بتقوله ده
ده سسؤال جد

يقولوان ان انتظمتنا متسلطة على شعوبها .. لكي تنشأ جيلا صبورا أمام المحن !
ما تقول أنت ؟
ههههههههه والله اللى بيقول كده حد كله حكم .. ولا تعليق اكتر من كدا

يعنى ايه لا تعليق كمل اجابتك اذ كنت تجرؤ

شكرا اوى ع الاسئلة دى .. تحيتى لك

موضوع: رد: من كان جرئ فليجيب!!!! 25/09/09, 11:49 am

مجنونة ايوان كتب:: *عاد المتنبي وقصدك لتبحث له عن عمل ماذا ستقترح عليه ؟
كاتب او مؤلف
ماهو كاتب ومؤلف وشاعر هنستهبل
جاوبي اجابه مفيده
*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
اؤيد الرائ واذكر الادلة
فين الادله اذكريها ياحبيبتى ؟؟

*أختر خمسة أعضاء من المنتدى وامنحهم ألقابا ؟
لؤلؤة بحر النسيان.......شمس الصباح
عبده علوان.......حبيب الملايين
بسومه.........رحيق المنتدى
سكيتر.....شمعة المنتدى
امة الله.....صاحبه الطله البهيه

الا محطيتى اختك يلا هعديها ههههههههههههههههه

موضوع: رد: من كان جرئ فليجيب!!!! 25/09/09, 11:56 am

عابرة سبيل كتب:: *في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة هحاول اتخلص منها والوردة هاديها لأمى
افهم من كده ان القنبله مش هتديها لحد؟

*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
هاقول هههههههههههههههه
يعنى ايه هههههه
وضحى.؟؟

موضوع: رد: من كان جرئ فليجيب!!!! 25/09/09, 04:15 pm

من أنت ؟ و ما لذي تفعله هنا ؟
انا جيلان..وانا هنا علشان استفيد ونفسى افيد
*لو ظهر في داركم بئر نفط هل ستخبر الدولة أم لا؟
اه هقول لانى مش هعرف اعمل فية اية
*لو قدر لك أن تدخل السجن فما هي القضية التي تتمنى ان تدخل بها إليه ؟
قضية فى الدفاع عن الدين
*أنت مكلف بحذف حرفين من حروف اللغة العربية .. أيهما ستختار ولماذا ؟
حرف الظاء علشان غلس..وحرف الخاء برضوا مش بحبة
*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة هحطها فى مكان فية فسق..والوردة ههديها لاكتر حد بيحبنى
*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
انا رأيى ان الكتابة بيعبر فيها الشخص عن نفسة وبيكتب احلامة وممكن تتحول الاحلام لحقيقة ومش هتكون مجرد احلام فى الهواء
*بجملة واحدة فقط أكتب تعريفا لكل كلمة من الكلمات التالية:

الوطن :هو الذى يحتوينا ويشعرنا بالامان

الأم :هى رمز الحنان والحب وكل المعانى السامية

الليل :لحظة سكون وهدوء نجلس فيها مع انفسنا ونحاورها

الحب :احساس جميل مقدرش اقول حاجة عنه

الصمت :افضل انواع الكلام عند الغضب

أمريكا :بلد يسودها الظلم والفساد

المرأة :كائن رقيق وحنون

الإنترنت :قرية صغيرة جمعت العالم

البوابة :؟؟؟

الماسنجر :تعارف ومواصلة بين الاصدقاء

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
من القضايا والمشكلات وغيره
*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
الشاى:مش هيأثر
الكمبيوتر:العالم هيتأثر جامد وحاجات كتير هتضيع
امريكا:هدووووووووء وعدل
يوم الجمعه:هيبقى مافيش اجازة ولا راحة
*اختر منصبا واتخذ قرارا ! ؟
اختار منصب وزير البيئة واعمل مشروعات نظافة كتير يمكن الامراض تقل
*عاد المتنبي وقصدك لتبحث له عن عمل ماذا ستقترح عليه ؟
والله مش عارفة
*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
لا اؤيد هذا الرأى لان الانظمة دى مش هتجعلة صبور
*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
رايس.. بس يارب مترجعش تانى
*أختر خمسة أعضاء من المنتدى وامنحهم ألقابا ؟
سكيتر:مؤسس المنتدى
طمطم:ضحكة المنتدى
لؤلؤة:زهرة المنتدى
هبة:صاحبة الروح الجميلة
ندا:صاحبة الرأى الواقعى
*وجه رسالة لشخص لا يعرفه إلا أنت ؟
ياريت نرجع اصحاب زى زمان وتنسى اى حاجة زعلتك منى
*ما هو لون النسيان؟
ابيض

موضوع: رد: من كان جرئ فليجيب!!!! 25/09/09, 06:32 pm

سندريلا كتب:

سكيتر كتب:: يالا يا هدير
ادينى اول حد ينفعك ..

*أنت مكلف بحذف حرفين من حروف اللغة العربية .. أيهما ستختار ولماذا ؟
الضاد ، حرف رخم اووى الراء ، مبعرفش انطقه صح

أنت الدغ ولا ايه ؟؟؟؟
آااه

*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
العالم زى العسل بس نشيل امريكا ..

فين باقي الكلام انت اكلمت ع امريكا بس يااحمد
مانا قلتلك العالم مش سهل انى اتخيل العالم من غير دول ماعدا امريكا

*اختر منصبا واتخذ قرارا ! ؟
التعليم
.. قرارات كتيير ابقى اجهزهملك

اتمنى تفتح التوبيك تانى عشان تكمل اجابتك
ان شاء الله لاحقا
*عاد المتنبي وقصدك لتبحث له عن عمل ماذا ستقترح عليه ؟
يشتغل رقاصة ويتكل ع الله

ههههههههههههههه
ايه اللى بتقوله ده
ده سسؤال جد
هههههههههههه هاعملك ايه يا هدير يعنى المتنبى ينفع يعمل ايه .. اكيد ولا حاجة
يقولوان ان انتظمتنا متسلطة على شعوبها .. لكي تنشأ جيلا صبورا أمام المحن !
ما تقول أنت ؟
ههههههههه والله اللى بيقول كده حد كله حكم .. ولا تعليق اكتر من كدا

يعنى ايه لا تعليق كمل اجابتك اذ كنت تجرؤ
اجرؤ ومش هاكمل عناد وغلاسة

شكرا اوى ع الاسئلة دى .. تحيتى لك

موضوع: رد: من كان جرئ فليجيب!!!! 25/09/09, 07:37 pm

جلان
نورتينى
واجابتك جميله

احمد
جاوب ع الاسئله وبطل هزار هههههههههه

موضوع: رد: من كان جرئ فليجيب!!!! 25/09/09, 08:26 pm

هههههههههههه
هزار ايه بس
والله انا جاوبت ..

موضوع: رد: من كان جرئ فليجيب!!!! 25/09/09, 08:30 pm

لا يااحمد
انت عمال تهزر
المتبنى هيشتغل رقاصه ايه اللى بتقوله ده هههههههههههه

موضوع: رد: من كان جرئ فليجيب!!!! 26/09/09, 10:58 am

صح ياسكيتر المهنة دي للسيدات ينفع طبال !!

من أنت ؟ و ما لذي تفعله هنا ؟
مصرية .. بذاكر !

*لو ظهر في داركم بئر نفط هل ستخبر الدولة أم لا؟
لا طبعا يكش تولع !

*لو قدر لك أن تدخل السجن فما هي القضية التي تتمنى ان تدخل بها إليه ؟
معارضة

*أنت مكلف بحذف حرفين من حروف اللغة العربية .. أيهما ستختار ولماذا ؟
ولا حرف

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة هسيبها فى مكان امين احتفظ بيها
الوردة هزرعها

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
مش احلام بس طموحات ومشاعر وحقوق الكتابة كل حاجة

*بجملة واحدة فقط أكتب تعريفا لكل كلمة من الكلمات التالية:

الوطن :
حلم

الأم :
امان

الليل :
وحدة

الحب :
متاهة

الصمت :
لغة

أمريكا :
صناعة

المرأة :
صعبة كلمة واحدة اممم
جمال

الإنترنت :
تقدم

البوابة :
قصر

الماسنجر :
تعارف

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
الاخبار اشاعات !

*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
الشاى عادى هشرب نسكافيه !
الكمبيوتر هيبقى العالم بطىء
امريكا اليابان هتتصدر الصناعة هتبقى قائدة العالم
يوم الجمعة امم يوم السبت هيجي بداله !

*اختر منصبا واتخذ قرارا ! ؟
وزير الشباب
الالتحاق بمركز تأهيل ( اللى انا هعمله ) اجبارى

*عاد المتنبي وقصدك لتبحث له عن عمل ماذا ستقترح عليه ؟
عــــــــاطل

*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
مصر اول دولة تحقق هذه المقولة!!

*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
اخده واضيعه .. امم جميع السفراء فى مصر !

*أختر خمسة أعضاء من المنتدى وامنحهم ألقابا ؟
سكيتر ... هارى بوتر
مجنونة ايوان .. مجنونة - من غير ايوان -
مصطفى ... جيفارا المنتدى
بسمة ... شاعرة المنتدى
سوسو ... الكبيرة

*وجه رسالة لشخص لا يعرفه إلا أنت ؟

الحياة ليست تلك السقطات والحفر بل هى اعمق !

*ما هو لون النسيان؟

اسود !

شكرا ياسندريلا على الاسئلة
تقبلى مرورى

موضوع: رد: من كان جرئ فليجيب!!!! 26/09/09, 11:17 am

ندا
نوتينى
وثانكس لمرورك

واكيد عرفت عنك حاجات كتير نورتى

موضوع: رد: من كان جرئ فليجيب!!!! 26/09/09, 12:45 pm

من أنت ؟ و ما لذي تفعله هنا ؟
انا بنوتة عادية زى اى بنوتة وانا هنا لانى حبيبت المنتدى
واستفدت منة كتير وعرفت فية اكتر اخوات قريبين منى بالكون كلة

*لو ظهر في داركم بئر نفط هل ستخبر الدولة أم لا؟

اة عادى هقولهم لانى انا مش هستفاد منة فى حاجة لكن هما اكيد هيستفادوا

*لو قدر لك أن تدخل السجن فما هي القضية التي تتمنى ان تدخل بها إليه ؟
ممكن قضية دفاع عن الدين

*أنت مكلف بحذف حرفين من حروف اللغة العربية .. أيهما ستختار ولماذا ؟
حرف الغين علشان ميبقاش فى غدر
حرف الخاء علشان ميبقاش فى خيانة

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة ححطها فى مكان فى ناس بتكدب وتخون وتغدر
اما الوردة هديها لامى لانى اكتشفت ان العالم كلة خاين معادا هى

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
مش بكل الاحيان بس انا عن نفسى كتير بكتب حاجة نفسى احققها
وبحققها وكتير بكتب حاجة مستحيل انها تتحقق فبرسمها بقلم يمكن اعيش فيها ولو للحظة

*بجملة واحدة فقط أكتب تعريفا لكل كلمة من الكلمات التالية:

الوطن :امل بس محتاج شوية تعب مننا

الأم :حياة محدش هيحبنا زيها لا دة يمكن فى زمنا محدش هيحبنا غيرها

الليل :سكون وساعات خوف اوقات ورومانسى فى الشتا

الحب :كلمة مبقلهاش معنى فى زمنا اللى يلاقيها ميسبهاش لانة عمرة ما هيلاقيها تانى

الصمت :احيانا ابلغ من الكلام وممكن يعبر عن وجع مش ملموس بس محسوس

أمريكا :جبروت بس بيوم اكيد هيموت

المرأة :غلبانة اوى وهى بتحب وقاسية اوى لما بتنتقم من اللى حبيتة وجرحها

الإنترنت :سلاح ذو حدين بين النفع والضرر

البوابة :قصر امير من عصر قديم نفسى ارجعلة واحبة فى زمن غير زمن الكدب اللى احنا فية دة

الماسنجر :صداقة ممكن اوقات تكون اقوى من الاصدقاء اللى نعرفهم كويس

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
اختلاف وجهات النظر فى كل كبيرة وصغيرة

*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!

الشاى ملوش اى فايدة انا مش بحبة مش هياثر يعنى
الكمبيوتر من اهم الحاجات فى حياتى من غيرة بكون مخنوقة
امريكا الدنيا ممكن تتضبط ونحاول نحقق سلام من غير قيود
يوم الجمعة كدة الاسبوع يبوظ

*اختر منصبا واتخذ قرارا ! ؟
وزيرة الشئون الاجتماعية
انشاء ديار رعاية ايتام ومسنين واطفال شوارع فى كل محافظة
وتجميع اى طفل شارع واعادة تاهيلة وتعليمة

*عاد المتنبي وقصدك لتبحث له عن عمل ماذا ستقترح عليه ؟
ممكن يكون وزير ثقافة
او ممكن افتحلة مركز يفهم الناس معنى الحياة

*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !

ما تقول أنت ؟
اقول ان شباب العرب ميقدروش يقولوا لاة
يعنى من الاخر جيل ميقدرش يقف قدام الظلم بيجرى ويهرب ويدارى
مش شايفة ان دى مقولة سليمة خالص

*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
هاخد معايا اى حد ممكن تصورلة نفسة انة من حقة يجرح حد او يكدب على حد او يخون حد

*أختر خمسة أعضاء من المنتدى وامنحهم ألقابا ؟
سيكا روح المنتدى
بسمة فرحة منسية
سارة دمعة مستخبية
هوبة مجنونة المنتدى (بس قلبها طيب اوى واللهى )
لولى زهرة ربيع
سوسو نسمة صيف

اسفة انى اخترت ستة مش خمسة

*وجه رسالة لشخص لا يعرفه إلا أنت ؟

انت احساس امانى فى حياتى
من غير وجودك انا بجد لوحدى اوووووووووووووى
بدعيلك كتير اوى ربنا يكرمك وتكون احسن حد فى النيا كلها يارب

*ما هو لون النسيان؟

اسود

موضوع: رد: من كان جرئ فليجيب!!!! 26/09/09, 01:25 pm

من أنت ؟ و ما لذي تفعله هنا ؟
احمد..برفه عن نفسي حبتين من خنقة البشر الحقيقين فبحاول اني اتعامل مع ناس ما اشوفهاش احسن علشان ما اتاذيش
*لو ظهر في داركم بئر نفط هل ستخبر الدولة أم لا؟
اكيد هاخبرهم وهو هيفدني في ايه يعني بس لازم اخد عمولتي منهم مش في داري
*لو قدر لك أن تدخل السجن فما هي القضية التي تتمنى ان تدخل بها إليه ؟
اتمني ادخل السجن في قتل واحد خائن
*أنت مكلف بحذف حرفين من حروف اللغة العربية .. أيهما ستختار ولماذا ؟
الخاء ..والنون ..ومش لازم بقي ليه
*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة اليدوية ساضعها في جيبي والوردة الحمراء ساهديها لحبي الوحيد قبل موتي
*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
الكتابة سر من اسرار الانسان ...الانسان مننا بيتمسك بيها علشان هي الورقة الوحيدة اللي ممكن يكتب فيها اسراراه وما يقدرش حد يعرفها غيره
*بجملة واحدة فقط أكتب تعريفا لكل كلمة من الكلمات التالية:

الوطن :مكان للعيش والعشرة والارتباط بين البشر

الأم :مكان للحنان والخوف

الليل :صمت وسكون

الحب :احساس سامي من اجمل واروع الاحاسيس التي يشعر بيها الانسان

الصمت :الهدوء

أمريكا :القوة والافتراء

المرأة :الكائن الحساس في الكون والملئ بالحنان بس مش في كل الاوقات

الإنترنت :علم بلا حدود

البوابة :عادي شرح للي بداخل المنتدي

الماسنجر :مجموعة من الاشخاص يتحاورن ويتشاركون الافكار عن طريقه

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
عن طريق الاهانات التي تصاب بها فلسطين كل يوم وعن طريق صفحة الحوادث المليئة بالصحف كل يوم
*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
بدون الشاي عادي لانه في قهوة
بدون الكمبيوتر ازاي هيبقي العالم هيرجع لوراء مش هيتقدم خالص
امريكا ..يا دين محمد ساعتها مفيش حروب ومفيش نوووي ومفيش قتل ومفيش سيطرة
يوم الجمعة مستحيل بردو ده هو اليوم الوحيد اللي ربنا بيستجيب مننا فيه مع العلم ان باب السما مفتوح في اي وقت بس هو يوم بركة وخير
*اختر منصبا واتخذ قرارا ! ؟
منصب وزير التربية والتعليم ...بان يتم توظيف كل خريجي كلية التربية الحاليين والجدد براتب لا يقل عن 1000 لتقدير جيد جدا وبراتب 900لتقدير جيد وبراتب 800جنيه لتقدير مقبول وبراتب 500 جنية لدور نوفمبر
*عاد المتنبي وقصدك لتبحث له عن عمل ماذا ستقترح عليه ؟
اقول ارجع كما كنت مش لما الاقي انا في الاول
*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
مش عارف .......الحمد لله قلبي صافي من ناحية كل البشر
*أختر خمسة أعضاء من المنتدى وامنحهم ألقابا ؟
كل الاعضاء كويسين ومفيش حد يفرق عن حد وربنا يصلح حال الجميع
*وجه رسالة لشخص لا يعرفه إلا أنت ؟
مهما ببعدقلبي انا وياك حبيبي عليك يطمني

من الي فيا عنيا بقت شايفاك وحاسس بيك بتلمسني

وحعمل ايه بتوحشني حبيبي خلاص حياتي معاك

وهانت بكرا انا راجع واه دلوقتي لو سامع

بحبك نفسي اقولها لك وانا ايدي في ايديك

حبيبي بقولك اتطمن كلامك ليا بيهون

سنين عدت حعيدها لك وانا قدام عينيك
*ما هو لون النسيان؟
ابيض

موضوع: رد: من كان جرئ فليجيب!!!! 26/09/09, 05:34 pm

سندريلا كتب:: من أنت ؟ و ما لذي تفعله هنا ؟
انا سحر
وبحاول استفيد وافيد الاعضاء اللي في المنتدي
وبتعرف علي ناس جديده واستفيد من خبراتهم

*لو ظهر في داركم بئر نفط هل ستخبر الدولة أم لا؟
هقولهم طبعا يعني هعمل بيه ايه؟؟؟؟؟؟؟

*لو قدر لك أن تدخل السجن فما هي القضية التي تتمنى ان تدخل بها إليه ؟
هدخل في قضيه ادافع بيها عن ديني وعن الرسول
عليه الصلاة والسلام

*أنت مكلف بحذف حرفين من حروف اللغة العربية .. أيهما ستختار ولماذا ؟
مش عارفه بس ممكن الزين والضاد علشان رخمين حتي في نطقهم

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟

القنبله هحطها في قلب تل ابيب في اسرائيل
والورده ههديها لماما وبابا واخواتي

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

اكيد الكتابه فن راقي واسلوب حياه وفكر راقي
بس لازم الانسان يكتب حاجات مفيده
مش اي كلام وخلاص
*بجملة واحدة فقط أكتب تعريفا لكل كلمة من الكلمات التالية:

الوطن :الحمايه والامان

الأم :الرحمه والحنان والعطف والقلب الحنين واجمل حاجه في الدنيا

الليل :هدوء وسكون وظلام وستر

الحب :تضحيه وفداء

الصمت :لغة العظماء

أمريكا :قهر وظلم

المرأة :الجمال والرقه والحنان

الإنترنت :سلاح ذو حدين

البوابة :بوابه ايه؟؟؟؟؟

الماسنجر :تواصل

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
جهل ونفاق ورياء ومشكلات
*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
الشاي :معتقدش انه هيأثر
الكمبيوتر:العالم مش هيتقدم
امريكا:الدنيا هتتصلح
يوم الجمعه:مش هينفع مش هيبقي في صلاة الجمعه
ولا في اجازه

*اختر منصبا واتخذ قرارا ! ؟
اختار ابقي وزير الصحه 0000000 والقرار اني اوفر العلاج لجميع المرضي في مصر
بدون فرق بين غني او فقير
*عاد المتنبي وقصدك لتبحث له عن عمل ماذا ستقترح عليه ؟
ممكن يبقي صحفي
*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
هيا الانظمه متسلطه علشان تخلي الشعب جبان ومش مهتم بحاجه غير لقمة العيش
مش عايزه الشباب يفكروا في حاجه
والله بتريحنا هههههههههههههههه
*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
مش عارفه
*أختر خمسة أعضاء من المنتدى وامنحهم ألقابا ؟
كل الاعضاء كويسين ومش هينفع اذكر خمسه بس

*وجه رسالة لشخص لا يعرفه إلا أنت ؟
نفسي اشوفك لانك وحشتيني اوي
ومش عارفه انتي نسيتيني ليه
ومهما حصل هأفضل فاكراكي
ومش هنساكي ابدا
لاني بحبك
*ما هو لون النسيان؟
اسود
منقول للاهميه

شكرا علي الاسئله الجامده
ويا رب اكون جاوبت كويس
تقبلوا تحياتي

موضوع: رد: من كان جرئ فليجيب!!!! 26/09/09, 06:28 pm

من أنت ؟ و ما لذي تفعله هنا ؟
انا كريم حسان طالب فى جامعه قناه السويس الفرقه الرابعه و الى بعمله هنا

هو حلم حسيت انى ممكن احققه هنا اننا نكون فعلا شباب واعى قادر على

اختيار مصيره و له كلمه قادر على ايصالها الى العامل اجمع

*لو ظهر في داركم بئر نفط هل ستخبر الدولة أم لا؟

مانا لازم اقول للدوله امال هعمل ايه بالبترول بس هاخد منهم فلوس بقى

استغلالى شويه ههههههههههههههههههه

*لو قدر لك أن تدخل السجن فما هي القضية التي تتمنى ان تدخل بها إليه ؟

هو انا ماتمناش انى ادخل السجن الا فى حاله انى اكون بدافع عن حق

هى دى الحاله الوحيده الى هيكون السجن شرف ليا

*أنت مكلف بحذف حرفين من حروف اللغة العربية .. أيهما ستختار ولماذا ؟

لاكل الحروف العربيه جميله مش هحزف اى حرف

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟

القنبله هضعها فى وجهه اعداء مصر و العرب و الاسلام اما الورده

ههديها للناس الى بيحبونى
*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

معتقدش ان الكتابه مجرد احلام فى الهواء لانها شئ هام جدا خصوصا

ان لها تأثير فى تغيير اشياء كثيره

*بجملة واحدة فقط أكتب تعريفا لكل كلمة من الكلمات التالية:

الوطن :هو حياتى و ممتلكاتى

الأم :الحنان و الطيبه

الليل :السكون

الحب :الامل فى رقى الانسان

الصمت :خير من الكلام الاهوج

أمريكا :مركز قياده الارض لكن فى ايد من يفسدون فى الارض

المرأة :نصف المجتمع

الإنترنت :وسيله للتعارف و التعالم لكن اذا احسنا استخدامه

البوابة :اما انها نهايه حلم او انها بدايه حلم جديد

الماسنجر :وسيله للاتصال بس رخيصه شويه ههههههههههههه

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
عندما يرى الكذب و الضحك على الشعوب ووهم الناس بأننا متقدمين

و الحقيقه تقول اننا فى تأخر مستمر

*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!

الشاى : متهيقلى مالوش لازمه يعنى عادى

الكمبيوتر : ماكناش عرفنا ولا تعلمنا شئ عن الحاضارات الاخرى

امريكا :ممكن كان يكون العالم اكثر امننا بدون امريكا

الجمعه :مش عارف

*اختر منصبا واتخذ قرارا ! ؟

ما حبيش انى اكون فى منصب معين الا اذا كان ربنا عايز كده

*عاد المتنبي وقصدك لتبحث له عن عمل ماذا ستقترح عليه ؟

هقولوا غنى مهو الناس كلها بتغنى

*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟

عمر التسلط ماكان وسيله لتعليم الشعوب لكن اذا كنا عيزين نتحدى المحن

يبقى بالتعلم الجيد و التثقيف للشعوب

*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟

مش عارف بصراحه

*أختر خمسة أعضاء من المنتدى وامنحهم ألقابا ؟

لا انا مش هختار لانى شايف ان كل الاعضاء مشاء الله كويسين و يستاهلوا

احلى الالقاب

*وجه رسالة لشخص لا يعرفه إلا أنت ؟
جايز اكون جرحتك ببعدى عنك بس صدقنى هى دى احسن وسيله عشان

ماسببلكش جرح اكبر واحنا كنا فى يوم من الايام مع بعض و قريبين من بعض

بس بعدى ده هيريحك اكتر حاول تنسانى و عيش حياتك الدنيا جميله

و فيها ناس كويسين كتيير

*ما هو لون النسيان؟

لون النسيان اسود

موضوع: رد: من كان جرئ فليجيب!!!! 26/09/09, 08:49 pm

لؤلؤة بحر النسيان كتب:: *أنت مكلف بحذف حرفين من حروف اللغة العربية .. أيهما ستختار ولماذا ؟
حرف الغين علشان ميبقاش فى غدر
حرف الخاء علشان ميبقاش فى خيانة

حلوة اوى الاجابه دى وحرف الكاف من عندى عشان ميكونش فيه (كدب)

*عاد المتنبي وقصدك لتبحث له عن عمل ماذا ستقترح عليه ؟
ممكن يكون وزير ثقافة
او ممكن افتحلة مركز يفهم الناس معنى الحياة

حلوة ياايمان

*أختر خمسة أعضاء من المنتدى وامنحهم ألقابا ؟
سيكا روح المنتدى
بسمة فرحة منسية
سارة دمعة مستخبية
هوبة مجنونة المنتدى (بس قلبها طيب اوى واللهى )
لولى زهرة ربيع
سوسو نسمة صيف

اسفة انى اخترت ستة مش خمسة

هقول ايه
محطتنيش اهئ اهئ

نورتينى
واكيد عرفنا عنك كتير

موضوع: رد: من كان جرئ فليجيب!!!! 26/09/09, 09:11 pm

K@po كتب:: *في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة اليدوية ساضعها في جيبي والوردة الحمراء ساهديها لحبي الوحيد قبل موتي

جميل اوى

*أختر خمسة أعضاء من المنتدى وامنحهم ألقابا ؟
كل الاعضاء كويسين ومفيش حد يفرق عن حد وربنا يصلح حال الجميع

شيفاك محايد يااحمد فين الاعضاء [/b]

اكيد نورتنى

موضوع: رد: من كان جرئ فليجيب!!!! 26/09/09, 09:30 pm

كنوز كتب:

سندريلا كتب:: *أختر خمسة أعضاء من المنتدى وامنحهم ألقابا ؟
كل الاعضاء كويسين ومش هينفع اذكر خمسه بس

ايه ده فين الاعضاء لا ازكرى اعضاء ياسحر

شكرا علي الاسئله الجامده
ويا رب اكون جاوبت كويس
تقبلوا تحياتي

نورتينى
ياقمر

موضوع: رد: من كان جرئ فليجيب!!!! 26/09/09, 09:51 pm

كريم حسان كتب:: *لو ظهر في داركم بئر نفط هل ستخبر الدولة أم لا؟

مانا لازم اقول للدوله امال هعمل ايه بالبترول بس هاخد منهم فلوس بقى

استغلالى شويه ههههههههههههههههههه

ايوا كده ده نفط ياجماعه

*أنت مكلف بحذف حرفين من حروف اللغة العربية .. أيهما ستختار ولماذا ؟

لاكل الحروف العربيه جميله مش هحزف اى حرف

بطل دبلوماسسيه وجاوب

*اختر منصبا واتخذ قرارا ! ؟

ما حبيش انى اكون فى منصب معين الا اذا كان ربنا عايز كده

برضه بطل دبلوماسيه
*عاد المتنبي وقصدك لتبحث له عن عمل ماذا ستقترح عليه ؟

هقولوا غنى مهو الناس كلها بتغنى

ايه ده انت هتعمل زى احمد يقولك يرقص
جاوب

*أختر خمسة أعضاء من المنتدى وامنحهم ألقابا ؟

لا انا مش هختار لانى شايف ان كل الاعضاء مشاء الله كويسين و يستاهلوا

احلى الالقاب

مينفعش حط اعضاء ياكريم

نورتنى يا كريم

موضوع: رد: من كان جرئ فليجيب!!!! 26/09/09, 09:56 pm

اقتباس :

*أختر خمسة أعضاء من المنتدى وامنحهم ألقابا ؟
كل الاعضاء كويسين ومفيش حد يفرق عن حد وربنا يصلح حال الجميع

[b]شيفاك محايد يااحمد فين الاعضاء[/b

مش حكاية محايد لا بالعكس علشان الاعضاء كلهم في نظري شموع المنتدي مفيش حد يفرق ع التاني

خالص تحيتي وتقديري [/b]

موضوع: رد: من كان جرئ فليجيب!!!! 26/09/09, 10:36 pm

K@po كتب:

اقتباس :

*أختر خمسة أعضاء من المنتدى وامنحهم ألقابا ؟
كل الاعضاء كويسين ومفيش حد يفرق عن حد وربنا يصلح حال الجميع

[b]شيفاك محايد يااحمد فين الاعضاء[/b

مش حكاية محايد لا بالعكس علشان الاعضاء كلهم في نظري شموع المنتدي مفيش حد يفرق ع التاني

خالص تحيتي وتقديري [/b]

كلام جميل يااحمد
بس التوبيك اسمه لمن يجرؤ
لازم تحط اعضاء ؟؟

موضوع: رد: من كان جرئ فليجيب!!!! 27/09/09, 10:13 am

من أنت ؟ و ما لذي تفعله هنا ؟
بصي يمين وانتى تعرفي
بجاوب على اسئلتك من كان جرئ فليجيب!!!! 778413

*لو ظهر في داركم بئر نفط هل ستخبر الدولة أم لا؟
لا طبعا انتى عايزة امريكا تحتل البيت كمان ولا ايه من كان جرئ فليجيب!!!! 72922

*لو قدر لك أن تدخل السجن فما هي القضية التي تتمنى ان تدخل بها إليه ؟
من كان جرئ فليجيب!!!! 550159

قضيه امن دوله

*أنت مكلف بحذف حرفين من حروف اللغة العربية .. أيهما ستختار ولماذا ؟
حرف ال ث عشان ممكن تقول سين وبعيدها تطلع لسانك اسهل من كان جرئ فليجيب!!!! 839496

وحرف ال ظ عشان حاجتين اولا ديما بيتكتب لما اجى اعمل علامة استفهام من كان جرئ فليجيب!!!! 444832

وكمان بيجنني فى لعبه اتوبيس كوملبيت من كان جرئ فليجيب!!!! 72922

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبله هافجر بيها نفسي "عمليه استشهاديه" من كان جرئ فليجيب!!!! 678771

والوردة هاحطها على قبري

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
يعنى النص الاول صح والتانى انا مختلفه معاكى فيه
هى فعلا الكتابه ممكن تطير بينا وبتريحنا كتير لما بتكتب كل اللي جوانا واه ممكن تنبقى فيها احلام بس مش فى الهوا
*بجملة واحدة فقط أكتب تعريفا لكل كلمة من الكلمات التالية:

الوطن :مكان بنحس فيه بالامان

الأم :الام اول مدرسه فى العالم هى اللى بتديك المصاريف مش انتا

الليل :مملكه Sleep

.gif" border="0" alt=""/>

الحب :الحب كالخمر والنبيذ... فكلاهما مر ولكنه لذيذ

الصمت :سلاح قوى جدا مش كتير بيعرفو يستخدموة

أمريكا :اعظم قوة فى العالم بس ربنا ع الظالم والمفتري

المرأة :اولها .... "مر" واخرها..... "آآه"

الإنترنت :دة عالم تانى خالص

البوابة :حته بيخشو منها

الماسنجر : من كان جرئ فليجيب!!!! 3057

دة طبعا غير مازنجر مش كدة

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
هيلاقيها كلها صفحة الحوادث من كان جرئ فليجيب!!!! 746187

*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
بدون الشاي عادى فى نسكافيه مش هاتفرق كتير
الكمبيوتر لا لا هايفرق طبعا العالم هايبقى ابطئ بكتير والجهله هايكترو
امريكا مممممم محدش هاينكد علينا ولا هايكلنا ويشربنا ويدلعنا ويشخلعنا
يوم الجمعة ما كناش هانصلي صلاه الجمعه من كان جرئ فليجيب!!!! 839496

*اختر منصبا واتخذ قرارا ! ؟
الاستاذة الدكتوره الباشمهندسه وزيره الري
واول قراار لقد قررت ان اتنحى عن منصبي عندى عيال عايزة اربيهم من كان جرئ فليجيب!!!! 839496

*عاد المتنبي وقصدك لتبحث له عن عمل ماذا ستقترح عليه ؟
هاقوله يشتغل ميت
*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟
هما مين دول ديما الى بيقولون ههههههههه
والله لو هما فعلا بيعملة كدة عشان يخلقو جيلا طبورا يبقى كتر خيرهم

*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
واحد عزيز عليا
ولماذا... مش بقولك عزيز عليا
*أختر خمسة أعضاء من المنتدى وامنحهم ألقابا ؟
سكيتر-------> الزعيم
كابو--------صاحب صاحبه
لوليتا--------هى فعلا زى اللوليتا
مجنونه ايوان ---------- عاقله جدا
نانو--------- البرنسيسه
*وجه رسالة لشخص لا يعرفه إلا أنت ؟
عذرا لبعض احاسيسنا الجميله فاحيانا نضظر الى قتلها كى لا تقتلنا ......منتهى الاناينه مش كدة؟

*ما هو لون النسيان؟
مش فاكره

وبجد موضوع متميز جد ا والاسئله عجبتنى واجابتكم عجبتنى اكتر
ومعقول يا سكيتر عايزهم يلغو حرف الضاد يابنى دى اللغه العبيه اساسا اسمها لغه الضاد ههههههههه
وحلوة رقاصه دى هايكسب برضة

موضوع: رد: من كان جرئ فليجيب!!!! 27/09/09, 12:29 pm

tumtum كتب:: من أنت ؟ و ما لذي تفعله هنا ؟
بصي يمين وانتى تعرفي
بجاوب على اسئلتك
شكلك كده غلباويه هههههه
من انتى جاوبي ؟
*لو ظهر في داركم بئر نفط هل ستخبر الدولة أم لا؟
لا طبعا انتى عايزة امريكا تحتل البيت كمان ولا ايه
كده تعجبينى ههههههههه

*أنت مكلف بحذف حرفين من حروف اللغة العربية .. أيهما ستختار ولماذا ؟
حرف ال ث عشان ممكن تقول سين وبعيدها تطلع لسانك اسهل
هههههههههه طيب
وحرف ال ظ عشان حاجتين اولا ديما بيتكتب لما اجى اعمل علامة استفهام
وكمان بيجنني فى لعبه اتوبيس كوملبيت
نعم اتوبيس كومبليت ايه ههههههه بطلى لماضه

*بجملة واحدة فقط أكتب تعريفا لكل كلمة من الكلمات التالية:

الحب :الحب كالخمر والنبيذ... فكلاهما مر ولكنه لذيذ
رد مليش تعليق عليه لانه فعلا كده
وملقتش حد وصفه بالطريقه دى غيرك

المرأة :اولها .... "مر" واخرها..... "آآه"
المراه سبب البشريه ومن دونها تنقرض البشريه
ومتقوليش كده انتى مراه

يوم الجمعة ما كناش هانصلي صلاه الجمعه
كنت بقول هبه مجنونه طلعتى انتى اجن هههههههههههه

*اختر منصبا واتخذ قرارا ! ؟
الاستاذة الدكتوره الباشمهندسه وزيره الري
واول قراار لقد قررت ان اتنحى عن منصبي عندى عيال عايزة اربيهم
نعم ياختى

*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
واحد عزيز عليا
ولماذا... مش بقولك عزيز عليا
مجنووووووووونه هههههههه ردى ياابنتى ع الاسئله

وبجد موضوع متميز جد ا والاسئله عجبتنى واجابتكم عجبتنى اكتر
ومعقول يا سكيتر عايزهم يلغو حرف الضاد يابنى دى اللغه العبيه اساسا اسمها لغه الضاد ههههههههه
وحلوة رقاصه دى هايكسب برضة

نورتينى ياطمطم
وع فكرة مااختلفتيش كتير عن احمد ههههههههههه

وجاوبي ع الاسئله وبطلي لماضه